والله يام الكتكوت انا احبك فى الله ودايما بادعيلك.. الحمد لله اتدربت على دروس الباترون وظبط معايا والحمد لله وجبت قماش( طبعا مش غالى عشان الاصابات متبقاش خطيرة من اولها) اجرب فيه وقصيت فستان قصير بدون كم كده للبيت عشان اظبط بنس الصدر والوسط والتكسيم وجمعته بالسراجة بس( لسه مجبتش ماكينة) بس كان عندى استفسار
كنت عاوزه انزل بيه على واسع يعنى زى قصات كده هل كان المفروض اقص الباترون الامامى على 3 قطع مثلا والخلفى قطعتين خصوصا انى هاركب سوستة؟ وكمان بالنسبة لحردة الابط والرقبة هل لازم اعمل مثلثات صغيرة كده فى الثنية بتاعتها عشان لما اثنتيها عالماكينة ماتكلكعش يعنى بمعنى تانى ازاى اتعامل مع ثنى الحردة؟ وشكرا جزيلا واسفة للاطالة

ومعلش سؤال كمان اصلى بجد اول مرة اخيط ياريت تشرحيلى بالتفصيل ازاى اثبت الباترون على القماش واقصه لانى احتست جداااا فى هذه الخطوة

ربنا يكرمك ويوفقك

كويس ان البداية على قماش سعره رخيص

اول حاجة لو عايزة التوسيع متوزع لازم تعملى قصة البرنسيس فى الامام و الخلف على السواء

مش عارفة انت تقصدى ايه بمثلثات صغيرة

تقصدى عند عمل الانفورم للرقبة ولا تقصدى مثلثات كدة و خلاص


اه لازم تشطبى الرقبة بالبييه او بالانفورم وفى حالة الانفورم فقط تعملى مثلثات

اه بالنسبة لوضع الباترون على القماش بيكون بوضع القطع الكبيرة الاول ثم القطع الصغيرة و الالتزام بالخطوط الطولية للنسيج و الخطوط الطوليه للباترون و ايضا تراعى ترك مسافات الخياطة لكل قطعة و معرفة المقدار المناسب لكل خط بمعنى ان الجنب بتتركى 4 سم اما الكتف بتتركى 1.5 سم و الرقبة 1سم و الذيل من 4 الى 5سم

وتراعى نوعية القماش وووضع الباترون من لو فى نقشة او خطوط طولية او غيرها او كاروه

واى سؤال انا معاكى

لكى تحياتى

مبارك عليك الشهر لوسمحتي ابغى اعرف ايش الماكينه الي تناسبني انا ابغى اتعلم الخياطه عليها

انا بصراحة شدنى المنتدى كثير لما شفت فيه من مواضيع فى منتهى الاهمية واتمنى ان اجد جواب لسؤالى وهو كيف ناخد المقاسات للبترون بشكل سهل وكيف رسم الباترون وجزاكم الله خير لاننى احب الخياطة جدا واتمنى ان اتعلم معكم ودمتم بخير وكل سنة وانتم طيبين