في كثير منا امهات بمجرد التفكير بقرب المدارس تجيها حالة استنفار وقلق
راح اعطيكم طريقه منظمة ومرتبه تخفف عنك حدة التوتر
نبتدي
بسم الله الرحمن الرحيم
لما تذاكري للاولاد وتعشيهم ضروري تعودينهم ينامون بدري وهذي اهم نقطة
منها انهم يصحون بدري وما يتعبونك لما تصحينهم
ومنها ان يصير عندك وقت بعد نومهم وتشتغلين براحتك
بعد ماينامون غسلي المواعين اللي بعدهم وخلصي شغل البيت
الحين روحي لشنطهم اللي رتبوها وحطي عند سرير كل واحد منهم
شنطته
وجوربه
وجزمته تكرمون
والبدله اللي راح يلبسها للمدرسه
واتجهي بعدها للمطبخ وجهزي صينيه فيها اكواب فاضيه اللي راح يشربون فيها الحليب الصباح
والسكريه وملاعق تحريك السكر
وغطيها ببلاستيك
ولما تجلسي الصباح ماعليكي الا انك تسخني الحليب وتعملي السندويتشات
وان قدرتي تعملي السندويتشات من الليل وتلفيهم ببلاستيك في الثلاجه يكون افضل
وبعدها اتجهي للنوم من غير قلق او تفكير:27:
وحاولي تقرين لك كم ايه ولاتسين التسبيح قبل النوم
الفجر
تصحين من النوم وبيكونوا الاولاد شبعانين نوم
صلي واذكري الله واطلبي لاولادك التوفيق والنجاح والفهم
ولاتحاولي تصحيهم بالقوة
صحيهم بالراحه لانهم اصلا شبعانين نوم وهذي فوائد نومهم مبكر
وبعد مايغسلون ويصلون
اذا هم كبار خليهم ياخذون حمام ( يتسبحون ) والصغار انتي حمميهم
وبعدهايلبسوا ملابسهم النظيفه اللي جهزتيهم بالليل وراجعي لهم شوي دروسهم وبعدها قدمي لهم الفطور وراح تشوفين كيف بيصير عندك وقت فاضي قبل لايطلعون بحفظ الله لمدارسهم
طبعا كل وحده منكم تقدر تغير في تنسيق الوقت حسب ظروف حياتها وعدد ابنائها
مع تمنياتي بسنة دراسية موفقة لأبنائكم جميعا
