بنات حبايبي جايبه لكم طريقه الحصول على جوز الهند الاصلي بدون أي خلطات.
وشرحي راح يكون واضح وأرجو من الجميع القراءه جيدا للموضوع قبل أي سؤال لاني موكل وقت أدخل هنا
1/ روحي بنده أو العثيم أو أي سوبرماركت كبير
2/ اطلبي منه ( حليب جوز الهند ) راح يعطيك علبه مثل علبة الفول المدمس بس تختلف ان عليها صوره جوز الهند وعلبها انوووووووووواع واشكااااااااال
3/ خوذي لك مجموعه ماراح تنفعك الوحده خوذي ثلاث أربع
4/ افتحي العلبه بتلقين بوسطها حليب رايب شوي وريحته جوز هند
5/ حطي كل اللي عندك بحله كبيره
6/ اشعلي عليه وبعد مايغلي خلي النار مقصوره ( يعني بشويش النار )
7/حركيه مر مرتين بس كل تقريبا ربع ساعه واتركي الماء والحليب يتبخر مع الغلي
8/ آخر شي بينتهي الحليب ويبداء يطلع الزيت وحثاله جوز محمره بأسفل قاع القدر
9/ اذا صار كله زيت وحثاله صفيه من الحثاله بمصفاه دقيقه او قطعه شاش
10/ استخدميه وتأكدي أنه زيت جوز هند صافي 100%
الظاهر كلامي واضح مو محتاج اي سؤال واذا احد بيقول كيف عرفتي بقول كل شغالاتي الاندونيسيات هذي طريقتهم ويقولون هذا اللي صح مومغشوش..
((( ادعولي بالتوفيق بمشروعي القادم وان الله يغفر لأمي ويرحمها )))

جملة مشاعر @gml_mshaaar
محررة
يلزم عليك تسجيل الدخول أولًا لكتابة تعليق.

المحاسبة
•
جزاكى الله خير وصفة بسيطة جداً




خواتي المحاسبه / الحنونه 2006 / الاصايل اشكركن جميعا بارك الله فيكن ووفقكن
اختي totaali اسعدك الله على دعوتك الطيبة
اختي totaali اسعدك الله على دعوتك الطيبة
الصفحة الأخيرة