كيف تخبري بنتك الدورة الشهرية إن شاء الله ...

وعليكم السلام


انا بنتي عمرها 9 سنوات بكريتي ودايم افكر زيك..كيف اقولها بس شكلي. عادي بقولها اذا سالت بجاوبها بكلام صح واذا ماسالت ممكن انا اقولها مبادئ مع انه دايم قدامها اقول ماعلي صلاه ..... ولا تسألني يعني ايش ماعليكي صلاه..

بس كل شي في وقته حلو ادا سالتني حاليا بقولها وادا لا بنتظر واشوف كيف اقولها...

هههههههه وربي لو سالتيها غير هي تعلمك مثلك قلبي على بنتي وخايفه وادعي ربي انها ماتجيها غير بالمتوسط بنتي اللي قبل الصغيره
وهي تجي بيوم لحالها تسالني يمه ليش الدوره ماجتنيانا طارن عيوني
جيل يعرف مو مثلنا يوم جتني الدوره الدنيا كلها درت من الخريعه اللي جتني

بنت اختي جتها الدوره بأولى متوسط
كانت امها رايحه لدوامها و هي كانت عندنا
و اول ما جتها خافت و بكت و حالتها حاله
و لما عرفت ايش اللي فيها
حاولت اهونها و ابسط الموضوع
ضميتها و قلت لها عادي حتى انا الحين فيني الدوره > و انا اكذب طبعاً بس عشان اوهنها عليها
و ترى كل البنات تجيهم ، حتى صديقاتك بالمدرسه كلهم جايتهم
و خواتي بعد و امك و حتى فلانه و فلانه و فلانه ( بنات العائله اللي بعمرها ) حتى لو ما جتهم بس قولي لها كذا
و اذا جتك اخذي الفوط و البسيها و ما تصلين و لا تصومين و لا تشيلين اشياء ثقيله و لا تركضين و تناقزين بقوه
و فيه اشياء ما يصير تاكلينها و راح تجيك كل شهر
و اذا خلصتي منها فيه طريقه للسباحه مو تسبحين عادي
( قلت لها صفة الغسل )
و دامها جتك تعتبرين كبيره الحين وبالغه و لازم تتغطين و الصلاة و الصوم ترى تتحاسبين عليهم
و زي كذا
و خليتها تلبس شرابات عشان البرد و السيراميك

بس عشان وقتها هي مصدومه ف اقولها كذا
و بس
و انتي اشرحي لها كذا مبسط
و قولي لها انا تجيني بعد و بنت خالتك فلانه تجيها و بنت عمك فلانه تجيها و كل بنت على الكره الارضيه تجيها
و بتتقبل منك ان شاءالله

لاتفكرين ولا تشيلين هم بالمدرسة يعلمونهم في صف خامس اعتقد
ماشاء الله البنت تجيها الدوره الان وهي متقبله الموضوع وعارفه كيف تتصرف
وبناتي كانو عارفين من صف ٤ابتدائي لان معاهم بنات الله يعينهم جاتهم الدوره فيعلمون بعض
كبري مخدتك ولاتخافين
الله يبلغك فيها وتشوفينها عروس

مااعرف وياليت الي عندهم تجارب مع بناتهم يقولوها لكن انتبهي تجيهم وماعندهم فكرة عنها .. علشان لاينفجعون مساكين ..اللهم علمنا ماينفعا وانفعنا بماعلمتنا