كيف تشجعن طالبات الثانوي والإعدادي

ليش حتى ثالث بعدهم صغار

والمواضيع الي بالجدران مع بعض الصور حلو

يعني مو مشكله ارشاد بالوحات وان شاء الله البنات يخبروك االطرق الافضل عندهم

بالنسبة للإعدادي بحكم التجربه
كانت تدرسني مدرسة معاها في الغالب سلة للأغراضها و من ضمنها (تويكس , سنكرز..) إلي تجي أحجام صغيرة و مرة كانوا البنات متفاعلين معاها مو مثل بقية المدرسات , أي وحدة تشارك في الحصة تهديها من الحلوى.
و كمان كان في هدايا سلاسل و إكسوارات و ساعات , للبنات إلي يأخذوا درجات عاليهفي الإختبارات.
و تسأل سؤال خارجي و لها هدية إلي تبحث عن الإجابه (الجائزة كانت تأخذ من حلوى)
مرة البنات كانوا يحبوا المادة و متفاعلين,و ما شاء الله عليها ما كانت مقصرة كانت تعرض لنا الدروس بطرق مختلفة للدرجة مرة عرضت درس بواسطة مجسم علىشكل تلفزيون و فيه على طرفين ذراع للف الدرس.

جزاكما الله خيرا........
ومازلت في انتظار أفكاركن

بعطيك فكرتي اللي طبقتها ايام التطبيق بالكليه ..

وهي : صندووووق المفاجآت .. ولازم يكون شكله فخم ولافت للانظار اووكي ..

وداخله بطاقات حلووو شكلها مغلفه تغليف حراري والباطاقات ذي عباره عن :

مبرووووك ربحتي درجه ..

مبرووووك ربحتي درجتين ..

مبرووووك ربحتي نصف درجه

مبرووووك ربحتي ربع درجه --> العوض ولا القطيعه ..

معليش اتمنى لك حظ اوفر ..

اختاري زميله .. ( يعني راحت عليها تختار بنت تسحب بطاقه من الصندوق )

حصلتي على نجمه لامعه ( ملصقات على شكل نجمه تلصقينها على صدرها او على خدها او جبهتها او على كفها كنوع من تلطيف الجوو وكسر الروتين وحنين لذكريات الابتدائي )

جلاكسي .. تويكس .. عصير .. الخ اللي يعجبك ويناسبك اضيفيه ^^

طبعا كل بطاقه حطي منها اكثر من نسخه يعني كثري بطاقات الحلويات وحظ اوفر اختاري زميله ونجمه لامعه واما بطاقات الدرجات حطي منها نسختين او نسخه حتى يزيد الحماس ..

بيطلع لك الصندوق ملياااااااااان بطاقات وتختار الطالبه منه بعد ماتجاوب )

يااااااااااااالله ذكرتيني بالايام الحلوه ..

--> يارب ترزقني بالوظيفه المريحه ياااااااااااااااارب وافرح قلب ابوي ...

واممممممممممم وش بعد ايه فيه فكره رهيبه استخدمتها بدرس العملات انا تخصصي اللغه الانجليزيه و تنفع تسوينهاا تطلع حماااس ..

وهي تصممين شيك وتطبعينه كذا نسخه اوكي ..

وتقولين للبنات هذا سؤال قيمة الجواب عليه 20 ريال .. او 10 .. 5 .. او حتى ريال على حسب نوعية السؤال وصعوبته وعلى راحتك تحددين ..

اذا جاوبت البنت تطلعين الشيك من شنطتك وتكتبين المبلغ كتابة ورقما كأنه شيك حقيقي ^^

والبنت تقدر تصرفه بالمقصف --> طبعا تتفقين مع مشرفة المقصف مسبقاا على هالموضوع وتعرف خطك وتوقيعك ولون القلم --> تسمع بالحرص !!

الفكررررره حلووه واعجبت فيها المشرفه .. طبعا مو كل يوم تطبقين نفس الفكره لا مثلا فكرة الشيك كل اسبوع وفكره الصندوق كل يومين او ثلاثه حتى مايملون منهاا ..

ومره جتني فكرة جهنميه كان فصل اول ثانوي مزززعج وقلت البنت المؤدبه واللي تشارك معي بتصير موجهه طبعا البنات تنحواا مافهموهاا وسكت عنهم ولمن خلصت الحصه قلت فلااانه انتي راح تصيرين موجهتي اووكي ولمن جت الحصه الجديده قومت البنت يافلانه انتي الموجهه صح يلا قومي وقعدتها على كرسي وطاوله عل الزاويه كأنهااا موجهه والبنات منهبلااات وبنص الحصه عطيتها دفتر تحضيري عاملتها معاملة الموجهه الحقيقيه .. ولمن انتهت الحصه قلت يافلانه عندي حصه عند الفصل الثاني ياليت تحضرين واستأذنت من المعلمه اللي عليهم والحمدلله ياااارب كان ماعندهم درس حصة احتياط .. ودخلتها الفصل وقلت ترا هذي الموجهه اللي كنت اقولكم عنهااا والبنت طااايره من الفرحه والبنات منجنات تكفين يا ابله بصير موجهه !!!!!!!!
والحمدلله الفصل منضبط انضبااااط تاااام .. لكن خسااااره بعد اسبوع الاداره حولتني ع الابتدائي ..

اتمنى اكون افدتك لو بالشي البسيط ..

وتذكري الثانوي احترميهم وقدريهم يحترمونك والاهم كوني واثقه من نفسك ..

وربي يوفقنا وياك ..^^

تكفين دعواتك

جزاك الله خيرا ياغرور
ورزقك الزوج الصالح الذي يسعدك في الدنيا والآخرة
ويسر لك سبل الرزق الحلال