أنا مش هاتكلم عن الأسباب وتحليل شخصية هؤلاء المجرمين قهذا شيئ كلنا عارفينه
لكن هأتكلم عن أولادنا نور عنينا إزاى نوعيهم علشان ما يحصلش كده معاهم.
أولا : لا بد أن تكون علاقتنا بالطفل علاقة قوية يعن مش كل شوية نضرب ونشتم , لازم كل شوية نأخذه فى حضنناونقول له إيه رأيك نبقى أصحاب؟؟ اقعدى اتكلمى معاه فى أى حاجة زى اللعب والفسح والرحلات اللى يعوزها علشان يتعود يتكلم معاكى فى كل حاجة.
انا بقول الكلام ده لما وجدت أن كل التحرشات التى تحصل للأطفال كان المجرم يقول للطفل الضحية :أوعى تقول لأهلك لأحسن يقتلوك أو يضربوك
إذن حاجز الرهبة والخوف لازم نكسره مع أولادنا
علشان ما يخافوش مننا .
ثانيا: لازم نعلم أولادنا أن الجسد له حرمة يعنى أقول للطفل : أوعى يا حبيبى تخلع هدومك أمام أى حد غير بابا وماما علشان جسمك ده ماحدش يشوفه غيرهم علشان ربنا يحبك ويدخلك الجنه
انا بقول كده لما وجدت أن الاحصائيات لجرائم التحرش بتقول " نادرا ما يحدث ضرب فى هذه الحالات لأن المجرم لا يريد أن يترك علامة فى جسد الضحية حتى لا تنكشف جريمته"
إذن لازم نعلم أولادنا أنه لو شخص أراد رؤية جسمنا ننمنعه لوحتى نصرخ ونطلب المعاونة
ثالثا: نتجنب ترك الطفل لفترة لوحده مع أشخاص غرباء وحتى مع محارم (للاسف) فقد زادت هذه الجرائم ووصلت حتى بين المحارم
رابعا: الفصل بين أبنائنا فى المضاجع بناءا على وصية الرسول الحبيب صلى الله عليه وسلم
خامسا : واولا نتوكل على الله ونستودعه أبنائنا فالله خير حافظا وهو أرحم الراحمين
أخواتى هذا الموضوع كتبته من قلبى وليس منقول منه شيئ
لأنى ام واحس ان كل الاطفال مثل اولادى : اللى أرضاه لاولادى ....أرضاه لاولاد غيرى
وشكرا لكم
منقواله لفائدة
وهذا رابط دوره صارت بالقسم جدا مفيد
اقرأوها واستفيدوا منها
http://forum.hawaaworld.com/showthread.php?t=2262764