انا ماعندي افكار بس عجبتني حركاتكم حبيتها .. وشكرا لصاحبة الموضوع

يسلمووو على الموضوع الحلووو

أنا مو حامل للحين بس فكرت لو حملت باخذ نتيجة الفحص الإيجابية و أحطها في إطار و أغلفها و أعطيها لزوجي مع عشا رومانسي و بالونات و أغراض أطفال

المرة الاولى سويت تحليل منزلي وهو ينتظر وسألني وقلت ايجابي..
المرة الثانية سويت تحليل في المستوصف وطلعنا قبل ما نشوف النتيجة وبعد فترة اتصل عليهم وخبروه وهو اللي علمني خخخخخ
المرة الثاثة كنت شاكة .. وقالت لي زوجة اخوه عن حلم شافته يخصني ..
وبعدها شاف زوجي حلم وقاله لي فعرفت اني حامل وقلت له أتوقع تفسيره اني حامل .. وجبت التحليل المنزلي وتأكدت .
المرة هذي .. كانت اختي عندي ووصيته يجيب عشاء من برى ويجيب تحليل منزلي وسويته وتأكدت ..
ولأني هالمرة تأخرت في الحمل وهو بينهبل وده أحمل ..
أرسلت له .. أبشرك أخيرا بتصير أب هههههههههههه
وأرسل لي مبروووك وأنت بعد بتصيرين ام <<< اللي يشوفنا يقول ما عندهم عيال وهذي أول مرة .

انا تاخرت عن الحمل سنتين وكنت ناويه اذا حملت اسوس حركات ولما نزلت اجازه عند اهلي برمضان كنت لوحدي ورحت المستشفى وحللت دم وطلعت حامل من الفرحه اتصلت عليه وقلت انا حامل وبس يعني تجي السالفه تلقائيه