بصراحه اقفل كل الغرف بس الصاله :)
يلعبون ويتفرجون عالتي في واذا خلصوا يشيلون العابهم
يعني بس ارتب مره باليوم 
اصلا مايحتاج يحوسون البيت كله عشان انهم محبوسين ومايطلعون  معليش يعني لازم ارحم حالي انا بعد كفايه الصاله 
وكمان الشغله مو بس ترتيب باقي طبخ ومذاكره وغسيل وكوي واهتمام بالزوج ...لازم تقنني كل شي ...

فنو خانم هذا وهو واحد مانتي قادره تسيطرين ع البيت خليتس نشيطه حركه
اول ماتصحين الصباح دايم قولي ورددي لاحول ولاقوة الا بالله يسهل عليتس شغل البيت وافطري انتي والولد ورتبي ونظفي وخليه يلعب يعيش طفولته لاتحبسينه كذا مايصلح ولا خلصتي تروشي وتعطري وتكونين مجهزه الغدا لين يجي ابو الشباب
ودايم خليتس نظيفه وسريعه كذا ترتاحين ويصير عندتس وقت فاضي تلعبين مع ولدتس

انا حالتي حاله ادعوا لي شغالتي تجي باسرع وقت لاني فعلا تعبت 
بيتي 3 ادوار الاول صالات ومقلط ومجلس رجال وحمامين والثاني خمس غرف مع حمامتهن وصاله بالنص ومطبخ يطل عليها والثالث غرف للغسيل وحمام 
يعني بيت كبير غير الحوش اللي اخذ ساعه بغسله 
الدور الاول انظفه  بالليل قبل ما انام 
والدور الثاني لما اجلس الصبح لعيالي عشان المدارس انظفه مع حمامته مع غسل الغسيل 
وانام اشوي عقب اقعد اكوي الملابس 
واسوي غدا عيالي وعقب انظف المطبخ واطلع منه حول 4 العصر ومن بعد المغرب اجهز العشا واعشيهم وابلش بتنظيف الدور الاول واخلصه وعقب اتروش واضبط نفسي والا جاي ابو العيال ع 11 واعشيه واكون منومه خلق الله واجلس معاه للوحده تقريبا وننام وهذا الشغل يومي يتكرر والله يعطينا الصحه والعافيه والله تعب وارهاق 

امرك سهل حبيبتي عودي اطفالك يرتبون ويساعدونك ولا حرميهم من اللعب او الاجهزه الالكترونيه
قفلي الاماكن اللي مالها داعي يدخلونها
خلي لك حمام خاص انتي و زوجك
بخري وعطري
وامورك زي الفل

الله يعينك ياعمري احس لازم شغاله بسم الله عليهم اولادك الله يحفظهم وانتي حامل ويبي لهم اهتمام وتدريس واكل وتعرفين الصغار كل شوي جوعان جوعان والغسيل والكوي والصغار يبغون تغيير
يحتي علي الاقل جيبي شغاله بالاسبوع مره بس لدواليب والتنظيف الدقييق مره