كيف تستخدمو شواية الفرن

وعليكم السلام

من أسهل مايكون استخدامة وتطلع الدجاجة محمرة زين ولذيذة مرة

تبلي الدجاجه وهي كاملة بملح وليمون وقرفة مطحونه وبهار مشكل وخليها كم ساعه في الثلاجة عشان تتغلغل فيها التتبيلة وأحيانا أكون مستعجلة على طول أدخل السيخ وأكون مثبته كلبش واحد على قولتك مع جهه وأخلية يمسك بالدجاجة وأدخل الثاني ونغزة بالدجاجة ويثبت بحيث وقت دواران السيخ تكون الدجاجة مثبتة وقاعدة تستدير معه وثبتي السيخ مكانة في الفرن وخلي صينية الفرن آخر رف وافتحي النار من فوق واضغطي على زر دوران السيخ وسكري باب الفرن و احسبي لها ساعه وتكون جاهزة والنار تكون وسط
وسلامتك..

الله يعطيك العافيه يابطيخه
وابشرك رحت للشاويه وتعرفت عليها وفعلا شكلها سهله
وان شاء الله اجربها الليله
جزاك الله خير

للرفع فرني كهربا بس داخلة لقافة

عاد انا كمان نفسي اعرف طريقتها

من يوم ما تزوجت ما استخدمتها مدري وين رفعتها

حتى ما اعرف لها سلك كهرباء من وراء ولا لا؟

لا تنسي يا الماسة لما تسويها تخبريني علشان اتشجع

بنت ناس قلبهاالماس
منووووووره انتي ولقافتك ورفع الله قدرك
======================================
*أم شهد
لاتفوتك جربتها البارح تجنن بس كان فيه بعض العيوب ان شاء الله اتفاداها المره الجايه...وراح اقولها لك عشان تستفيدين
- تبلت الدجاج على خفيف ماكثرت التتبيله ولاخليتها تاااخذ الطعم يعني على طول تبلتها ودخلتها الطعم لذيذ بس البهارات خفيفه
- الدجاجه كبيره مره 1200 وحسيت انها محتاجه وقت اكثر من الساعه لانها كبيره وبعدين كانت كل شوي تطيييح السيخ من ثقلها الدبا خخخخخ وكل شوي موقف عندي المحرك بسبب ثقلها يعني حووووسه لحد مانتهت ....ويمكن الساعه مناسبه بس بسبب عرقلة السير تأخر النضج.......على فكره هي ناااضجه بس اللي يحب الدجاجه شبه هريانه مثلي يحتاج اكثر وقت
-لازم تحطين تحت الدجاجه صينيه عشان تحافضين على فرنك نظيف انا حاست لي الفرن حوس بسبب المويه والزيت اللي تنزله

وووووووووووووبس انصحك تجربينها احسها تعجب الرجال والاطفال لان المطاعم هم اللي يسوون هالطريقه
كثرت خرط فوق اللزوم يالله عاد تقبلوني هعهع