بنات اللي في الامارات كيف تعدلن الشاي بالحليب...

أنا ما يضبط معاي وحس بنات السعوديه غير يعدلونه مب شراتنا...

أنا عارفه المقادير بس الكميات عندي غلط

الشاي الحليب ( الكرك)


دايم اسويه ومقاديره مضبوطة والكل يطلبها مني وتضبط معاهم


4 اكواب ماي

1 فنجان سكر

1 علبة حليب مكثف (بوني او ريبنو او كورنينش ....)

اتحطينهم في الغوري وعلى النار

الى ان ايفوح وطي على النار وحطي 4 ملاعق شاي صغيرة شاي ناعم ( مب اكياس )

وخليه على نار هادية لمدة 10 دقايق


وبعدين صبيه في الدلة


وان شاء الله تضبط الطريقة معاج

اعقد طريقة الاخت Halla120 تطلع حلوة

انا مقادير الشاي الى استخدمها

4 اكواب ماي تغلي على النار + فنجان سكر
ولما يغلي اضيف له ملعقتين كبار شاي ورق ( فله ) طعمه احلى مع الشاي بالحليب
ولما يغلي ويطلع لون الشاي اضيف له علبة صغيره حليب سايل ( رينبو او لونه ) بس واخليه يغلي مره وحده على نار هاديه ويصب بالمصفايه تبع الشاي في الدله


واوقات نعملها بالحليب السائل يعني بدل لا نغلي ماي نغلي حليب المراعي ونضيف له فنجان سكر وحبتين هيل وبعدين نضيف الشاي بنفس الطريقه هذي للي يحب الحليب الخالص

وجربي وان شاء الله يضبط معاج

سلام زنبق ..

شوفي عزيزتي اذا انتي قصدك على شاي حليب اللي يتقدم المغرب مع الكيك والمعجنات .. هذي طريقته :
تغلين شاي ورق عادي لين يصير غامق ثم تصفينه بالترمس ( الكيفييين يحبونه كذا انا احط 2 لبتون بس اخليه لين يغمق شوي)
وتغلين ( مقدار نص كوب لكل شخص) الحليب على النار وتضيفين عليه نص ملعقة هيل ( توه مطحون عشان النكهه تكون اقوى) وتقلبينه حتى يغلي .. وتصفينه بالترمس ..

تقدمينه بالصينيه الترمسين مع الاكواب والسكر على جنب .. والكل يصب على حسب رغبته في ناس تحب الشاي اكثر وفيه ناس تحب الحليب اكثر .. ويقدم مع الكيك والمعجنات ..

وبالعااافيه