اخباركم بنات
انا مملكة من 4 شهور ..
وشاكه بخطيبي انه بخيل !
الموقف الاول..
وهو يكلمني فجأه ينقطع الاتصال بعدها ادق عليه اقوله شسالفه؟؟ يقول الرصيد خلص
وكل مرة تصير هالحركه تنعاد مرات كثيييرة .. ولا عشر مرات انعادت
بس قلت مو مشكلة يمكن ضروفه هالوقت ماتسمح
الموقف الثاني ..
انا جوالي خربان وكل مرة اقط له نغزة يشتري لي يعني اشكي له واقوله جوالي خربان وجوالي يفشل وجوالي وجوالي......الخ
وكل مرة اجيب طاري جوالي يحاول يغير الموضوع
بعدها شريت لي جوال من فلوسي هو عادي رخيص ب ثلاث مية ريال لان حسيت ان مافي امل يشتري لي
وفرحانه بجوالي الجديد قلت بدق عليه منه ودقيت عليه قلت له شريت لي جوال قال اها وغير الموضوع ..ماقال شي ماعلللق ابداااا
بعدها بكم يوم جاي بيتنا وقال ترى كنت بشتري لك جوال بس خلاص عندك جديد إكرفيه عدل الين يخترب واشتري لك :humm:
8
بالله هذا رد خطيب لخطيبته
المهم قلت يمكن ضروفه مش كويسة!
الموقف الثالث
شريحتي اختربت مدري وش سالفتها لما يدق علي يعطيه الشبكة مقفله مدري ايش < بس الحمد لله اخوي صلحها
المهم..بعدها قال ليش ماتردين قلت له شريحتي مختربة شكلي ابشتري شريحه جديدة مارد قال مدري عنك
وربي قلت شكله بيقول اشتري لك شريحه بس ماعطاني وجه
وامس كنت اسولف معه ع الجوال قلت له ياربي ذا الجوال والشريحه جننوني مفشليني قال لا اصلا جوالك جديد مايحتاج جديد < طيب متى قلت له اشتر لي !!
وقال ماعندك ابراج شريحتك ترى عدله < خاف اني اقوله اشتر لي شريحه
مرة سألته كيف ضروفك المادية قال الحمد لله متوسطه وتكفيني ..
بنات عطوني رايكم اقدر احكم عليه بخيل من حركاته؟ ولا مو علامة بخل
وفيه شي متعبني في حياتي اني داايما اقاااارن نفسي ببنات خالتي كلهم مخطوبات وخطايبهم كل مابين فترة هدية وهدايا غااااالية :(
وانا ماشفت منه شي بس مرة جاب عطر صغيييير وبس
ماحس من حركاته انه يحبني :(
انا احس الهدايا هي علامة المحبة
لان اخوي فقييير وزوجته سوت نفس طريقتي تبي ايفون ..هنا اخوي تسلف وذل نفسه بس عشان يسعد زوجته
وانا توي مخطوبة ومايعطيني وجه استغفر الله
وفيه شي مهم ماذكرته
اذا دقيت عليه يطنش اتصالاتي واذا اهو دق علي ومارديت وربي يسوي لي سالفه يقول ليش ماتردين وليش تطنشين ترى ماحب هالاسلوب
طيب انت نفس الشي تطنش اتصالاتي ليش هو حلال عليه وانا حرام :(
ملاحظة :- انا قبل مستحيييل ادق عليه واسأل عنه بس اهو كبر السالفه وقال انتي ماتهتمين فيني وماتدقين علي ...الخ
قلت خلاص بهتم فيه وبدق وبسأل بس ماشفت منه غير التطنيش بصراحه ماني عارفه اهو ايش يبي ؟
اذا طنشت قال ماتهتمين واذا دقيت عليه يطنش !!!!
بكرة بشوفه والله العظيم ماني طايقه اقابل وجهه مدري ليش اصلا مستغربة من نفسي ليش ماني طايقته :(
استغفر الله من حركة الجوال احس كرهته وحسيته بخيل
ابي منكم حركة اسويها له تبين لي انه كريم او بخيل ؟
ملاحظة اخيرة :- حبايبي بنات الي بتدخل وبتقول ليش تطلعين او يزورك او يشوفك وتشوفينك رجاااء لاترد احسن لان لاعت كبوودنا من ذا الكلام وقلنا لكم الناس عوايدهم تختلف ناس عادي وناس لا ! وهو زوجي شرعا
انتضركم حباايبي