كيف ترجعين الثقه وتعيشين حياتك 💔😩

السلام عليكم

كيفكم حبيباتي
عندي كذا سؤال لاني مرره متضايقه ومضطره اكتب
انا من النوع الي مااحب اشكي ع احد وحتى هنا بالمنتدى مااحب اكتب واتعوذ من الشيطان واقول بتنحل
لكن مشكلتي راح احاول اصيغها باختصار
بداية حياتي صار بعض المواقف الي تخليني مااثق بزوجي مش موقف ولاموقفين وترجع حياتنا اوك
قبل سنوات ماصار شيء ابدا يعني نقول مثلا ٣ سنوات ع حسب علمي اوك لكن الثقه صعععععب ترجع وان مثلت قدامه الا مايصير شيء وارجع اسال واحقق وتصير مشككككله كبيييره صار عندي خوووف كبير يصير شيء واحاول استبق الامور لانه لو صار بتكون القشه الي قصمت ظهر البعير
احيانا يعطيني ع جوي وتحيانا تصيير مشكله كبيييره ويجرحني وانهار ويتعب قولوني
يجرجني مو بشكلي لا يعني لو ماتغيرتي صار كذا لو سويتي كذا
واحيانا يصير فيه لوي يدين وافتح الباب بطلع ويقول طلاقك ان طلعتي وهذا الكلام صار اليوم ومره نفسيتي زززفت
طبعا هذا الكلام القوي والمشاكل الكبيره كل فتره لكن يوميا قفشات ومشكلتي نتمشكل وابكي وممكن اجرحه ويجرحني وارجع اسولف معه بعد ساعه
ومشكلتي بعد وماثره ع نفسيتي بين فتره وفتره ممكن شهور تجيني الافكار والمواقف السابقه واشب نااار معقوله سوا فيني كذا ومستحيييل اطلع فيه شيء عند قريب او بعيد عشان عياله
ابي ارتاح ابي انسى مواقفه وارجع اعيش
هذي نقطه النقطه الثانيه اذا كلمته مايرد علي ع طول يقول ماسمعت دااايم خالحركه
لدرجة مره ولدي تشنج واصارخ له وانا اشوفه بالصاله ومارد علي بسهوله ومواقف زي كذا طبعا مايدري متشنج انا متاكده لانه خاف وركض لما شاف الولد
بس اعطيكم مثال ع صمته او مايبي يفهم زي امس كان شيء مرتفع ومر علي واقول له عطني كذا تكفى وهو جنبي مار قال مايحتاج ومدري ايش قلت لا ابي الشيء الفلاني مو هذا الي يقصده قال يووه ويصارخ ويسحب كرتون مو الي ابيه وطراخ ع خشمي يعني طفاقه 💔😅 مدري ش اقول زي كذا مو متعمد طبعا بس لانه مايبي يسمع الي طاح ع خشمي حاجه من الكرتون واصرخ وابكي يقول مافيك الا العافيه ان شاء الله فهمتو يعني مااحس ان عنده احساس بالمي وحتى لو هو السبب يارب يعطيني الصحه والعافيه
ودايم ع الجوال مايسولف معي اتلهى بجوالي بعيالي مافيه فايده
مدري احس فيه سلبيات كثيييره مدري عشان اليوم الجو متكهرب 💔😅 وعيوني متنفخه من البكي
كلامي ملخبط ماعطيتكم المشكله بحذافيرها مابي ادخل بتفاصيل صرت اخاف من المنتدى
كيف احسن وضعي من ثقتي بزوجي
هو قال اليوم كلاااام جاارح مرره ودي ازعل
اليوم صراخنا وصل الدنيا وصدري ضايق شكل البنات سمعوا 💔
فيه تفاصيل اخفيتها لانها قديمه بس ماثره علي وعيت تطلع واحيانا اذا صار قاسي كذا ومهمل تطلع على السطح
الله يغرج ع كل مسلم ومسلمه