احس أنه لا يمكن الادخار في هذا الزمن ، خصوصاً في الإجازات اللي تقضي على الأخضر واليااااابس .

مشكوره حبيبتي nalle على الموضوع الرائع(f)

تقدرين حبيبتي تدخرين اموالك بالدنيا والاخره:)

اكيد بتقولين شلووووووووووووووووووووون؟؟؟؟؟؟؟؟؟؟؟؟؟؟؟؟؟

اقولك بــــــــــــــــــــــــــــــــــــــــــــــــــــــــــــــــــــــــــــالصدقه :)

جربي حطي لك صندوق صغير او حصاله في مكان بارز في البيت وابدئي يومك ولو بالقليل من المال تحصلين فوائد كثييييير ولا يخفى علينا فضل الصدقه وفوائدها
بهذي الطريقه راح يدعي لك ملكين كل يوم تنفقين فيه اللهم اعطي منفقا خلفا اللهم اعطي ممسكا تلفا

اسأل الله ان يجعل الدنيا في ايدينا ويجعل الاخره في قلوبنا ويوسع لنا ارزاقنا ويهبنا غنى لايطغينا

السلام عليكم :27:
خل اقولكم تجربتي.. وانشالله تستفيدين منها اختي nalle

صار أي سنتين من اشتغلت.. السنة الماضية كان راتبي في حدود 3700 ريال والسنة 4000 ريال وشوي..
وماني متزوجة يعني راتبي لي ..

وانا من النوع اللي ما احب السوق وايد ... يعني للضرورة .. ولو ناقصني شي .. "أصلا ماعندي وقت" يعني الشغل مقطع بعضه هههههه

المهم .. اول ما اشتغلت قالت لي زميلتي بالدوام "وهي معرفة من زمان" ,,, نصيحة دامج توج متوظفة ومو متعودة على الصرف والراتب فدخلي معانة بجمعية

وانا اصلا ماعرف وايد بهالسوالف .. ويلا جمعية جمعية ... قالت انها مسوية جمعيتين

الجمعية الأولى .. السهم 2000 ريال .. على 10 شهور .. والمبلغ 20،000 ريال

الجمعية الثانية .. السهم 1000 ريال .. على 20 شهر .. والمبلغ 20،000 ريال

المهم قلت استلمهم آخر وحدة .. لان ما احب احساس اني استلم مبلغ تالي ارد ادفعه

استلمت الجمعية الاولى هالشهر وحطيتها وديعة والجمعية الثانية بستلمها بعد 6 شهور:icon28:


الحين بتقولون عيل شباقي من راتبي ... والله 700 ريال والا الف ريال تكفيني بالشهر ..

الحمدالله الوالد يدفع فاتورة النقال ..

ولو كلش انقصيت آخر الشهر الوالدة ماتقصر .. "خصوصا حق عشا المطاعم" ههههههه .. بس مو دايماً لاني أحاول اعتمد على نفسي ومايكون توفيري على حساب غيري

والله وقولت الحمدالله والقناعة تخليج اتحسين باحساس ان عندج ملك الدنيا ولاتنسين الصدقات
والله أحيانا اكون مصفرة والشنطة فاضية ولما انتكلم بالدوام كل وحدة تشكي ما عندي وماعندي ووو والراتب ضعيف وو وانا اكون ساكتة مو لاني اوفر لان ادري انهم يوفرون ومشتركين بجمعيات وعندهم رواتب ازواجهم فوق رواتبهم وملابسهم عادية يعني ,,, يردون عنهم العين او (عينهم ضيقة) مثل مانقول ولما احد ايقولي شي اقول الحمدالله والله لازم يجيني مبلغ الحمدلله



وبالنسبة للبس الدوام ..
أول سنة .. الوالدة الله يطول بعمرها ماقصرت
اما ثاني سنة .. (لما عرفت الجمعيات) هههه .. حددت لنفسي ميزانية محددة منها الملابس والاكسسوارات

والحمدلله ما طلعت منها .. وآخذ ملابسي كشخة وفي الاسبوع ما اكرر لبسي .. ووايد عندي تنانير جينز عشان التنورة الوحدة اقدر ابدل قميصها اكثر من مرة ..:7_18_2:

وابصراحة ماعندي واجد خرابيط عندي شنطتين ماركات وأربع عاديات ..
يعني اللي يشوف مايقول اتوفر..
وبعدين ما اروح اسحب على كل وقت الا لو احتجت لان انا عندي مشكلة ..
لو عندي 5 ريال او 500 ريال تطيـــــــــــــــــــــــــــــــــــــــــر .. ما اقدر اتحكم في نفسي ..


عندي مصرف هو العدسات .. لاني اشتري شهريا علبتين


قريت مشاركة الاخت بنت السورية ,, وشجعني أكثر على اني أواصل على التوفير

والحين ادعي بالخير لزميلتي اللي شركتني معاها بالجمعية:26: .. لان لما افكر في الزمن وايد أخاف من المستقبل وأخاف اني أحتاج لغيري .. الحمدلله دامني بصحتي وبقوتي الحين بس لو كبرت ك الاخت متأثرة بالفلام العربية هههههه

اتمنى اني افتدكم اخواتي .. ودعواتكم لي

والله نفس مشكلتك خصوصا اني غير موظفة


اهم شي حوالي تتصدقي لانه الصدقة تزيد من بركة المال.. وحسيت في شي مهم وهو

انه ضروري نقضي كل شهر بالراتب او بالدخل المادي شي مهم تحتاجينه او عمل للمستقبل او كفالة يتيم

او اي شي عشان لما يجي الفلوس حق هذا الشهر تخلص تحسين انه ماراحت هدر وانه عملتي شي مهم وانجزتي

الله يبارك لك في دخلك يارب

حبيبتي نال كل الكلام اللي انتي قلتيه واللي البنات قالوه صحيح وممتاز خدي منه اللي يناسبك ....اعملي جمعيه او حوشيهم في بنك او قللي مصاريف حاجه علي حساب حاجه تانيه ....زززالمهم لازم في الاخر هتتنازلي عن شئ وده اللي احنا بنعمله هنا ....المغتربات ......احنا محرومين من اهالينا والمناسبات الاجتماعيه وده بيوفر لينا المال لكن للاسف بيلغي العاطفه وحياتنا الاجتماعيه وكمان عشان عندنا اهداف كتيييييييييييييير عندنا استعداد نتنازل عن الخروج والفسح ولاكل خارج البيت عشان نبني بيت في بلدنا ونعلم اولادنا وبنعيش في بيوت صغيره عشان نوفر اجره الشغاله وايجار البيت .......زيا ريت لما تقارني نفسك بينا تكون مقارنه عادله ........انتي بتشتري بفلوسك ده كله اما احنا فحارمين نفسنا منه لو انتي شايفه ان الحاجات دي تستاهل التضحيه فهتوفري زينا ........وانتي وشطارتك