بسم الله الرحمن الرحيم
أخباركم ياحوائيات ؟
جيت لكم ، أكتب لكم بعد ماقرأت أحد المواضيع عن الخادمة و خوف الزوجة من خيانة زوجها ،،
يمكن الكثير شافوا الموضوع ،
و ألاحظ كثرت مواضيع خيانة الزوج أو زواجه من الخادمة ،
المهم بأقتبس لكم ردين كتبتهم :
و بعدها كتبت رد ثاني بعد ماشفت الأغلبية يجمعون على أن الخادمة ساحرة و منها البلا
ياكثر مشاكل الخادمات و الأزواج ،
أنا ماأقول أن الخادمات مامنهم بلاوي و ياكثرها بلاويهم ،
و لا أقول أن الرجال بريئين و مايسوون شيء ،،
لكن حبيت أنبهكم على كم شغلة ،،،
الوحدة من يوم تقدم على خادمة تكتب من بين شروطها :
ترضى بالحجاب الإسلامي ،
إذا صارت مو متعودة أصلا عليه ، المكتب بيخبرونها أنهكم تبونها تتحجب ،
من يوم تاخذينها من المطار ،
لبسيها العباية و ماعليك من الناس و كلامهم ،
خليهم يتكلمون إلين يشبعون ،
ماأحد راح ينفعك إذا أنتي محتاجة الخادمة و ماتقدري تستغني عنها ، لظروفك ،
طنشي كلامهم و خليك حريصة على بيتك و على زوجك و عيالك ،،
علميها سبب تحجيبك لها ، علميها أن الإسلام أمر بتغطية الوجه عن الرجال الأجابن و مايجوز أحد يشوفك ،
علشان لاتحط في بالها أنك تغارين منها أو كذا ،
أعطيها كتب عن الحجاب و عن الإسلام ،،، اشتري لها أشرطة محاضرات بلغتها ،
جيبي لها مصحف مترجم بلغتها ،،
أحسني معاملتها ،،،
خبري زوجك انك ماترضين أنه يتكلم معها ، لأنك أنت ربة البيت و أنت المسئولة و ربة البيت ،
و الخادمة جبتيها تساعدك و تقوم بشغل البيت من تنظيف و كذا
أشغال زوجك لايسويها إلا أنتي ،
لاتعطين الخادمة مجال أنها تسوي شغل زوجك ، من قهوة إلى ماء إلى كل شيء ،
طبعا بتغسل ملابس زوجك و ملابسك ،
لكن لو تحاولين تغسلينها أنت خصوصا الداخلية يكون أفضل ،جيبي لك غسالة أتوامتيك صغيرة حطيها بحمامك ، و غسلي فيها ملابسك و ملابس زوجك الداخلية ،
لاتثقين بالخادمة مهما كان ،
دايم راقبيها ،
و لاتخرجين من البيت و هي موجودة ، خصوصا إذا عرفتي أن زوجك بيرجع البيت ،
ياتطلعين أنت و زوجك ، ياتطلعين و تاخذينها معك ،
جلوس الزوج لوحده بالبيت مع الخادمة هي بداية المشاكل ،،
ماتدرين عنها ،
يمكن تجي تتحرش ،
حتى لو زوجك ملتزم و يحافظ على صلاته ،
إذا جته و أغرته يمكن مايقاوم ،
لأنه رجل و له شهوة و يوصل لحده ،،
دائما استودعي الله زوجك و أطفالك ،
احرصي على أذكارك و سورة البقرة شغليها دايم بالبيت و اقريها بين فترة و فترة ،
فتشي غرفتها بين فترة و فترة ،،
احرصي أنك تفصلين جلستكم عن المطبخ ،
يعني علشان تاخذون راحتكم و ماتقعد الخادمة رايحة جاية من قدامكم ،
هذي نصايحي لكل وحدة محتاجة لخادمة ،
حاسة فيكم لأنه عندي خادمة ، و دايم يدي على قلبي و أحرص على زوجي أنه مايشوفها ، و مغطيتها الحمدلله ،
و اللي مو محتاجة لخادمة و عندها بنات كبار استغني عن الخادمة ،
تعب الجسد بالشغل أفضل من التعب النفسي و التفكير ،
لازم تقفلين الباب ، تخافين على زوجك و على عيالك ، و حتى على نفسك تخافين ،
و الأهم دايم ادعوا أن الله يكفيكم شرها إن كان في بالها شر لكم ،،
و مو لازم توضحون لها أنكم سعيدين بحياتكم ، بين أزواجكم و عيالكم ،
لأنهم يحقدون لأنهم عايشين بعيد عن أهاليهم ،
و الله يكفينا الشر و إياكم ،
أتمنى بس منكم الدعاء لي و لزوجي أن الله يحفظنا و يكفينا شر كل من يرد بنا شر و لولدي الكبير بالشفاء
و لولدي الصغير بالصلاح و الهداية
أعتبركم أخواتي فلذلك كتبت الموضوع ،
تمنياتي لكم جميعا بحياة سعيدة مع أزواجكم ،
و أن الله يوفق مابين كل زوجة و زوجها ،،
و أن الله يخلي لكم عيالكم و يكفيكم شر الخادمات ،،
*أم الإمام* @am_alamam_5
عضوة نشيطة
يلزم عليك تسجيل الدخول أولًا لكتابة تعليق.
أتمنى من المشرفات يغيرون العنوان لجذب العضوات إلى : زوجي و الخادمة ،،، الخيانة ،
أتمنى بس الخير للجميع ،،
أتمنى بس الخير للجميع ،،
ماقصرتي والله حبيبتي
وجزااك الله خير الجزاء
بس باعزيزتي كيف افتشها بين فتره وفتره اذا انا وياها نروح سوا ونرجع سواء واحس لو افتشها هي بتحس ان اغراضها احد جايها وبعدها بتحقد علي
وجزااك الله خير الجزاء
بس باعزيزتي كيف افتشها بين فتره وفتره اذا انا وياها نروح سوا ونرجع سواء واحس لو افتشها هي بتحس ان اغراضها احد جايها وبعدها بتحقد علي
الصفحة الأخيرة
حتى يقرأه أكبر عدد ممكن للفااااائدة ..