كيف تشوفين نفسك في نظافة البيت 100 ولا نص ونص ولا حاقده على نفسك

السلام عليكم
حبيت ادردش معكم في هالموضوع عشان الكل يستفيد

فيه حريم ماشاءالله في بيتها نظيف جدا جدا ويلمع وريحه الحلوه في كل مكان واحيانا يكون عندها اطفال وماعندها شغاله
الي كذه احب اقولك بااااااااااااااارك الله فيك وماشاءالله عليك.


وفيه حرمه بيتها ماينظف الا بالشغاله وبرضوا ماشاءالله عليك كونك مارضيتي انه بيتك يظل مش نظيف
وعندك ماده وقلتي ارفهه عن نفسي وارتاح والله يهنيك

واستغرب من الحرمه الي مهمله يعني استغفر الله مادري ليش كذه طيب انتي كسوله جيبيلك شغاله بالساعات

بس اقولكم على موقفين سمعتهم.........مره واحد من جماعتنا يطنز على زوجته يقول مثل النحله كله تنظف ولا تجلس تدور الشغل دواره ......يقول حمدالله بيتي قديم والي يشوفه يفكره جديد من نظافته
مادري حسيت انه يمكن مش عاجبه انه زوجته يصير بس هدفها تنظيف البيت

عشان مره صديقتي تسولف لي عن امها انها مررره وسواسيه ونظيفه وكل يوم تنظف الثلاجه حتى لو نظيفه ومافي احد فتحها والبيت مافيه اطفال
قلت لها عجل اكيد ابوك ينبسط قالت هذه السبب الي خلاه يتركها ويتزوج

استغربت بس عرفت انه يمكن انشغلت عنه في البيت ونست حديثها ووناستها معه وصار ماعندها هدف الا تنظيف البيت .

فيه حريم يبون يتغيرون وتكون بيوتهم اجمل البيوت بس فيها كسل فضيييييييييييع ياساتر