كيف تردون على المستفزين

انا انسانه م احب اشوف الغلط واسكت لساني يأكلني لازم اتكلم وأبين وجهة نظري واكتشفت ان الناس م تحب اللي يتكلم ويوضح يحبون اللي يمشي معاهم ويسكت ويطنش ويمشي الامور بقولكم قصة وحده من قرايبنا
عندنا رجال من قرايبنا متزوج وحده مو من قبيلتنا قبيله ثانيه المهم الحرمه عروسه مالها الا كم شهر متزوجه المفروض الزياره لها اقاربنا يزورنها الكل ساكت الا هاذي المستفزه تقول المفروض هي اتزورنا وتجينا قسم من قالتها حامت كبدي منها ياهوه عروسه وبنت توها ب اول زواجه لها وانتم حريم كبار عيب هالكلام المفروض تعرفون الواجب مو انا اعلمكم وهاذي الحرمه اللي قالت هالكلام مزوجه بناتها وعيالها وكبيره بالعمر ماهي بزر م تعرف الأصول واذا كلمتها وقلت لها مستحيل تعترف تصمل ع كلامها وتطلعك غلطانه لان دايم تغثني ب اسلوبها بس احاول ابين وجهة نظري
وموقف ثاني لها
وحده ساكنه من قرايبنا ببيتها الجديد وقالو البيت حلو بس ضيق وصغير
ا هاذي الحرمه مسكت كلمة ضيق ولا زارت الحرمه اللي ساكنه البيت الجديد وكل م عزمتها م تروح كلموها الحريم وانا كنت بنفس الجلسه تقول ماني رايحه بيتها ضيق
لا تقولون بينها عداوه او مشاكل تقابلها بكل مكان ضحك وسوالف وهدايا بس بيتها م تروح تقول ضيق تمغصني قسم ليتها تقول ماني رايحه وبس
يعني بالله مافيه غرفه تشيلك تادين الواجب وترجعين بيتك
لا تقولون زوجها مانعها عايشه مع عيالها وعندها بيت لوحدها ومزوجه عيالها
حرمة ولدها تزور الحرمه اللي بيتها ضيق وم تروح وتقول لزوجة ولدها ليش تروحين البيت ضيق وزوجها عندها كل الحريم ازواجهم عندهم م جبتي جديد
ومرا جارتها عزمتها ع ذبيحه تقول ماني رايحه عشاها قليل
وحده ردت عليها قالت ي فلانه انتي م تجين لناس الا تبغين اكل وجوعانه مالك دخل ف بيوت الناس والحرمه م عزمتك تلا عارفه بيتها يشيلك تعالي لبي العزيمه مالك دخل بيتها ضيق عشاها قليل هي عزمتك وبس
موقف اخير هالحرمه تموت ب القيمات وتعشقها وتحبها وحده جابت بالجلسه لقيمات ببيت هالحرمه المستفزه وأكلت منها تاكل عاجبتها قالت حرمه ثانيه القيمات ماهي زينه سكريات وكذا قامت غطت القيمات بحافظتها وأعطتها الحرمه اللي جابتها قالت شيليها معاك انا م احبها ولا اكلها بغيت اهفها بكف واللي من اول ياكل منها ويقول احبها وانحرجت الحرمه قالت خليها لعيالك قالت م يحبونها ولا نأكلها شيليها معاك وحطتها جنب الحرمه
نشوف شي بعيننا تنكر وتكذب وتالف
وتقول انا م اشرب ماء ولا احب الماء واجلس ب الايام م اشربه ولا انام صاحيه ليل ونهار
بالله في احد م ينام ولا يشرب ماء ؟؟
وفي حريم ولدو م زارتهم ولا جاتهم بنفاسهم
ناس كلموها يتشرهون عليها
قالت فلانه اللي نفست قبل فتره تهاوشت مع زوجها وفاتنت مقدر ازورها ولا أوجبها سلامات ي الاخت وش عندك ؟
جوابها تقول يمكن احد يشوفني عندها ويتهاوشون بنفس اليوم ويقولون فلانه السبب ماني رايحه لها اذا جاتني البيت او قابلتها اعطيها هديتها
بالله هاذي أسباب مقنعه؟؟؟
انا اتنرفز منها وربي تجيب لي الجنان البارح قابلتها
ووتتكلم احاول أصد عنها م اسمع كلامها لاني م اتحملها
والله لو تجيب شي يدخل العقل عادي م همتني تجيب شي م يدخل عقلي وأحس في ناس مصدقينهاتختلق عذر من تحت الارض الزبده هاذي قريبه لي ودايم اقابلها
فسرولي تصرفاتها ماني عارفه له
والله مظطره اقابلها ب استمرار
تنصحوني كيف اتعامل معاها
صوت م ازورها كثير ببيتها واتحاشا اكلمها