كوبونات الراقية تسجيل الدخول

ماسه لابسه الماسه

كيف تخطبين لاخوك اذا كان ملتزم

الأسرة والمجتمع •

مساء الخير


بنات اذا اخوك ملتزم ممرررررررره لا تلفزيون لا دش ولا اغاني ولا زواجات يحبك ترروحين ولا لبس قصير ولا بنطلون يعني ملتزم كيف تختارين زوجته

صديقتي او بالاصح جارتي اذتني على بنت اخوي تبيها لاخوها ما اختلفت ولد والنعم و ملتزم بس بنت اخوي رافضه تقول ابي انسان مستقيم بس مش ملتزم

المشكله مو في بنت اخو الله يرزقها و يرزقه والزواج قناعه

بس المشكله في الصديقه تقولي اقنعيها انا طفشت من كثر ما ادور طبعن اخوها مطلق قبل كذا اربع وبنت اخوي الخامسه ليه مطلق الله يهديهم اخته و امه اي بنت يشوفونها في زواج حلوه وترقص ولابسها اقصير وعلاق والضهر كله كاشف اخطبوها واذا تزوج الولد لقا بنت فري وما تتغطا ولا تلبس عباية كتف ولا ماتبي تعيش في بيت مافيه تلفزيون
هو بعد غريب ما ياخذ ويعطي لا ثاني شهر وهو مطلق
اول وحده الثانيه الثالثه والرابعه وبعد يبون بنت اخوي الخامسه

انا قلت لها يختي انتو غلطانين المفروض تسئلون البنت وتعلمونها اخوي ملتزم ويبي قفاز وشراب وعباية راس وغطا ولا لبس كذا ولا كذا ولا فيه تي في ولا فيه زواجات عشان البنت تعرف قالت ليه تبينهم ينحاشون وبعدين اذا حلوه وكشخه ما عليها ذا جت عنده يعلمها ويخليها تلتزم غصب عنه ليه اخوك مسئول عن البشر يدخل في الدين لو الامر بالقوه لكان خير البشريه محمد صلى الله عليه وسلم ما مات الا والناس كلهم دخلو الاسلام غصب مش اختيار

لا خليه يطلق صاير الاخ متولي يمشي ويتزوج

قلت لبنت اخوي عشان ابري ذمتي قالت عمتي انا اذا ابي التزم بلتزم بارادتي مش غصب عني وابيها بالتدريج عشان اكون على قناعه مو امس ارقص بعرس واشوف تلفزيون واليوم لا وملتزمه الي يجي فجئه يروح فجئه اذا مو مقتنعه

جارتي ازعلت مني قالت ما تبي اخوي خليها تخيس قلت لها البنت عمرها 23 سنه واذا شميتي ريحة اخياس من بيت اخوي علميني عشان نغسل بكلوركس

ياليت تقولون لو انتم محل ذا الصديقه والجاره كيف بتخطبون لخوكم لانها يمكن تدخل وتقراء الموضوع وتعرف كيف تخطب لاخوها بدل ما تبي تجبر بنات الناس
45
5K

يلزم عليك تسجيل الدخول أولًا لكتابة تعليق.

تسجيل دخول

أبراااج
أبراااج •
الله يعين اذا متزوج اربع مرات ومطلق ما اعتقد بنت تبي توافق تخاف تتطلق بعد هي . بس انتى دورى له وحده ملتزمه وماشاء الله موجودات بعدين خبريهم سبب طلاق الزوجات اللي قبل لانه يبي ملتزمه والملتزمه تفرح اذا حصلت عريس ملتزم والله يوفق
(تكفيني أخلاقي)
(تكفيني أخلاقي) •
يا اختي هذا زواج مو غصب ..!!!

الغلط من اخته وامه هذا غش يعتبر،بنات الناس مو لعبة يتزوج ويطلق

ينورون اهل البنت بوضعه قبل لا يطيح الفاس بالراس ..!

الدين يسر وليس عسر دام ما طلعو عن الحدود

مدري بصراحة انا عندي مبدأ امشي بجنازة ولا تمشي بزواجه ..

ما اقدر اشور والا اخطب لاخوي والا قريب لي، هذااااا زواج

الله ينور بصيرته وبصره ويرزقه الزوجة الصالحة اللي تقدر تصبر عليه :arb:
رأي حر
رأي حر •
مطلق أربعــهـ !!! غرررريب
و المشكلة زعلانة ان بنت أخوك ماوافقت
بصرااحة عاااد شد التعقيد هذي مالها داعي يعني حتى الرسول صلى الله عليه وسلم يقول (ألا هلك المتنطعون قالها ثلاثاً )
يعني ايش فيها لما يحط تلفزيون فيه قنوات محترمة وش فيها اذا خلى زوجته تحضر زواجات و تروح مطاعم و منتزهات بكل خلق و دين


بصراحة اذا هذا أخوي اخطب له وحدة مثله لكن تهتم بنفسها و شكلها
علشان مااظلمه ..
يعني جامعة دين و دنيا..
حرم عزووزي
حرم عزووزي •
ما ينفع له الا وحده ملتزمه مثله وماشاء الله البيوت مليااانه


اختاروا له نفس اللي يبيه مو بنت ترقص وتلفزيون وتحرموها

والله يوفقه
ظبي الفلا2000
ظبي الفلا2000 •
الله يهديها بس

الغلط من الاهل مادام عارفين ان رغبته كذا ليه يزوجونه غير اللي يبيها

انا اخوي ملتزم ماشاء الله ويبي بنت صالحه وملتزمه وحنا ندور له على اساس هالشي

وتعبنا ولنا سنييين ندور بس ماراح نزوجه الا اللي يبي لان بصراحه بنات الناس مو لعبه

فيه بعضهم وصانا ندور بدور تحفيظ قران خليها تسال بالدار يمكن تلقى اللي يساعدها

الله يرزقه هو واخوي وشباب المسلمين بالزوجات الصالحات