كيف تردين على انتقادات زوجك

السلام عليكم


بعض الحريم ابتلاهم رب العالمين بازواج لسانهم جارح وانتقادهم لاذع
وهذا بلا شك يحطم الزوجه ويقلل ثقتها بنفسها والحساسه تصير اربع وعشرين ساعه :icon33:
واذا شافها بهالشكل يمكن يقل احترامه لها مع الايام وهذا شي شافوه كثييييييييييير من البنات اللي اعرفهم
يقولون يوم انهم صاروا يسكتون لازواجهم والا يبكون صاروا ازواجهم يزودون العيار ويعلقون اكثر واكثر وعرف انها ما عندها ثقه بنفسها وصار يستفزها اكثر مثل اللي عندي
الشكوى لله هذا نصيبنا

طيب كيف ممكن تنحل هالمشكله ؟؟

يقولون الحل الوحيد انه اذا قال لك اي انتقاد تكونين واثقه من نفسك ويا جبل ما يهزك ريح بهالطريقه يتوقف تدريجيا عن انتقادك وتكبرين بعينه

لكن مو كل الحريم يتقنون فن الرد على الرجال 0( وانا اولهم :icon33: )

يعني فيه اللي اذا انتقدها بشكلها اعطته قصة حياتها ( يعني مثلا يقول شعرك مو حلو تقول له يوم كنت صغيره كان حلو بس طاح مع الهرمونات وحبو بوالحمل و و و و و و ....... الخ ) يعني تعطي تبريرات وهذا غلط

واللي تسكت وتروح تدهر عشان تصلح اللي يبيه ( يعني يقول لها انتي سمرا تطيح لك بالخلطات والمواد الكيميائيه عشان تصير بيضا وطبعا ما راح تصير بيضا لو تموت وحتى لو تأثير اللي تسويه يكون وقتي .) وهذا برضو غلط

واللي تروح تصيح :icon33: وهذا اكبر غلط

واللي تجيك حاميه ماشيه 200 كيلو / ساعه وتقول له من زينك عاد انت يا ابو كرشه احمد ربك اني اخذت يالشين يالدب يالاصلع يا يا يا يا يا ......... الخ وهذا بعد غلط لأنها تصير مثل البزارين اللي اذا قال لهم احد يا دب يردون عليه يا دبين خخخخخخخ

واللي تمسكها عليه وكل ما جا يبيها بالفراش قالت له هماني شينه ؟ هماني سمرا ؟ هماني دبه ؟ يله انقلع ما ابيك
وهذا بعد غلط لانها بينت له ان الكلمه قاعده بقلبها


انا ابي من البنات السنعات راعيات الالسنه الحلوه وصاحبات الدهاء والذكاء وسرعة البديهه يعلموننا كيف نرد على مثل هذي الانتقادات
فيه بنات ما شاء الله تكسر خشم الرجال بدون ما تتلفظ عليه او تهينه ( لا حظو اني قلت بدوووووون ما تهينه ) وباسلوب مرتب وذووووووووق وبأبتسامه وتخليه يحترمها غصب

يعني مره وحده قالت زوجي دايم يقول انتي سمرا قالت ارد عليه يابتسامه واقول الملح ابيض والخيشه ب 10 ريال اما العسل اسمر وبأغلى الاثمان والله صار يموت فيها واعتزازها بنفسها مع الوقت

ووحده تقول زوجي دايم يقول ليش شعرك خفيف قالت له يمكن مع العشره صار كذا ( وزوجها طبعا اصلع خخخخخ ) يعني ردت عليه باسلوب مضحك ومافيه تجريح صريح وبابتسامه احسن من ما تقول له من زينك يالاصلع

ابي من هالكلام السنع عشان نعرف نرد على رجالنا

لا تقولون هذا شي فطري وطبيعي .. اقول لكم الانسان يتعلم الى آخر يوم في عمره

بانتظاركم