كيف تحبين قهوتك ادخلي قولي لنا

السلام عليكم مساءك فل يابنات عالم حواء
بنات عندي موضوع دايم افكر فيه واحس نفسي غير عن الحريم اللي اشوفهم
بشوف ترى احد مثلي ولا اشوف لي دبره
المهم يابنات
دايما اسمع واشوف حريم اذا بغو يتجمعون ويسولفون يختارون كوفي نسائي في مول يتجمعون يسولفون فيه وينبسطون طبعا القهوه هناك سواء عربيه او تركيه او اي كانت
قيمتها دبل الدبل
انا يابنات لما اروح للسوق ابطى عليه مارجع بيتي وارمي العبايه عني
مو بروح اجلس واتقهوى واسولف
والله لو اشرب عشرين كوب قهوه ماتكيف راسي
ولو وحده قالت لي نروح كوفي نتسلى شوي مااحب اروح
احب اسوي قهوتي المهيله فالبيت مع تمر وحلا واجلس مع جارتي ولا صديقتي وجهه لوجهه نسولف ونضحك بلا عبايه بلا مكان عام بلا بطيخ
هذا جوي انا اولا احب الثرثره وراعيه سوالف وسوالفي ماتنمل واحب اجلس ع دله وبراد وسالفه رايحه سالفه جايه
وشرايكم يابنات وش تفضلون
تطلعين تغيرين جو وتقهوين في كوفي مع اختك ولا صديقتك ولاجارتك
ولاتحبين تقهوين بالبيت والبساط احمدي وبدون تكلف وكتمه العبايه والنقاب
ومن اللي مثلي دقه قديمه ع قوله جارتي😭😭