الدجاج الزايد او اللحم احطه بالفريزر

وقت ما احتاجه اطبخه مع مكروةنة او اكشنه ايدام

الخبز ممكن تفتتيه وتعجنيه مع التمر حلا او تقطعيه صغااار وترشي عليه نستله وكاكاو يعني حلا

الخبز احاول انو مايترمي اسخنه ثاني يوم وناكله والحمدلله

الله يرحمنا برحمته

عندي مبدأ أحاول أمشي عليه دايما

يقل الأكل ولا يزيد



الله يرحمنا يارب

أنا أحاول ا

نفس الشي الخبز بجففه ونجمعه ونعطيه لناس عندهم غنم بس جففيه كويس وماتخليه يتعفن لانه يضر الدواب وبنسبه للاكل نحاول نقلل وان زاد بحطه بالثلاجة وبسخنه

شوفي يا قلبي بالنسبة للحم خاصة لحم العزايم ننظفة زييين من الرز ونحطة بالثلاجة وثاني يوم نتبلة ببهارات وكمون ونقطع معاة فلفل رومي وبصل وطماطم كلهم شرايح ونرشة بزيت زيتون وشوي ملح وقصدرية وحطيه بالفرن وكليه بالهبز رووووعه



والدجاج شيليه من العظم وفتتية وخليه بالفريزر واعملية شاورما احمسي بصل وفلفل رومي شرائح مع مايونيز واحشيها بالفطير او خبز الشريك زي ما يقولو ومخلل ولفي كل حبة بقصدير ودخليها الفرن شوي او اكبسيها بسخان الساندويش صراحة شاورما رووووعه


الخبز الابيض تقدري تقصقصية وتقليه او تحمصية وترفعية بعلبه بالثلاجة وتستخدميه للفتوش او غيرها
كمان تقدري تستخدمية بقسماط
والصامولي فرزية وتعملية شرايح بيتزا او حلى السينبون السريع

غير كذا بالنسبة للاكل اذا ما احد بياكلة احطة بعلب بلاستيك مثل علب التمر واحطة بالفريزر واذا كنت خارجة مشوار اطلعة وادفيه واعطيه لاي عامل بالشارع او اي عائله فقيرة لان في كثير بيوت عمال اجانب قريبين مني وكذا تكسبي اجرهم

الليمون اخيانا يبقى قطع منه طريقتي اولا شي ما احطة على السفرة مقطع ابشرة شوي واحط اللي بشرتة بعلبة بالفريزر للحاجة منة وبعدها اعصرة واخليه بقارورة والباقي بالثلاجة وكذا ما ترمي زايد

الله يقدرنا على حفظ النعمه
لاجديد لدي زي ما تفظلوا اخواتي
اجفف العيش واعطي زوجي اذا راح المجلبه
او احطه في كرتون جنب الزباله واحد عنده بهائم راح يشيله
واحاول احفظ الاكل واسخنه اليوم الثاني
وعلى فكره اسخن القدر اللي بناكله او يكلونه اطفالي والباقي اتركه دون تسخين لان كثرة التسخين يخرب الاكل
وكل ما كثروا عدد افراد البيت هانت المشكله