كيف تستخرجين كلمات الحب والغزل من قلب زوجك ؟ ساعدوني مليت حياتي !

السلام عليكم خواتي



صباح الخيرات وعساكم بخير يارب


مشكلتي اللي متعبتني دوووووم ومنكده علي حياتي ....اني رومنسيه واحب الحب نفسه احب اكون عايشه

دووم بحالة حب ......احب زوجي كثير .......وهو يحبني بس بطريقته ...يعني يوفر لي اللي يقدر عليه يعني

نقدر نقول مو مقصر علي ولله الحمد


والكل عارف انه المرأه عاطفيه كثير وتحتاج انها تسمع كلام مدح او غزل او تقدير مثلا من الانسان اللي تغليه

وتعزه...:44:


زوجي الله يسخره لي .....اكثر الاوقات يقول لي كلمه احبك بلفراش ....او يمدح شىء فيني هناك


لكن بيومنا العادي القاه ساكت ....وذا قربت منه يقول تعبان او مشغول ويردد بطلي هالعادات انتي مو مراهقه


وذا سويت له ليله رومنسيه يقول لي ليش هالخساير مالها داعي ....او ارسلت له مسج حب وشوق لما يكون


مسافر برضوه يطنش واوقات مايفتحها ومايدري اش فيه المسج ويتجج لي انه برا ونظارته مو معه ويطنش


او اذا شريت له الورد ....برضوه ليه وشنو نستفيد من الورد كان شريتي بيتزا ولا شىء فيه فايده مو ورد ؟!!


واخرا شىء البارحه سويت له حركه شفتها بالمنتدى خبيت جواله عندي تحت مخدتي وتركت له ورقه على الطاوله


بالصاله يتبعها عشان يلاقي جواله....طبعا انا سويت نفسي اني نايمه وجواله تحت راسي ماياخده الا اذا باسني


هو دخل علي الغرفه شفته من تحت لتحت وهو حاط الاوراق اللي كتبتهم و طلع من الغرفه بدون حركه منه تعبر


عن رده فعله ......<<< باااااااارد مافرقت معه ولا حرك ساكن انقهرررررررررررررت جد من رده فعله :mad:


ظليت بالغرفه مهقوره من تصرفه وبعدين رحت المجلس اليه قال لي انا اعرف متى اجي واخد ابوسه منك مو بكيفك هي ؟ :icon33:


يقول لي انتي تعرفين اني احبك ويكفي خلااااااااص راحت علينا......ولاتقولين شىء انتي مو ناقصك شىء



بالعكس انا ناقصني اهم شىء بحياتي والله تعبت منه ومليت حياتي البارده رغم مشاغلي بالبيت وباولادي


إلا انه هو حياتي كلها بس الله يهديه هو مو حاس فيني شسوي شنو الحل ؟



اطنشه واعيش ايام بس ارد ارجع واحن للحب وايامه اجدد بنفسي وبالبيت واسلوبي


اغير كل شىء معه مو مقصره معاه والله اوقات احتاج نظره حب فيها او لمسه حنان منه اذا مايعرف يعبر عن حبه بالكلام


اقوله هالكلام يقول بلا خرابيط اكبري يقول منتي مراهقه عندنا هموم ومشاكل مااحنا فاضيين ؟<< من زواجنا ونفس الجمله يعني قدرت كثير وتحملت كثير بس ماتغير شىء عنده



والله العمر بيخلص ويجري بين ايدينا واحنا مثل مااحنا الله المعين ويهدي زوجي ويسخره لي



اللي تقدر تساعدني رحم الله والديها وجزاها عني الف خير



رجاء اللي مو عاجبها المووضوع بلا تجريح وبرضوه رحم الله والديها ويجريها ربي خير




مشكوووووووووووورين خواتي




واعتذرا طولت عليكم