ههههه الله يسعدك يارب
شوفي حبيبتي الاحترام اساس الحياه الزوجيه واهم من الحب
الرجل الي يستاهل احب راسه ليش لا
الانماط الشخصيه تلعب دور كبير بتعامل المراءه وتفاصيلها البسيطه مع الرجل
زوجي شمالي متطرف ( مفتاحه الطاعه والاحترام )
طريقة استقبال الشمالي لازم بوسه ع الراس هههه ياليل وكل شي جاهز قبل لايجي مايحب حوسة المراءه والاطفال فوق راسه
لاان الشمالي عصبي ودمه حار يحب يريح نفسه بالبيت ، يعني الشمالي له ثقله
فيه انماط تحب الاحتضان والضحك عند الدخول للبيت ، وفيه انماط مايفرق معه،، وفيه رجال يكرهو الالتصاق الزايد والاهتمام ،،، وهكذا
لكل نمط مفتاحه حتى بالاستقبال
اهم شي مايخش وانتي تراكضي وراء الاطفال وتصارخي ومكشره وعرقانه هههههه وشعرك منكوش وحالتك حاله
كذا بيلف من الباب دغري ويهج
افهمي زوجك من هالشغلات البسيطه وتمكني منه هههه
شوفي حبيبتي تعويد الرجل على شي انثوي وبسيط زي ضمه ولا بوسه ولاتآخذي من يده سلسلة المفاتيح والنظاره شي جميل
احسن من البرود بالعلاقات والجمود ، شوفي الغربيات الاجنبيات لازم قبله اذا زوجها راح ولا دخل البيت
فكيف احنا امهات العاطفه كلها ههه
الرجال فهمهم للاحترام عكسنا احنا النساء ، النساء فهمهم معقد بالنسبه للرجل ، الرجل ابسط مما نتخيل
يعني كلمة يعطيك العافيه ، كيف دوامك اليوم ، ليش تآخرت قلقت عليك عندنا شي عاطفي ورومانسي
بالنسبه للرجل لا ، معناها زوجه تحترمتني وتحتريني عند الباب وتهتم بآموري مره سنعه
بس بذكاء ياحبيبتي مو تندلق ع الرجال مره وحده ، لا تحاسب ع طريقة كلامها واسلوبها بثقل وحنيه مع بعض

• هو يبوس جبيني وانا اسوي يعنني أردها وأبوس خده خخخخخخ

الله يحيه في بيته
عنده مفتاحه ماله داعي افتح له الباب
عمري ما قد بست يده ولا رجله ولا راسه عشان استقبال ماله داعي حتى لو جاء من سفر نسلم شرقي ههههههعععع
البيت الحمدلله نظيف له ولغيره لاني ما احب اعيش في مكان مو نظيف احب الترتيب والنظافة ومن كثر النظافة جتني عين الله يعين والحمدلله
كثر الكلافه وزيادة الاهتمام تنفر الواحد احنا جعلنا امه وسطا يعني خليك في النصف لا تهتمي زيادة ولا تقصري زيادة لانه بتجيك ايام تمرضي تغيبي تتعبي تكرهي الشغل تكرهي الاهتمام فراح يفقد هذا الشئ منك وراح يدور له عند غيرك
هذا ردي وتقبلي ودي 💜💚

مو على الداخله والطالعه سلام وتبوس لا اذا جاء من العمل أو صحي من النوم بوسه ع الطاير بس اما أسلم ع يده عمري ماسويتها مدري ليه بس أحس ماتنفع لزوج ابد بوسه على الخد وضمه وخلاص اليد والراس للوالدين وكبار السن
وجهه نظر
موضوعك جميل

والله مرات أنط عليه ويشيلني مثل الأطفال لما يستقبلوا ابوهم .. وصار اذا مرت فتره ماسويتها يطلب مني اذا ضميته اتعلق فيه حتى يشيلني .. صار يحن لاستقبالي له ويقولي والله انتظر متى يخلص دوامي .. اشياء جميله نتعود عليها وتترك اثر جميل بانفسنا