الله يعينك ويساعدك

الله يعينك ياوخيتي صراحه انا عانيت مثل معاناتك

بس انا وربي شاهد علي ان خالتي تنحط على الجراح يبرى ماشفت منها (ماشاء الله تبارك الله)

الا كل خير بس اسمها صراحه قديم حيل

البنت الاولى مادقق انه يسمي لكن عانيت بنتي الثانيه مشاكل كله على

هالاسم المهم مو مطوله عليك السالفه قلت له يابو فلانه الحين انت تيبي تبر

امك بالاسم قلت الي يبي يبر امه يبرها بانه يحافظ على صلاته وتدري

انها ربت عيال تبي برها طل عليها لا تقطعها اسال عنها شوف وش

ناقصها وش تبي وقلت شي يمكن هذا الي خلاه يعدل تمام عن الفكره

تدرين وش قلت له اشرف واطهر من مشى على هالارض الي بكى

على قبر امه بكاء ما بكاه على بشر بعد مااستاذن ربه ان يزور قبرها

لو تلاحظ ماسمى على امه وهو الرسول صلى الله عليه وسلم

والله انه تقلب وجه ولاعاد بعدها جاب لي سيره

اتمنى ماطولت عليكم وتقبلي مروري

الموضوع له شهر تقريباً ,, طمنينا اختي وش صار ؟؟؟

الله يعينك ويهدي ام زوجك ويكفيك شرها ويسخرها لك ويحنن قلبها علييييك يااارب ..

ما أدري بس يمكن لا سميتي عليها تنفك العقدة ان شاء الله وتعاملك زين ... أنا مع الأخت اللي قالت دامها متكلمة عليك من البداية وانتم عارفين أطباعها القشرة ليه أخذتي ولدها..........فيه مثل يقول(إسأل عن أمه قبل تضمه) وهذا ينطبق على الرجل والمرأة بعد....... الله يعينك ويصبرك عليها

الله يعينك ويهدي ام زوجك ويكفيك شرها ويسخرها لك ويحنن قلبها علييييك يااارب