كل مواضيعك حلوووووو تجنننننننننن تسلمين يا عسل
بس عندي سؤال خالتي عملت صبغة لون دم الغزااااااااال
هي تقول أضافت الكركدية ولا طلع النتيجة انا قلت لها المفروض ما تضيفين الكركديه
هل السبب الكركدية ولا لا وممكن تكرر الصبعة في الاسبوع ولااااااا
شووو رايك؟؟؟؟؟
وقرأت موضوع عن هربيل كونزيل تعطي اللون بعد الصبغة
ممكن أستخدمها للخلطات هذي علشان تعطي اللون أكثر وضوحا ولاااااا
اسفة جدا على كثرة الاسئلة وسامحيني

:27: :26: :26: :26:

تسسسسسلمين ام طيبه الطيبه

على الافكار الرهيبه

بس ماعرفت هذا
3-كوبين من محلول دم الغزال ( ملعقة كبيرة من بودرة دم الغزال في كل كوب ماء )




:26: :26: :26: :26:

على فكره مو كوب خل كتير؟ وكوب فيمتو مركزمو كتير كمان؟ تسير الدنيا شوربه غير المويه الساخنه
والفيمتو ما يتخلط بالمويه يعني كوب مركز تماما

وانا حطيت الحنه ونمت فيها عادي؟

هلا ام طيبه والله يعافيك على هالالوان الطبيعيه بس وش رايك باللي لون شعرها اشقر ذهبي غامق ينفع معاه الاشقر او الكستنائي ابي لون حلو وفاتح ومميز وهل يبين من اول مره اذا لون الشعر فاتح(اللون اللي ذكرته)؟؟؟؟؟؟وهل يفضل ان الحنا ما تجف حتى ما يتكسر الشعر زي ما هو متعارف عليه وتغسل وهي رطبه او لدنه واذا حطينا زيت يمسك اللون او ان الزيت يمنع الاصطباغ؟؟؟ردي علي ضرووووووووووري والله يجزاك كل خير

أوفيليا تسملين على ذوقج بس ياختي اذا كنتي صابغه شعرج لازم تنتظرين على الاقل مده شهر الى شهرين علشان تقدرين تستعملين الخلطه هذي وانتي كنتي مصممه تستعملينها مافي مانع بس انتبهي لازم بعد كل مره تحطين الخلطه بالشعر تستعملين حمام زيت من نوع ممتاز تحت البخار للشعر ضروووووووري جدا وبعد في شغله ثانيه ترى اللون الي تختارينه يمكن مايطلع مثل ماتوقعتي على الشعر يعني اذا كان لون صبغه شعرج احمر وتحطين الخلطه مالت الشعر البني راح يطلع اللون بشعرج نحاسي فاتح خذي بالج من الموضوع هذا

وبصرررررررررراحه شديده من كل قلبي انا تشرفت بالكتابه لج ياختي أوفيليا وياريت تكون بدايه تعارف طيبه بيننا

الرد على الاخت شمعة الوفاء خالتج كان المفروض ماتحط الكركديه للشعرها اذا كانت ناويه تصبغ بلون دم الغزال لان الخلطه مالت دم الغزال فيها لووون صناعي صالح للاكل اهو الي يعطي اللون مع الفيمتو والخل اهو الي يثبت اللون وعلى فكره ماهي من اول استعمال يبين اللون على الاقل تحط الخلطه على الشعر مده اربع مرات في اسبوعين يعني مرتين بالاسبوع علشان يكون اللون واضح واذا كان لون الشعر داااااااكن تحتاج انها تفتح لون الشعر بالليمون اكثر من مره لحد ما يصير الشعر قابل للصبغ بالخلطات هذي مع تكرارها بس بالاخير راح تحصل على شعر بلون مميز وانا بصراحه انصح باستعمال هذي الخلطات لاسباب كثيرررررررررره

اول شي لانها ماتسبب لج مشاكل بالشعر مثل الصبغات الكيماويه بالعكس اصلا تفيد الشعر كثيررررررررر وتحميه من التساقط
ثاني شي تقدرين تغيرين اللون بسهووووووووله جدا من غير ماتنتظرين فتره لحد ماتروح الصبغه الي قبلها

ثالث شي استعمالج للخل بالخلطات واستخدامه الاساسي اهو علشان يثبت اللون لكن له فوايد كثيره مثل انه يزيل القشره من الشعر واذا راحت القشره من الشعر لاززززززززم يطول الشعر بطريقه ملحوظه لان القشره توقف نمو الشعر كل وحده بحسب طبيعه شعرها طبعا بس بالغالب القشره مضارها مايختلف عليها اثنين تساقط الشعر وعدم نموه


على فكره الكركديه مايضر طبعا بالخلطه بس الاكيد مايعطيها اللون الي تبيه بالضبط هذا واحد

والشي الثاني تقدر تكرر الخلطه على الاكثر تحطها ثلاث مرات بالاسبوع واذا اي وحده فيكم حبت تستخدم الخلطه يوميا مافي ضرر اكيد بس انتبهو من غسل الشهر بالشامبو يوميا و هربيل كونزيل انا افضل استعماله طبعا واستعماله ترى مهم لتظهير اللون وتثبيته وهذي خطوه مكمله اشكرج عليها لاني كنت ناسيه اقولها

مادري احسسسسسسس اني طولت عليكم وايد بنات بالكلام بس حبيت ارد على اختي شمعة الوفاء :26:

بنت السراه محلول دم الغزال هذي بودره ملونه خاصه للاكل مثل الالوان الصناعيه الخاصه باستخدامات الحلويات مثل لون الزعفران للرز البرياني وبالكويت عندنا بالجمعيات يبيعون الالوان هذي ومتوفره ووين ماكنتي اكيد في عندكم السوالف هذي

أشعة القمر بالنسبه لي انا ياختي ماحس انه كتير على قولتج لاني اخلي الصبغه سائله وبخصوص سؤالج الثاني انا مارجح انج تنامين بالخلطه لانها تسبب في تكسير الشعر بس اذا كان شعرج دهني الحنه راح تنشف لج الدهن الي بالشعر وتكون مفيده لج لكن اذا جاف لاتحاولين ابدا انج تخلين الخلطه تجف على الشعر نهااااااااااائيااااااا

ام رينو اذا كنتي صابغه شعرج من مده بسيطه لاتحاولين تستخدمين الخلطه الحين لان شعرج راح ينشف واذا كنتي مصممه على استخدامها مافي مانع بس استعملي بعد الخلطه حمام زيت قوي تحت البخار وهذا ضروري جدااااااااا وبصراحه ماعندي فكره شلون راح يصير لون الشعر لانه اساسا مصبوغ بس انا افضل انج تختارين الصبغه الي تكون اغمق من لون الشعر
واذا كان شعرج مصبوووووغ يكفي انج تحطين الخلطه على شعرج مرتين فقط

وشي اكيد اختي ان الحنه اذا نشفت على الشعر تكسره وتنششششششششششفه جدااا جداا جدااا والمفروض تغطين الشعر بنايلون وماتخلينها بالشعر اكثر من ثلاث ساعات كافي جداااا على الحنه واذا كنتي من النوع الي شعرهم ناشف بعد استعمال الحنه مباشره حطي حمام زيت بالبخار للشعر وانا متاكده باذن الله بتحصلين نتيجه طيبه ترضيج

وبخصوص الزيت بصراحه انا دايما احط على شعري زيت قبل الحنه مباشره علشان ماينشف الشعر ودايما شعري يصبغ من الحنه ولامره حطيت حنه او خلطه فيها حنه بشعرري الا واستعملت زيت جوز الهند قبل الحنه على الشعر مباشره وانشاء الله يصببببببببغ الشعر على مسئوليتي

طوووووووولت عليكم ووووووووووايد بنات بس شسوي ارد عليكم وحده وحده وانشاالله اكون رديت بالي تبونه
:26: