الأخوات اللواتي عملن في التجارة عبر النت ..
كيف استلمتن أسعار بضائعكن؟
وكيف تحددين أسعار الشحن؟
أم معاذ و جهاد @am_maaath_o_ghad
محررة فضية
يلزم عليك تسجيل الدخول أولًا لكتابة تعليق.
الصفحة الأخيرة
بالاول تحددين سعر السلعه، وتروحي شركة الشحن او البريد علشان تعرفين بالضبط كم وزنها.. وبناء على الوزن طبعا يتحدد سعر الشحن..
سعر البضاعه+ سعر الشحن= السعر النهائي
تطلبي من الزبونه تحول لك السعر النهائي بطريقة ايداع في حسابك البنكي، او بواسطة الويسترن يونيون (توصل الفلوس بنفس الوقت) على الصراف او البنك.
او بواسطة حوالة ماليه عن طريق محلات الصرافه.
والافضل ان كان جنبك محل صرافه اتصلي عليه واساليه مع اي محلات صرافه يتعامل في كل دوله خليجيه... علشان تعطي اسماء هالمحلات لزبوناتك من هالدول لما يطلبون منك..
وفيه ملاحظه عزيزتي حطيها ببالك لما تروحي تشيكي وزن الطلبيه، اعرفي الوزن بالضبط اقصد الكسور، مثلا لو كانت الطلبيه فيها 750 جرام. يعني تنحسب ككيلو واحد.. وقتها تعطين الزبونه سعر الشحن لكيلو واحد... حطي ببالك بعد انه مع التغليف راح تاخذ ييمكن وزن اكبر فراعي انه التغليف يكون امن بس مو مره جامد.
ولو وصلتك الفلوس زايده وشفتي انه سعر الشحن اقل وقتها ردي للزبونه المبلغ الزائد لو عساه ريال داخل الطلبيه ابراء للذمه..
بالتوفيق ان شاءالله :)