كيف تخلصون اشغالكم

مالقيت مثل القران كل ماقرأتي منه اكثر كل ماتبارك وقتك اكثر
لدرجة الحمممممممممد لله مرات اذا حسيت بضيق الوقت وكثرة الشغل احاول اقرا كم صفحه منه عشان ربي يبارك لي بوقتي
وياااااارب يااااااارب يااااارب يزيد تعلقي فيه وبقرأته

حاولي الصباح
الزحمات هي الي تضيع وقتنا
وخصصي يوم للسوق ويوم للاثاث ويوم مواعيد
صعبه كلها بيوم

انتي تقولين الوقت بالرياض ما فيه بركه
وانا اقول سبحان الله وقتي بالرياض ربي مبارك فيه
انجز اشياء كثير بطلعه وطلعتين
هنا بالشرقيه لو اروح مشوار واحد خلاص انتهى اليوم وبالرياض اروح بدون مبالغه مشوارين
وبالليل مناسبه ويمديني على كل شي
حلك ترتبين امورك لو تبين السوق
أكتبي احتياجاتك بورقه وروحي سوق تضمنين فيه كل اغراضك
وتجهزين نفسك من يجي من الشغل تتغدون وتلقطين عباتك
ونسقي ايام الأسبوع مابين سوق ، عيادات ، لوازم سوبرماركت وصيدليه
، وقبل هذا كله احتياجات عيالك
انا هذا نظامي واحياناً اطفش ولا اسوي شي
من كثر ما انا نظاميه بأيامي وإدارة بيتي تعبت نفسيتي ، من جد هاجس النظام والنظافه تعبني
الله المستعان ويبارك لنا بأيامنا وعمرنا يارب

وعليكم السلام

ربي يعينك ويبارك لك في وقتك وعمرك
احتسبي الاجر انتي مثل المجاهده في بيتك

السوق والاثاث مو كل يوم اكيد تحتاجينها ايام معينه
وانتي بنفسك ذكرتي طلعاتك بعضها بلا فايده وترجعين فاضيه او بشي مايسوى وهذا شي غلط اذا تقدرين تأجلين او تسألين معارفك قبل تروحين عن مكان يتوفر فيه غرضك قبل تروحين مشوار على الفاضي والمشكله لما توصلين السوق لازم تلفين عليه كامل وانتي واثقه مافي جديد مثل قبل


رتبي اولوياتك وصنفيها الى اساسيات لازم تنجزينها اول شي ، وثانويات تقدرين أي وقت فراغ لو بعد اسبوعين ثلاثه تنجزينها

ماحد يقدر يعطيك خطه او نظام معين لانك ادرى بمواعيد نومك وفراغك
في ناس ماشاء الله عليهم الغداء من الصباح يجهزونه اذا كان لحم او دجاج او اي شي يجهزونه ويسلقونه وقبل الغدا بساعه او نص ساعه يكملون الطبخه اذا تحتاج رز او تحمير او غيره

وشغل البيت من غسيل ملابس وتنظيف وترتيب يخلصونه الصباح لانه افضل وقت مافي احد بالبيت يشغلك

للهم صل وسلم على محمد وعلى اله وصحبه اجمعين ولااله الا انت سبحانك انتي كنت من الظلمين والحمد لله والله اكبر واستغفر الله ولا اله الا الله عدد خلقه ورضى نفسه وزنة عرشه ومداد كلماته