السلام عليكم و رحمة الله و بركاته
كلنا نعرف فائدة الكولاجين للبشرة و هو متوفر في الجلي (رخيص بس اعتبره مصنع يعني قد تكون فوائده مو مرة ) و المكملات الغذائية الي تنباع بالمئات
انا هنا اقول لكم كيف تخلون اجسامكم مصانع كولاجين بأرخص الاسعار و ما ابغى الا دعواتكم
الكولاجين يحافظ على المفاصل الركب شباب البشرة و نظارتها جمال الشعر و قوته , جمال الاظافر و قوتها ,
كل المشاهير تكلمو عن فوائده و حطو لكم منتجات غالية و هذا من حقهم و تسويقهم من حقهم يربحون لكن انا
اقولكم كيف تصنعون الكولاجين في البيت و بأرخص الاثمان بس تكفون لا تنسوني من دعواتكم ادعولي ادعولي ادعولي ان الله يحقق كل امنياتي
الكولاجين يتوفر اكثر شيء في ارجل الدجاج و هذا اكثر مكان فيه كولاجين, جلد الدجاج , عظام الدجاج لا احد يتقرف انا سمعت المعلومة و حبيت اضيفها مثل ما هي
تجيبين دجاجة نية و فيه امريكان شفتهم يستخدمون بقايا دجاج مستوي, و تاخذين عظامها و جلدها انا ما أظن بستخدم الارجل خخخخ بس كل واحدة حرة في نفسها و تحطينها في قدر الضغط و تصبين عليها فنجان خل تفاح طبيعي او عضوي (خل التفاح يفكك الانسجة عشان تستخرجون اكبر كمية ممكنة من الكولاجين )
ممكن تحطين بصله و جزر للنكهة و ماء فاتر مو حار فاااااتر كمية الموية حسب الدجاج و القدر و ملح انا ما استخدم الا ملح البحر في طبخي غني بالمعادن
الدجاج افضل شيء يكون عضوي
حطي كل شيء في قدر الضغط و خليه يغلي و على طول خففي النار و شيلي الرغوة لمن تطلع
بعد كذا قفلي عليه و على نار هادية لمدة ساعتين الى ثلاث ساعات
راح تبقى لك مرقة صفيها و لمن تبرد راح يصير قوامها مثل الجلي و لمن يتسخن يصير سائل مرة ثانية
تشربين في اليوم كاس واحد فقط و الي عندها ركبها تعورها زينة لها
مع الشوربة انصح بليمون عشان فيتامين سي يساعد الجسم في صنع الكولاجين
خلاص بنات الله يجعلكم كلكم مصانع كولاجين مو كلنا نقدر نشتريه لانه غالي بس كلنا نقدر نصنع كولاجين بجودة عالية افضل مليون مرة من الي موجود في السوق
دعواتكم يا جميلات انا في امس الحاجة لها
و هذا اسمها بالانقلش اذا بتسون بحث في اليوتيوب و تاخذون وصفات اخرى غير وصفتي
Bone Brothما ادري عنكم بس انا احس ان الموضوع ضروري يتثبت و لا
$جوانا$ @goana_49
عضوة فعالة
يلزم عليك تسجيل الدخول أولًا لكتابة تعليق.
$جوانا$
•
الله يعطيك العافيه كل ما شفت رجل الدجاجه بتذكر الكولاجين 🤩🤩🤩🤩🤩🤩الله يعطيك العافيه كل ما شفت رجل الدجاجه بتذكر الكولاجين 🤩🤩🤩🤩🤩🤩
هههههه اي والله هذا المطلوب و تذكريني و تذكري تدعين لي
انا شفت فيديو استخدمو فيه ارجل بقر بس نفس طريقة الطبخ وكان علشان دايت اسمه دايت مرق العظام Bone Broth
الصفحة الأخيرة
كل ما شفت رجل الدجاجه بتذكر الكولاجين
🤩🤩🤩🤩🤩🤩