ذكرتيني بـ زوجي , يحب التاريخ والجغرافيآ والسيآسه .. لا مسك خط وربي مايسكت الآ بعد سآعه .. يوووووووه يطفشني مرآ .. وحتى الكوره يحبهآ ل درجةة يجيب ورقه وقلم ويشرح لي هذا بيلعب مع مين وبيقابل مين و مدري وش ..

والله آني أتصنع اني فآهمه هههههههه , واحاول آخذ وأعطي معه ب هالمجآلات ..
لكن آذا سولفت عن أشيآء الحريم يقول لي وش لك دخل فيهم ماعليك بالناس 😂😐😢 .. طيب وش اسولفلك فيه !
أنتي سولفي معه بس لا تحاولين تكثرين هرج .. يعني كلمتين افتحيهآ وآسكتي .. عاد حاولي تمسكين نفسك شوي هههههههههههه شكلك ثرثآره 😂😆..
وسولفي ب الشيء اللي يحبه ..
يعني مثلاً شفتيه جالس ع الجوآل قوليله وش تتآبع ! قال لك مثلاً عن خبر أو بي سيّ معين ..
قومي قولي إيه والله وآتفلسفي ف يتحمس معك فيه ..
واذا تبين تسولفين عن شيء آنتي تبينه .. ف البدآيةة تأكدي آنو مو مشغول ، عشآن م تحرجين نفسك ..
يعني مثلاً منسدح ع السرير بس صآحي , أو مثلاً ب السيآره بس مو على الجوآل , أو مثلاً يآكل ..
أول شيء حآولي تجيبين له سآلفه تضحك .. تعليق يضحك , كلمه تضحك ..
خليه يبتسم ويضحك عشآن يكون متهيئ يستقبل هذرتك ..
بعدهآ آجلسي جنبه و آستخدمي كلمات مفتاحيه حمآسيه لموضوعك .. مثلاً يوووه تصدق اليوم وش سآر وربي وربي مآني قآدره أستوعب .. أو مثلاً آتحدآك تعرف وش حصل أمس !! شيء يصدمك !
أو قولي اذا ب تسولفين عن وحده ( الرجال مايحبون هالشيء ، بس الحرمه لازم تفضفض 😂 ) قولي له : والله أمس عند جآرتي سآر موقف عجيب مآودي أقوله بس نفسي تعطيني رآيك ..

هآلكلمآت اللي تستخدمينهآ تخلين عقله يلتفت لك ويتحمس , يقول ف قلبه وش عندهآ وش السالفه ! ف يعطيك انتبآه .. أحسن من آنك تجينه وتقولين أمس جارتي سوت كذا وكذا وانا آستغربت منهآ و و و .. تحسينه ب يرد ع طول مو وقتك .. أو وش عليك فيهآ .. أو مشغول الحين ماني فاضي لك انتي وجاراتك .. فهمتي !

و أهم شيء تجين له و هو رآيق ،، مو بعد دوآمه أو وهو جاي من برآ ، ولآ بينآم !
ويآحبذآ آذآ ودك تسولفين و تهرجين مع زوجك .. تسوين له مثلاً قهوه , حلآ .. او شاهي وفشآر .. وحطيهآ وناديه طبيعي هذي جلسسةة القهوه والشآهي تخلي الواحد يسولف ويسمع للطرف الثآني ,.

أتمنى آستفدتي , 😂❤️

احس احلا شي عند الرجل
لما زوجته تحسسه ان عنده معلومات جديدة اهي ما تعرفها

كلميه في الامور العامة
اسئليه عن السياسية مثلاً ورأيه
عن طفولته
عن حياة الشباب والذكريات
تكلمي عن امور مشتركة تجمعكم
عن حبكم
عن صفات تحبيها فيه
حاولي لما انتي وهو منفردين لا تجيبين سيرة العيال والبيت
خلي هالسيرة في اوقات معينة
شاركيه افكارك
احلامك
معلومات قرأتيها
اخذي رايه بامور تخصك
او امور عامة

لا تنقلين له سوالف الحريم
تكلمي عن ميوووولك وهواااياااتك

وسمعت وحدة حكيمة قالت
الفرق بين الزوجة والعشيقة
ان العشيقة يجي يوم ويمل الرجال يتكلم معها ولا يجد موضوع مشترك يجمعه بها
عكس الزوجة رغم طول المدة والعشرة الا انه لازم فيه امور مشتركة وجديدة يتكلموا فيها

انا اتفق معها

انتي بس فكري بالسوالف الي يحبها وتشده
وحاولي ان تكون سوالفك مرحة وحلوة
ومتجددة على طووول

ههههههه حلووه اللي يجيب ورقه وقلم ويشرح مين بيلعب




المههم انا مثلكم
لكن بعد ماتزوجته سرت احب الكوره الاسهم السيارات
واهم شي السفر
فالبيت مانسولف كثير لكن بالسياره مكاين شغاله
لكن لشفته ساكت وانا طفشانه وماعندي ثرثره
اقووووول
بقص شعري بصبغه
ملابسي قديمه بغيرها جوالي مابيه
البيت ناقصه كذا
لعصب قلت صدقت انت ههههههه
ولا لبغيته يسولف وسالفه ورا سالفه
اقول ودي بنونو هينا شوي ويضربني لاني توي مخلصه ال٤٠
لكن سوالف الحريم مايحبها


وخلصت ثرثرتي هههههه

الرجال اكره ماعندهم سوالف الحريم والبيت والعيال مستحيل يستمع لك فيها هذي

لكن خذي ب رأيه بموضوع شوفي كيف يندمج معاك ويجلس يتفلسف ومايسكت

وكمان سولفي معاه عن ذكرياته واستمعي له
يحبوا احد يشاركهم ذكرياتهم الحلوة

وكثير سوالف بتجي مع الجلسه لكن المهم تبعدي عن النكد والتذمر والتشكي
فرفشي واستهبلي وطقطقي ع اي شئ
بيمسك معاك الخط ولا رح يسكت

عادي افرفر بالنت وان لقيت خبر سولفت وفيه وفتحت باب للنقاش وبكذا خليت ابو الهول يسولف بدل مو ساكت كل الوقت وسرت اتبع هالطريقه لانها ناجحه ميه بالميه😄😁😂