كيف تخطبون لاخوانكم؟ جاوبوني الله يسعدكم

شوفي انا اشوف ان الناس مالهم الا الظاهر خاصه بالجنبيات (من برى العائله)
دوري على ابعد طرف لها واسالي عنها مدرستها مثلا او جامعتها او تسالين عنها قريبه لها بشكل غير مباشر او على شكل مزحه ( ترى هذة طريقتي)
وزي ما قلت ترى ما لكم الا الظاهر
الا تعالي ليه ما تخطبون اختي تدورون وتدورن وانا اختي هنا افاا عليس بس افا
؟؟؟؟؟؟؟؟؟؟

ياختي اذا جيتو تخطبون اكيد بتزورونهم كذا مره من هنا تقدرين تحكمين على البنت

بالنسبة لعائلتنا .. أمي هي من تختار العروس لإخواني .. و ذلك من خلال ..

المناسبات .. الأعراس .. الزيارات .. و غالباً من الأقارب أو العوائل المعروفة ..

طبعاً تختار والدتي الجمال و الحسب .. بالدرجة الأولى ..

ثم يأتي دوري في الموضوع .. مع إنني الصغيرة بين أخواتي ..

دائماً أنا من أوكل هذه المهمة من قبل إخواني ..

حيث يطلبون مني التعرف على الفتاة و معرفة دينها و خلقها و اهتماماتها و طريقة تفكيرها عن كثب ..

و ذلك بالزيارات و السؤال عن صديقاتها و المكالمات ..

و لأنهم حفظهم الله .. يحبونني كثيراً .. يريدون العروس مثلي خلقاُ و خلقاُ ..

لدرجة أن زوجة أخي حفظها الله تشبهني كثيراً و يخيل للجميع أنها أختي ..

و المرحلة التالية تأتي الرؤية الشرعية و أحياناً لا تكون حسب العائلة و الاستخارة لله سبحانه ..

و الحمدلله إخواني - الله يحفظهم - مرتاحين مع زوجاتهم و يشكروني على الاختيار ..

أكيد راح تسألون عنها زين
بس أنتم أسألوا عنها من بعيد شوي مو تسألون أقاربهااا
يعني إذا كانت طالبه أسألوا زميلاتها إذا كانت موظفه أسألوا في العمل
وإذا كانت لاهذا ولا هذا أسألوا قرايبهم من بعيد
الله يوفقكم للخير

شوفي فيه عوايل تكون معرووفه بالطيب ( اصلها طيب ) ومعرووف على مر الازمان ان بعض الصفات تبقى وتوضح هنا نسأل عن طبايع القبيله الفلانيه والعلانيه واهل الديره الفلانيه

ثم نشوف افضل العوايل ونشوف بناتهم كيف عايشين ( اللي في القدر يطلعه الملاس ) لابد تسمعين بعض الاشاعات الناس ما ترحم بس بعضها يكون من القدر مثل طلاق زواج ونمشيه وبعضها طبعا من القدر ايضا ولكن صفات ظاهره من العائله او تعاملهم

وطبعا نسأل ونسأل

هنا اذا اخترنا العائله والبنت اذا كانت تدرس في كليه نحاول نسأل عنها هناك من تصادق من تجلس معه ( معليش لان البنات صاروو في البيت شي والكليه شي ثاني والله المستعان )
وفيه السؤال عن الام ( أسأل عن امها قبل لا تظمها وهذي مجربه سواء بالافضل او الاسوء

ونشوف الام مشت مع اهل الزوج او مسويه مشاكل !! اذا كانت ماكره او متدينه

لان الام هي اساس بنتها وهي اللي مربيتها