كيف.. تسيطرين على اكل طفلك .. عند الناس ؟؟--->بنتي معذبتني ..

الغاليه بنتج ربي يحفضها لج ماتاكل اكل صحي مثل الفواكه ...والخ
عشان تشبع انت طولي بالج وياها يعني جيبيلها صحون وكاسات فيها صور والوان خاصه للاطفال وحطيلها شريط كرتون تشوفها واكليها على راحتها
مب شرط تخلص كل اللي في الصحن حتى لو كم لقمه وهنيه تكون مفيده
وبنتج عادي فيه مثلها بالملايين وخاصه في هذا السن
بس انت طولي بالــــــــــــــــــــــــــــــــــــــج

نفس بنتي ونفس عمرها الله يخليهم لنا وترى اكلها من عند الناس مو دليل انها جوعانه بس اكيد انها تقلد الاطفال الموجودين معروف الطفل تنفتح شهيته لما يشوف اطفال بياكلوا وبعدين مو عيب ولا هو شي مزعج للناس بالعكس اخذيها في حضنك واكليها بنفسك الين تشبع بالعكس استغلي انفتاح شهيتها واكليها وبعين هم ليش حطوا الاكل مو عشان ينوكل ولاهم حاطينه زينه اكليها وشبعيها وانا اذا الناس مثلي ما اتضايق من الطفل الي بياكل بلعكس استانس وبعدين وين الزباله حاطينها بالصاله خلي بنتك قريبه منك وقفلي كل الابواب الي تودي لاماكن فيها اكل مو بزين واكليها بس من الي بيقدمولك

مشكورين بنات

انا ماعندي مشكله تاكل من عند الناس وافرح إذا هي تعشت معي وشبعت مشكلتها تعبي بطنها من الحلويات والبلاوي الملونه والسكر .. يعني طوال وقتها تاكل أي شيء مع البزران وتشرب صودا كثير
حتى احسها تتعبب بعد ماترجع

الله يعين

الحمدالله ولدي من يطلع من البيت ما وده يجلس في مكان واحد .. كله يبا يستغل الفرصه ويلعب ..
تقولوا طالع من السجن ... وعن الاكل ما ياكل الا اللي أنا أأكله اياه وبس .. حتى لو حد عطاه شي في ايده ما يرضي ياخذه منهم .. تخيلوا حتى لو لعبه ..!! هالشي يعجبني فيه علشان أكون مطمنه عليه ..
خاصه انه بعض الناس اللي أروح لهم معيشين عيالهم على الحلويات وأنا ولدي ما احب أعوده على هالاشياء و ما اعطيه مشروبات غازيه بالمره .. ومره كنت في بيت عمتي و شربته من غير ما أنتبه لها بيبسي و على طوول بزقه في ويهها ههههه تستاهل ...

والله بنتج المفروض أول ما يحطون الاكل تمسكينها و تحطينها على ريلج و ما تخلينها تمد يدها على اي شي أبدااااااا ... اكليها بنفسج واذا ما رضت تاكل أكل سنع مثل الناس خليها تيوووع و بتاكل يوم بتوصل البيت غصب عنها ... لا تخليها تتعود على هالطبع علشان الناس ما يملوج ويملون من طبع بنتج ولا تنسين انه بعض الناس تحب تنتقد على اتفه شي فاتجنبي هالشي من البدايه ..

والله يحفظ لج بنتج من كل شر ..