كيف تزفين خبر حملك؟ (أفكار)

يسلمووو غلاتي روووعه فديت رووووحك يالغلا

تسلميييييييييين بس اذا جا معاي المستشفى وعرف ؟؟:D


بس للاسف ماقال حتى مبرووك:06:

هي حركات حلوة .... بس للي يتبرضون .. يعني للرايقات :)



عن نفسي في حملي الاول كنت في بيت اهلي وزوجي كان في امارة ثانية .... واتصلت به وطلبت منه انه ييني .. سألني: خير؟ .. قلت له يوم بتيي باخبرك ...... ويوم وصل عطيته نتيجة تحليل الدم اللي سويته في المستشفى.

فديته حسيته تنح في الاول وعقب استوعب يوم قرا كلمة (تحليل حمل) :) .... وعقب حضني وحبني على راسي.


وفي حملي الثاني سويت نفس الحركة .. بس سبحان الله الجنين طاح .... وعقبها حملت مرة ثالثة واذكر راويته تحليل الحمل المنزلي بس بدون علبة هدايا ولا شي :) .... وسبحان الله بعد الحمل ما تم.


وفي حملي الحالي سويت تحليل الحمل المنزلي بس ما طلع شي .. بس ما رميته وخليته في الحمام . وثاني يوم الصبح دخلت الحمام وتميت اطالع التحليل وسبحان الله لقيت الخط الثاني طالع خفيف .. وفي نفس اللحظة وانا واقفة اطالع التحليل دخل زوجي وراي الحمام وما وعيت بنفسي الا وانا اصيح واقول له: انا حامل .. وحضني وقال لي: طيب ليش تصيحين؟؟ .. قلت له خايفة ما يكمل مثل الحملين اللي قبل .... بس هو الله يخليه لي مسح على راسي وقال لي لا تخافين ولا تحتاتين وان شاء الله ما بيصير الا الخير ... وثاني يوم رحنا سوينا تحليل الدم وعقب سرنا عند الدكتورة.