كوبونات الراقية تسجيل الدخول

روح القصيم~

كيف تستفيدين من مع زوجك ...

الأسرة والمجتمع •

اهلا بالجميع..



فن الطلب حبيباتي له تاثير كبير على اجابة الطلب و تنفيذه بمعنى ثاني ممكن اسلوبك الذوق في الطلب يجبر اللي قدامك ينفذه او يحرجه يقابل هالاسلوب الجميل بالرفض ..



حاولت ابسط الموضوع و اضرب لكم امثله لان اشوف العضوات يفهمو اكثر مع الامثله ..



# قبل الطلب :



لابد تكونين مسويه كامل واجباتك اتجاه زوجك + مظهرك حلو و مرتب و يكون نايم كويس و مروق و مو مشغول بشي ابدا + المكان ريحته تفوح بريحه يروق عليها زوجك سواء بخور او عطور..



يعني مو تجين تطلبين وهو يتابع مباراه او لسى راجع من العمل او ريحتك بصل و شعرك كشه طايره ، خليك على سنقة عشره ؛ عشان يحس ان هالكائن الناعم الفاتن حرام ماينفذ له طلب ..



# كيفية الطلب :



وقبل تنطقين طلبك تاكدي انك جازمه على طلب معين ، مو لا جيتي قدام زوجك تغيرين الطلب او تتنازلين عنه ؛ كذا راح يماطل فيك لحد مايوصل لأسهل طلب ويسكتك فيه او ماينفذ لك لانك بسرعه تتنازلين ؛ و انتي السبب زرعتي فكرة انك مش واثقه من طلبك وحاجتك فستخف في رايك ..



مثلا اشتهيتي ساندويش من مطعم معين ، رحتي بتطلبين من زوجك ، و رد عليك ( مره بعيد المطعم شرايك ف بروستد ؟ ) عطيتيه ايحاء انه عادي وبكيفك ، قام قال لك ( تدرين الساندويش اللي سويتيه الاسبوع اللي فات مره لذيذ ) و فجاه ياحلوووه تلاقي نفسك بالمطبخ تسوين نفس السندويش و انتي طايره من الفرحه ونسيتي طلبك .. اقول انه اكل بعقلك حلاوه ولا !!!!






لابد ان يكون الطلب واضح و مباشر بدون لف ولا دوران ؛ لان كثرة الكلام تتعب الرجل ومايتحملها وتنرفزه فيرفض احيانا من كثرة المقدمات و التمهيد لطلب ..

مثلا ( كلمت امي اليوم و هي مره مشغوله كلمتني وهي مستعجله و قالت لي تعالي جايين خالاتك اليوم و جيبي معك حلويات و سلطات و البسي لبس حلو مابغى بنت خالتك تقول ليش صارت كذا بعد زواجها ووووو ) طال الكلام و كثرت الطلبات و الاسلوب تعبان و لو كانت من النوع اللي يمط بالكلمات و يبلع ريقه كل شوي ويرجع يتكلم هينا جلطه ثلاثيه الابعاد خصوصا اذا كان نمط زوجها شمالي !!!






لازم يكون طلبك بدون ماتقولين له كيف ينفذه يعني بدون توجيه + بدون تبرير .. مثلا ( ابغى لبس جديد كل لبسي مهتري و مات من الغسيل وووووو ) هينا احتمال كبير يرفض لان تبريرك للطلب يعطيه ايحاء انه انتقاد له وانه مقصر عليك لين اهترت ملابسك !



او طلبتي مقاضي للبيت ( لا تكثري توجيهات لانك تحسسينه ان ماعنده سالفه ولا يعرف يتقضى )



اطلبي باسلوب لطيف جداااا و ياحبذا لو كان مع لمسات و نظرات حلوه منك ومركزه في عيونه .. مثال ( ايدك على ايده او تلعبي بشعره او حتى تمسجي بين اكتافه ، و عطيه من حبيبي و نور عيوني و قلبي وحياتي ...الخ )



كوني واثقه و اطلبي و انتي متأمله انه راح ينفذ طلبك و باسلوب مليان احترام و حب .. اعطيكم مثال الجمله هاذي تنقال بعد ماتقولي طلبك و انتي تنتظرين الرد ( حأكون مره مبسوطه .. او حبيبي اعرف انك ماتخلي بخاطري شي )



خلي طلبك سريع و محدد ..مثلا ( سألك زوجك فين حابه تروحي ؟ او ايش حابه تتعشي ؟ ... لا تقولي بكيفك اللي تحب ، قولي ابغى السوق او النادي ، ابغى المطعم الفلاني او الوجبه هاذي ... لان الزوج تركيبته العصبيه تتعب و تحتار مع الخيارات الكثيره و بهالوقت يحتاج سرعتك في الطلب لفك حيرته وتردده )



اطلبي برغبه و اصرار و ابتعدي عن التردد .. لا تقولين مثلا ( اذا طفشان ايش رايك نطلع نتمشى انا طفشانه بعد ) قولي ( الجو حلو .. حبيبي يلا نطلع نشم هواء وننتعش شوي )

ابعدي عن ( ياليت او ممكن لو سمحت فاضي تسوي لي كذا )



تعلمي فن الالحاح الايجابي البعيد عن النكد و التحلطم .. مثلا رفض طلبك .. ( قولي الله يخليك حبيبي كثييير احتاج اللاب توب تكفى ياروحي والله عمرك ماقصرت معي ....الخ ) وهكذا ..



اذا رفض الزوج الطلب ، بيني حزنك و انسحبي و اطلبي في يوم ثاني و ادخلي اسلوب المزح والضحك و بسطي طلبك حتى يتقبله ..



# مابعد تنفيذ الطلب :



ماتكفي ياحبيباتي ( شكرا .. مشكور ... يعطيك العافيه ) شوفي كيف الطفل يتحمس اذا سويتي حاجه يحبها، وكيف تاثير حماسه على شعورك انتي ..



ايوووه هذا الحماس اللي يبغاه الزوج ، اشكررريه باجمل الكلام و عبي راسه من المدح ، و دلليه اكثر كل مانفذ لك طلب زيدي الدلال و مايمنع تذكرينه ( بعد عمري هالشي عشانك اليوم سويت لي كذا و عساي مانحرم منك ووووو ) .. على فكره مافي زوج مايفرح لانه اسعد زوجته وحقق شي تبغاه .



زيدي التواصل الجسدي بينكم ، يعني مافي مانع تكرمينه بليلة مساج لانه امس تسوقتي معه و نفضتي اللي في جيبه .



مثلا طلبتي اغراض من الصيدليه لك و دخل زوج فيها ( اركضي له و شيلي عنه و اشكريه مثل ماقلت فوق ، عطيه بوسه على راسه او ايده،بوسه سريعه لانك متحمسه للاغراض ..الخ )



و لا ننسى الدعاء على مسمعه سواء نفذ او مانفذ الطلب و ماحد يجهل تاثيره على تليين قلب الزوج و ترويق مزاجه.


انتهى ..
41
9K

يلزم عليك تسجيل الدخول أولًا لكتابة تعليق.

تسجيل دخول

أمي قرة عيني
أمي قرة عيني •
  • جمممممميييييييل جدا وفعلا مره زوجي قال لي ليش احسك تشخذين لما تطلبين !!! انا انصدمت قلت لا بس من باب الذوق اقول الله يسعدك ابي كذا لو تقدر !! هو شايفها طراره ويقول لي حقك اطلبيه بتصريح ومن عقبها لما اقول ابي السوق مثلا ويقول يوم ثاني ما انكد عليه ولا شي يجي اليوم الثاني ونروح لكن ما ابين له اي امتنان لانه ما لبالي طلبي بنفس الوقت
روح القصيم~
روح القصيم~ •
أمي قرة عيني أمي قرة عيني :
جمممممميييييييل جدا وفعلا مره زوجي قال لي ليش احسك تشخذين لما تطلبين !!! انا انصدمت قلت لا بس من باب الذوق اقول الله يسعدك ابي كذا لو تقدر !! هو شايفها طراره ويقول لي حقك اطلبيه بتصريح ومن عقبها لما اقول ابي السوق مثلا ويقول يوم ثاني ما انكد عليه ولا شي يجي اليوم الثاني ونروح لكن ما ابين له اي امتنان لانه ما لبالي طلبي بنفس الوقت
جمممممميييييييل جدا وفعلا مره زوجي قال لي ليش احسك تشخذين لما تطلبين !!! انا انصدمت قلت لا بس من...
حلو انه صارحك ووضح لك انه يكره هالاسلوب ، فيه ازواج يرفضون ولا يصرحون ليش .
العمريه 72
العمريه 72 •
بعلق على شغله


أوقات والبعض .. تكون عاديه وصوتها عادي ولبسها واسلوبها كمان بس وقت الطلب تنقلب ملاك وجمال !! هالشي ينفر الزوج ويحسسه انك متعنيه عشان طلبك مو له


2 بعض الأزواج يحب اسلوب التكفى حبيبي وكذا وصوت دلع ما يحبون الأمر بعضهم تحسب الأمر يعني عقدة حواجب و غصب التنفيذ ( فيه فرق بنات )


3 الكماليات ممكن الزوج يكون مضغوط مادياً يكون باله مشغول بشراء شي مهم .. اذا رفض طلبك أو أجله مو تطنقرين وتبوزين بالعكس اسأليه سبب الرفض بهدوء + قولي براحتك حبيبي خلاص مو الحين بشتريها المره الجايه << يعني بشتريها بس دامها كماليات بصبر يمكن عندك شي أهم 👍


اسفه روح جيت اعلق واضفت كم نصيحه على موضوعك الأروع من رائع الله يسعد قلبك ❤
أمي قرة عيني
أمي قرة عيني •
سماء الكوون 9 سماء الكوون 9 :
لا يمكنك مشاهدة هذا التعليق لانتهاكه شروط الاستخدام.
مو هي تقول خلوا طلبكم واضح بدون ذل وين المذله بالموضوع
والله كان موضوع الذكور لاحس مخك مو مشكلتنا ي ام خدم وحشم كأنك ماتدرين اغلب الناس متمرطه باجارات ورواتب منتفه واذا مو عاجبك المنتدى ولا هو من مستواك لا تشاركين فيه وحياتنا مو مبنيه ع رسميات الدور والباقي على اللي تدور الرزه عند زوجها وماتبي تخلف الا ذكور عشان منزلتها عنده ترتفع 🌚🌚 انتي اللي ماعاد اكو مثلك مو احنا
روح القصيم~
روح القصيم~ •
سماء الكوون 9 سماء الكوون 9 :
لا يمكنك مشاهدة هذا التعليق لانتهاكه شروط الاستخدام.
والله فيه زوجات انا شفتهم بعيوني بقميص مهتري و لا مبسوطه انها ماتتروش الا بالاسبوع مرتين لا و ابشرك عندها خدامه ، هالشي اغلبه كسل او عدم مبالاة ..

والله و ماحلفتيني واحد من محارمي يقول ادفع لها مصروف لا يقل عن الفين ريال بالشهر ودي بس تلبس زي الحريم ..


و بالعكس الموضوع مافي اي مذله وين المذله اذا الزوجه رققت اسلوبها !!

الله لا يجيب الزعل الموضوع قابل للاخذ والعطاء .. لك مطلق الحريه في الكلام ❤