كيف تردين على من يتدخل في خصوصياتك

بكل صراحه .. لمن الاقي وحده تتدخل في خصوصياتي معايه اتصرف معاها بوحده من الطريقتين :
1)) اما اني ابتسم واقول بمزح يا شيخه بطلي لقافه وابدأ اشاكسها بحيث انو ما تزعل مني وممكن اذا شفتها بتزعل اقول لها ع طول لو انتي واجهتي وحده بتتكلم في حاجه انتي ما تبغيها تتكلم فيها هل ترضي ؟؟ اذا قالت لا انحلت المشكله وصلى الله وبارك اما اذا قالت : على حسب قربها مني وووو ارجع اقول لها لا بس احيانا في مواضيع ما تبي تتكلمي فيها مع احد ابدا وووو وبالتالي اخرج من الموقف كسبانه وهي برضو ما زعلت لان اسلوبي لطيف معاها
وعلى هالكلام ما رح ترجع تتدخل مره ثانيه ولو عملتها رح اعيد نفس التصرف والا ما يجي يوم وتفهم ( الحمد لله بالي طويل مع هالاشكال )
2 )) او اني عاااااااااااااادي اتكلم معاها واخذ واعطي وووو كمان بكل صراااحه انا غالبا اخذ هالاسلوب .. يعني ما اتصرف الاسلوب الاول الا في المواضيع اللي احس الهرج فيها يحرجني واحيانا يجرحني ..
بس غالبا انا باتكلم مع اي احد ملقوف وكأنه له علاقه في حياتي .. وذلك لسببين ( الاول اني انا استفيد واشوف الموضوع من وجهة نظر ثانيه وعليها يمكن اكتشف انو في موقف انا فيه كنت غلطانه ووو والثاني اني من الناس اللي ما تتأثر بلقافة أحد ولا عندي فيها اذا انا مقتنعه في تصرفي عادي رح احس اني ما اتكلمت مع احد في الموضوع واذا ماني مقتنعه في تصرفي رح استفيد من الكلام معاها ورح اخرج بنتيجه انو كذا وكذا )

اما لو كانت لقافه من ورايه .. وهذا اللي يضايقني في حياتي ..
فأولا انا برضو ماااااااااااااالي علاقه باحد ولا اترك احد يتدخل فيني .. وفي حياتي .. ولا يحركون ساكن ..
اتصرف معاها كأني ما دريت انها تلقفت وتكلمت عني واحيانا كثييييره تكون الفت على لساني كلام وووو

ولمن احد يجي يقول قالت فلانه انك قلتي اقول اذا قلت باقول بلساني واذا ما قلت فما رح ارسل احد يقول بالنيابه عني ..
وكل اللي يعرفوني يعرفون اني ما اقول لاحد ينقل على لساني اي شيء ولو كان بسيييييييط .. فما يصدقوا الكلام اللي بيتقال اني قلته ..
لكن المشكله لمن يتقال الكلام لزوجك او لامك او لابوكي .. يعني احد يقدر يقرر انتي كيف حتتصرفي من اليوم ورايح ..
هنا المشكله ..
يعني لو تيجي عليا انا فحكون كالعاده ما كأني سمعت شي
لكن لمن تيجي على ناس يأثر فيها كلام الناس والتأليفات والتدخلات وووو .. هنا من جد اضطر اني اوقف واقول حسبي الله ونعم الوكيل
وابقى في محاولااااااااااااااااااااااااات مستميييييييييييييييته لاقناع زوجي او امي او ابي بان مالهم علاقه واساسا هما كذابين وهذي اساسا لقافه لان هذا الموضوع ما يخصهم ووووو


الموقف

لا زلت اعاني من هرج الاهل ولقافته على دراستي ..
لاني متزوجه .. وزوجي في منطقه وانا في منطقه بسبب الدراسه ..
للحق زوجي مو مررررررره راضي على الدراسه لكن بيقول يللا خلصي ما دام مابقي الا سنتين وتعالي وانا باقول من جد خليني اخلصها ..
لكن الناس القرايب مررررررررررره طفشوه كل ما شافوه قالوا له اها والله انت مو رجال هدهد تمشي كلامها عليك وانت اساسا مو قد الزواج والا لو كنت قد الزواج ما كنت سبتها تروح عنك وناس تقول له انت كيف قادر تصبر وتبدأ تزرع احاسيس في قلبه هو فعلا يفتقدها لاني انا غايبه وناس تقول له اكييييد طلعت مو رجال طلعت حرمه زيها عشان كذا ما قدرت تديها حقها وبالتالي هيا بعدت عنك لانو ما فيك شي يعوضها وووو
يعني كلام من الجهات وكلام بمختلف المقاييس وووو

هنا انا لمن اشوف زوجي يبدأ يتأثر والله انقهر .. احاول افهمه بس يرجع يقول وانا مهلووووك في المجالس مافي احد راضي يعتبرني رجال والسبب اهلنا اللي بيتكلمو دايما انو ولدنا مو كفو يا هووو هذا لسا بزر وووو

من جد حسبي الله عليهم لانهم بيتلقفوا في شي ما يخصهم ولانهم بيحددوا لنا طريقنا غصب عنا ولانه مااااااااا يضرهم ولا ينفهم لو انا جلست مع زوجي او غبت عنه . بس هرج للقافه
حسبي الله عليهم .. الله ينتقم لي من كل من يكيد لي ياااااااااااااااااا رب
ملاحظه ) المشكله انو اغلب اللي بيتكلمو بدون ملل ولا كلل هم ناس تركوا دراستهم وشهاداتهم ولحد اللحظه ندمانين انو ليتنا كملنا وبقينا موظفين وو
وللحق زوجي فاهم انهم حاسديني على هالدراسه لكنه بيقول طيب ماعاد اقدر اجلس معاهم وهما دايم مطيحين وجهي بين الرجال ويهزءوا فيه ..

اسفه ع الاطاله بس الموضوع مس الم باعماقي
شكرا ع الموضوع الطيب

كثيار اللي فيهم هالطبع بمجتمعاتنا

من جد كثيير الي مثل كذا بالمجتمع