وقار الشيوخ :

ماشاء الله يعني اللي فوق كلهم ما يعرفون هالتصرف وماقد شافوووه بحياتهم ولا حتى امهاتهم وجداتهم سووه او سمعوا فيه !! طريقة الاستنكار مره غريبه ! بالنسبه لنا نلبس جلال وما نكثر حركه عندهم وموب لازم نشوف زين من ورا الغطاء اذا كنا جالسين وما عندنا شغل وممكن نجلس على جنب احنا يالحريم ونفتح الغطاء على جنب والرجال على جنب ثاني والحمدلله ما سوينا حراام اجل حرام السكن مع اهل الزوج لان لابد من هالاختلاط والتقارب !!! والحمدلله نعرف العيب والحرام وما نتعدى الحدود والادب وما ضر اهلنا الا ما ينضرب بالادب والسنع الا بنات الاولين

ماشاء الله يعني اللي فوق كلهم ما يعرفون هالتصرف وماقد شافوووه بحياتهم ولا حتى امهاتهم وجداتهم...

.صفحه جديده. :

عاد ياكلون مع بعض ليش وش الله حادهم الله يهديهم في اختراع اسمه سفره للحريم سفره لرجال والله ما ارى في الاختلاط خير واذا هذا طبعهم الوحده اسلم لها تاخذ عيشتها بعيد وتاخذ راحتها والشيطان شاطر ولاتقولون اخوان ومدري وش الحمو قال الرسول صلى الله عليه وسلم الحمو الموت وهاتك عاد الا من رحم ربي تدقيق وكلن يشوف غير الي عنده وزين ياشيطان اعوذ بالله والجلال مو كافي ولاتقولون امهاتنا متعودين الاولين كان نصهم عندهم جهل وطبايع مدري وش تبي لا ولاقلتي مابي اصافح قالت ياخزيها ياخزياه والله من جهنم عاد نقول الاولين ماعندهم علم وجهل ولاحنا لانزم نفعل كما كان يفعل ابائنا ليش ماعندنا دين ناخذ منه الي واجب علينا والحين الوضع اختلف حتى القلوب ماعاد هي زي اول الا من رحم ربي الامانه قلت الي يخلي الوحده تلبس عبايه برا وش يخليها ماتستتر جوا والحمو الموت واكثر من الي برى تلبس عبايه كامله شراب جوانتيات وعبايه مريحه وسيعه مصكره عشان تاخذ راحتها ولا جلال بذات عاد لاصار جلال مايستر في الصلاه كيف عند الرجال وهاتك يا المفاتن الي طالعه وحجم كل شي باين والله عيب عيب عيب الحمد لله مايمر علي كذا دايم لاكن ولله الحمد والمنه استحي وقد مره مروو بسيط علي بعض الحموات كذا الله يسامحهم لا وتحط رجل على رجل والتنوره شوي قصييره او الصدنل مدري وش يبي والله ماني غايره منهم واالرجال شبعانين ويمكن لو الواحد يبين مفاتنه لاكن يخاف ربي ورانا حساب موت قبر محد يستاهل ناخذ ذنب عشانه والله حتى ما اكافئها لاشفتها ترزز عن زوجي لوهي حماتي وما ادري وش الحكمه هو بلاهه ولا حب ترزز ولا عشان شوفي يافلانه والله ولا اكافئها بختصار انا والله الحمد اخاف رب العالمين والواحد مايضمن عمره يمكن هي الله يمد في عمرها ووتتوب ويمكن الله يغفر لها ها العمل اووو وانا لا ويمكن بعد يعذبها بس كلن يقع عليه العذاب الحال وانا بصراحه من عذاب ربي على نفسي مشفقه ولله الحمد ولا ابي اتعذب ولا ابي ادخل الجنه بعد عذاب لا ودي الله يدخلني برحمته بدون مايؤاخذني بذنب ويطهره في النار اعوذ با الله منها لازم الوحده تتقي الله الرسول صلى الله عليه وسلم قال الحمو الموت ولاتقولون مايناظر يناظر وحتى لو مو حمو هذا رجال ملزيمن با الستر عنه وبا العكس لاصار الواحد قريب وقعده عائليه يصير كل شي واظح واقرب يعني اوجب في الستر والله اشوفهم ياناظرون ما ادري وش هو شفايه ولا ايش الرجال يناظرون لاكن القلوب علمها عند ربي لاكن من يتقي الله يجعل له مخرجا والله مع المتقين تذكري بس ان هذا الحمو الي برى اهون منه كما قال الرسول صلى الله عليه وسلم الحمو الموت يعنين ماتخافين حتى يكون الذنب اعظم من برى لو يطلع منك شي الستر الستر الله لايحرمنا منه ويجعل حجابنا وقايه لنا من النار فهو فرض علينا كما يجب على الرجل صلاة الجمعه حنا يجب علينا الحجاب اتقو الله في انفسكم ولنتظر نفس ماقدمت لغد وخلي شعارك الي برى استتر منهم لاكن الي جوا استتر منهم أكثر ..الله يصلحنا جميع ولاتقولن الرجال اهل زوجي ملتزمين والحمد لله عيالهم فيهم خير بس يناظرون مناظر والله يخليك تستحين على وجهك وحتى زوجي كم مره كشفته وانا ادري ماعنده اعوذ بالله ردا وهذا طبع فيهم كلهم يعني بصراحه نظرات اخو زوجي تذكرت المارهقين عند المدارس الله لايبلانا ولا اولاد الجيران الا من رحم ربي مدري ليش كذا بس اكيد الشيطان له دور ويمكن ماعنده نية ردا بس ليش المناظر ولافيه وحده منا بتاكيد بتقول ليش هذا يناظرني او او بتخليها في قلبها وكلكم يمكن مريته ببعض الاشياء طيب الوحده نستتر احسن لها ولانتبع خطوات الشيطانن ما ادري بلوا يمكن طبع الرجال او نادر الي يغض البصر يحسبونه تلفزيون وحتى التلفزيون حرام بس والله يقززقزون وشلون عاد لاصارت الوحده دلوعه ونص الحجاب مدري كيف <<انا ماتميعت عن زوجي عشان اتميع ومع ذالك ماسلمت من النظرات وشلون الي يتدلعن وماكأن فيه احد غريب زي ماقلت بعد الحجاب مدري وش يبي الرقبه طالعه الرجول ومره تلفه يمين مره شمال ويطلع لك بعض الاشياء ويتزحلق يعني بصراحه مو حلو والله وحده من خالاتي ولا اكذب عليكم الله يسامحهم اخوان زوجها الي يقولها انا احبك من زمان وين حنا الله يهديه ولايبلانا و راحت علمت زوجها بغو يتقالتون ليش تجيبون مصايب في الاسر واحد تقول يرسل لي رسايل وانا ابتلشت تخيلي الله يسامحهم عاد اخوهم الكبير بس هذولي يمكن ماهم صالحين وخالتي من النوع الطيب على نياتها بزياده مدري ليش مبلشينها يمكن بسبت ها الاختلاط لانهم كانو في بيت واحد المشكله اخوان زوجها الي اصغر منه ولا ارحتاحت حتى راحت بيت ثاني بس لازم الوحده تكون شديده مع الحمو وغير المحارم لان نص الرجال يفهم غلط ونصهم ينفتن صح لو الوحده ماعندها نيه لاكن لازم تتحجب عشان ما احد يطمع فيها وتتقي الله في نفسها وعرض زوجها وأماناته الله يقول لاتخوونو اماناتكم وحجابنا وسترنا وعرض اهلنا امانه عندنا ولي تنبيه بعد الحريم الي يركبون مع السواق والله تركبين مع سواق او حتى اي محرم طبعا مثل خال عم اخو وتجيك الدلوعه الله يصلحها الي ها الراكب مو محرم لهاتحسين من دلعها وتغنجها وظحكها انتي تستحين ودك ترمين نفسك لو هو خلقتها بس والله عيب ولا الي مايحلا لها التغزل مع زوجها في التلفون الا مع السواق او حتى الكلام الناعم مع الصديقات وهاتك ياظحك وياقلبي ياعمري ماكان الي يسوق عنده احساس ولا وكان هذا الي اسمه سواق ماهو محسوب من ظمن الرجال الي واجب علينا ان نستتر عندهم ولانبين مفاتننا عندهم ولانخظع با القول لابد ان نتقي الله في انفسنا الناس تجاهد في سبيل الله وحنا عجازنين نلف هالشيله زين ولانخضع با القول الله يهدينا بس ويهدي الجميع ولايزغ قلوبنا بعد اذا هدانا والحمد لله الذي عافانا مما ابتلا خلقه وفضلنا على كثير من ماخلق تفضيلا والحمد لله والصلاة والسلام على نبي الله سبحانك الهم وبحمدك اشهد ان لا اله الا أنت استغفرك واتوب اليك

عاد ياكلون مع بعض ليش وش الله حادهم الله يهديهم في اختراع اسمه سفره للحريم سفره لرجال والله ما...