شووووفي أختي


عندي مثل


حاطته شعاااااااااار لي وماأفرط فيه :01:


يقول هالمثل

الحقران يقطع المصران :42:

يعني اذا وحدة اغلطت عليك أحقريها وشوفي وش يصير بها !!!!!!!

هي تغلط عليكي اصلا عشان تستفزك عشان تتهاوشين معاها وتتطولين لسانك عشان هي تقولم وتنشب مصارعة :30:

لكن صدقيني لو حقرتيها تصير تغلي من جوة

وتقعد تقط خيط وخيط

وشفيها ماردت !!! ويصير وجهها علامة استفهام

وزي ماقالت وحدة من الاخوات

(((( بعض الوجيه اهينها بابتسامة )))) ابتسمي وبس

يعني توه قبل اسبوع صارلي موقف مررررة ماله داعي بس اللي سوته كان لحاجة بنفسها ياحرام
وتخيلو الموقف كان قدام مجموعة وكنا على الكوشة بعرس
ولا رديت عليها ولا شي ضحكت وكملت سالفتي
ولا حكيت الموقف لاي احد حتى امي وخواتي ماقلتلهم عليه
ولا راح اقول لاحد عليه
لانه ماله داعي حاجة سخيفة بس بعض الحريم
صدق ناقصات عقل
لا وقبل مانام سامحتها من قلبي وشهدت الله على كذا
عشان بالاخير انا اللي استفيد
ولو ماسويت كذا راح اقعد اضرب اخماس باسداس
وش قصدها وش تبغا وش وشو !!!!!!!

وكما قال الشاعر:

اذا نطق السفيه فلا تجبه
فخير من اجابته السكوت
يزيد سفاهة وازيد حلما
كعود زاده الاحراق طيبا

واذا لابد انك تردين قولي

((( ماراح ارد علكي لاني ماحب انزل لهالمستويات وانا بنت ناس أكابر واجاويد)))

ولا زي وحدة من الخوات عجبني ردها

قوليلها الله يشفيكي من امراض القلوب



ويالله تمسي على خير يابنت الاصوووول:24:

المشاركة الأصلية كتبت بواسطة بياض الثلج
سبحان الله

من كتم غيظه لله ملأ الله قلبه رضا يوم القيامة

لو استطعت كظم الغيظ فاكتميه ( والكاظمين الغيظ ) ثم أتبعيه ( والعافين عن الناس)

صحيح مثل الخصران يقطع المصران لكن تتقطع مصرايني قبل لا أقطعها له في بعض الناس مايفيد معهم هالأسلوب لأنهم يعتبرون سكوتي ضعف والله أني أتنمى أني أكون أعرف أتصرف مع هالأشكال لكن عجزت هدوا حيلي الله يهدهم يهدون جبال وش عاد يالأنسان الله يعينا عاهات متخلفة في هالمجتمع :26:

موضوع جدا جدا رايع
وفعلا اختي دكر الامثلة والمواقف التي حصلت لكل اخت وطريقة ردها مفيدة

اللي يغلط عليك يمكن يكون :
1 - من غير قصد ( يمكن يكون معصب او متضايق من موضوع ثاني او زلة لسان )
عطيه فرصه ولاتردين عليه لأنه بيتأسف بعدين
2 - يبي يستفزك عشان تغلطين ( ويمسك عليك الزله )
لاتعطينه فرصه يمسك عليك الغلط او الزله
3 - يغير منك ( واضحه الغيره بالذات بين مجتمع الحريم ، وأي مجتمع ثاني لابد فيها غيره )
افرحي وتدلعي وخليها تولع بغيرتها ولاتردين عليها
4 - حاقد عليك ( بسبب موضوع سابق مثلا يبي ينتقم )
لاتعطينه فرصه يطلعك غلطانه قدام الناس ويقول شفتو ماقلت لكم ، واذا بغيتي تردين انتبهي لكلامك زين لأن هالنوع ممكن مايكتفي منك ابد ، عطيهم الرد البسيط اللي يفحمهم ويسكتهم ويبين قدام الناس انهم هم الغلطانين .

لو قالت لك وحده انتي طويله ، قولي الطول عز مثل عارضات الازياء
لو قالت لك انتي قصيره ، قولي أنوثه ونعومه
لو قالت لك شعرك طويل ، قولي تاج المرأه وزينتها شعرها
لو قالت لك شعرك قصير ، قولي متطوره احب اجدد شكلي
لو قالت لك انتي نحيفه ، قولي رشاقه والملابس القاها بالراحه
لو قالت لك انتي سمينه ، قولي أنوثه وعايشه بنعمه الحمدلله
لو قالت لك وحده أي كلمه غلط طلعي ذكائك في الرد عليها بأسلوب يبين ويحسسها ويحسس غيرها انها هي اللي غلطانه عليك ، وبطريقه ماتخليك تندمين بعدين انك تكلمتي ، يعني بدون ماتجرحين في الشخص بتوجيه الاتهامات له بشكل أو بآخر .

وصدقوني يابنات سهله انك تتكلمين وتردين وتطلعين الحره اللي بقلبك لكن صعبه جدا انك تمسكين نفسك وتكتمين غيظك لأنك قادره على الرد لكن اخترتي عدم الرد لأنك تبين الاجر اولا ثم ماتبين تكبرين الموضوع او ماتبين تعطين فرصه لأحد يمسك عليك غلط اوماتبين تنزلين نفسك مستوى بعض الاشخاص أو ما تبين تدخلين في قلت وقلت وتكبر الامور وتوصل للسب والشتم ويمكن اللعن اعوذبالله .

بالنسبة لي حسب الشخص اللي قدامي وحسب الموقف والغلط اللي يصدر منه

اذا والله حرمه والا رجل كبيرين بالسن والا شخص له مكانه اكبر مني سواء بالعمر او المكانه الاجتماعيه ، اذا احد من هالاشخاص قال لي كلمة ماعجبتني فإني اكتم في نفسي واعطيه احترامه ولا أرد عليه . مهما كان تحصل بعض الغلطات الكلاميه اللي ماتستاهل الواحد يسوي مشكله عليها فاتحملها في نفسي واذا هي مأثره علي مره أبكي بعيد عنهم عشان لااجرحهم ، ماظن ان الرد عليهم بيحسن الامور بالعكس يمكن يزيدها ، لأنه يمكن في وقت متضايق أو معصب ، وبعدين سبحان الله يحس الشخص بغلطته عليك وانك مازلتي تحترمينه فتكبرين بنظره وهو تصغر نفسه بعينه ويحاول يرضيك ويحترمك ويحبك اكثر ويحاول مايغلط عليك بعد كذا .

أما ان كان الشخص في المجال العملي يعني مثلا رئيستي بالعمل ، ممكن اكتم بنفسي واسكت وممكن اعطيها نظره تعرفها غلطها ، لكن ماتكلم ، لأني الحمدلله اذا سويت شي احب اسويه مضبوط واعرف اني مااخطيت ولا قصرت وشغلي بيبين غصب عن اللي مايرضى واضح وضوح الشمس مايحتاج اخلي احد يستفزني واغلط عشان يمسك علي شي ماقدر يمسكه . واذا احتاج الموضوع لرد فإني ارد بتوضيح الخطأ الحاصل بكل احترام وتقدير ، منها رئيستي بتعرف الغلط اللي هي صدقته او قيل لها عني ومنها بتحس نفسها مثل النمله قدامي لأني لو مخطيه كان رفعت صوتي ورديت عليها بكلام غير مقبول ، وبعد كذا بتنتبه لاتغلط علي لأنها شايفة اني واثقه بنفسي واعرف اواجهها . ولهالسبب انتبهو يابنات عند الرد على رئيساتكم بالعمل ، النقاش بهدوء واحترام .

مشكله اني اكتم في نفسي واغلي من داخلي مثل البركان ، ويمكن ابكي بعدين لكن على مخدتي عشان ماحد يدري ولا يضيق صدر احد ، يمكن حساسيه بدايتها كانت الخجل . لكن عموما ردي يتفاوت بين السكوت والابتسام والتطنيش والنظره اللي تحسس الشخص بجديتي وعدم احترامي للخطأ مهما كان واستحقاري لأسلوب التطاول على الآخرين ويتوب بعدها عن التعرض لي أو لغيري أمامي وانا بنظره وابتسامه بس ماتكلمت . اسلوبي في الحياة وطريقتي في التعامل مع الناس ماتخلي فرصه لاحد يتكلم علي الحمدلله رب العالمين . وأي احد يغلط علي قدام الناس يلقى اللي يرد عليه ، ماهو تقصيرا مني عن الرد ، ولكن لأن ماحد يصدق فيني ولااحد يرضى علي الغلط والكل يحترمني ، وهذي من نعم ربي علي ،الله لايغير علي الحمدلله رب العالمين ، ربي يديم علي فضله ، والله لايرمينا في يدين اللي مايخافونه .

وشــــ1000ـــكر يالغاليه على هالموضوع