كيف تحبي زوجك،؟!

السسلام عليكم ورحمة الله وبركآته
كيفكم يآ خوآتي ؟!
جيتكم وأنآ كلي أمل تلقون معآي الحل
وأتمنى تشورون علي ، ومن لهآ نفس حكآيتي تقول لي
تجربتهآ ..
أولاً وأخير الأمر بيد الله ، ومن الممكن تكونوا انتم سبب
في سعآدتي وحل مشكلتي
أبدأ : أنآ متزوجه من سنتين كنت رافضه مبدأ الزوآج
وبالأخص زوجي كنت رافضته ولاحابه ارتبط فيه
لكن مع أقنآع أهلي لي وافقت لأرضأئهم ، واللي خلاني اوافق أكثر أنـي حلمت بحلم وفسره مفسر أحلام 
وكآن فيمآ معنآه أنـي أصبت بأختياري لهآالزوج والله أعلم
خليت احاسيسي على جنب وقلت عسى أن تكرهوا شيء وهو خيراً لكم،
أرتبط فيه ، لكن مع ذلك أحس بشيء يبعدني عنه
توقعت أنـي راح اطير فيه وأنه رجل دخل بحياتي
وهو ماقصر دللني دلال 
لدرجة عندي بيتين وكل وأحد مآثثته احسن اثاث وكنت توي عروس والكل كآن مستغرب حتى خواتي يقولوا كيف سويتيهآ
وحنآ اول مآتزوجنآ عشنا مع رجالنا بغرفه في بيت أهله
طبعاً البيتين واحد عند اهلي قريب عشان كنت اكمل دراستي
والثاني في منطقه ثانيه اللي هو يشتغل فيها عشان بالأجآزآت اروح معآه
معآملته طيبه معي والتمس حبه لي ولا طلب أطلبه ويرفضه 
صحيح مو كل شيء يجي فوراً لكن يجي لوبعد مده،
المشكله فيني أنـي دآيم اتهآوش معأه وأتحجج في اتفه حآجه واتمشكل معآه وابغى اتطلق منه، ودائم عند اهلي 
أهلي يقولوا اللي صايبك عين او حسد وسبق وحلمت احلام وكل مآأفسرها تطلع انه فيه احد حآسدني وحريم 
ابقولكم اعراضي : اذا كآن موجود عندي احس بضيقه وودي انه يطلع ، ويصيبني كسل وأهمآل بوجوده غآلباً ، واذا طلع من عندي اشتغل عليه اتصالات وأبغأه يرجع او بس ابغى انكد عليه واشتاق له، بس يدخل البيت اصد عنه ولا اعطيه بال ، مع أنـي كنت اقول قبل لايجي راح استقبله زين،
ومن الأعراض الثانيه: انـي أتثاوب كثير بقراءة القرآءن وكسل ، ودايم معي خمول ودوخه، وأكتئاب شديد يجيني وضيقة وابكي كثير، وسرحآن مو طبيعي وأنسى ،

انا ممدري ايش معنى هذي الأعراض لكن اهلي واللي اقراه يقولوا انها عين او حسد لكن من لهآ نفس هذي الأعراض وتشافت منهآ تقولي تجربتهآ

وساعدوني بحل ابغى احب زوجي والله والله والله يآأخوآتي
انـي ابكي قهر دآيم اذا شفت حرمه من قريباتي باين عليها انهآ تحب زوجهآ وتعشقه، وأقول في نفسي ودي احبه بس عجزت اتمنى أنـي احبه الحب هذا اللي يسمونه عشق 
ابغى احس فيه معآه تكفون انا طالبتكم تساعدوني 
انتوا بمساعدتكم لي بعد الله سبحانه راح تبنوا اسره جديده ممكن تنهدم من معآملتي لزوجي!

وزوجي مو كامل الصفات فيه حآجآت بالعكس سيئه لكن انآ متأكده لو بتتحسن معاملتي معه ويبين علي اني احبه راح يتغير للأفضل 
حتى هو دآيم يقولي انتي مآتحبيني ولو تحبيني فعلاً راح تتفآجئين مني كثير راح تشوفين حاجات حلوه مآتتوقعينهآ !

الله يفرج هم كل وحده فيكم ترد على الموضوع او ترفعه
او حتى تطلع عليه وتدعي لي 

أنآ بحآجه أنـي احبه قسم بالله صرت اخاف اخونه والعياذ بالله من كثر ماودي اجرب انـي احب !

الله يرضى لي عليكم انفعوني ..