كيف تصارح أهلها عشان ماتتزوج

مرحبا بنات
بستفسر منكم حاجه
وصديقتي تبي نصيحتكم صديقتي متسرعه  وعصبيه حتى معي أنا صديقتها
المهم انخطبت فتره الملكه ٥ شهور
وصار ظرف لأبو خطيبها واجلو الزواج كمان
اربع شهور يعني ٩ شهور ملكه
وصديقتي تقول ممكن الشهر الأول بس كان يكلمها شوي بعدين تقول سحببببببببب تقول أنا اللي الحقه قلت له خليه هو يبادر تقول جاف جلف إنها تشوف خواتها أيام ملكتهم تقول رجالهم ٢٤ ساعه يكلمها وهذا ساحب عليها
وهي كل شوي تقوله ويجلس يتعذر
يعني تقوله انت مهملني
انت ماتدري عني
انت ماتكلمني
يجلس يقولها انا انشغل مع العيال والاستراحه
ان حتى امي احيانا ماعندي وقت ارد عليها
ويجلس يتمسكن ان هالشي يضايقني إني مارد عليك
وماعرف ايش بس وش اسوي
وقتي كله مشغول وهي تحجز له صديقتي
تقول
ماتلقى خمس دقايق تكلمني !!
المهم البنت شكت قلبها مارتاح وانا قلت لاتنبشين
لكن للأسف جلست تنبش تنبش
شافت عنده انستقرامه كله بنات
شافت عنده سناب ببلك لكل الناس
حصلت عنده برنامج سوارم !!
راحت اخذت سناب اختها الاحتياطي فيه نقاط كثير وكلمته
على أساس انه بنت
وجاء على وجهه معها تقول مايفكني
له اسبوع ناشب صبح ليل عصر مغرب
هي كاررررررهته الحين
تقول أنا حلاله مايلقى معي خمس
دقايق يكلمني وبنات التعارف معطيهم كل وقته
وكل كلام الحب والغزل اللي أنا محرومه منه
هي تقول وش رأيكم تصارحه باللي سوت ؟
وكيف تصارح أهلها لان تقول خلاص عفته
لان قبل تقول كانت تقول مايعرف يمكن لكن ع كلامها واضح انه جريئ يعني شخص كذا جرييئ
مايعرف كل يوم يرسل ويكلم خطيبته لو خمس دقايق ؟ولا يعرف يسولف ولا يتغزل بشخص حلال له لكن يعرف يتكلم بالحرام مع البنات !!!!!
سوالي لو بمكانها وش اول شي تسونه
ووش رأيكم هل هي أغلطت لما كانت
تقوله انك مهملني
وانك ماتكلمني وانا بس انتظرك يعني هي
كانت تبي تعيش اللحظات ذي مع زوجها بالحلال
لكن انصدمت بالواقع
فيه نقطه مهمه
تقول كان احيانا يجي يجبر نفسه
كانه  تاديت واجب 
يرسل لها هلا وينك نايمه
خلاص
يعني يتصيد وقت نومها ولما تجي تكلمه
يسحب عليها ولما تتهاوش يقولها
جيت أرسلت لك بس انتي نايمه وش اسوي لك ؟
أو إذا شافها بس تعاتبه يقول شكلك ماتبيني يعني يقلب الطاوله عليها 
وتقول جربت قبل تنبش وراه تقول سحبت عليه
يومين وراء بعض بدون مارسل شي 
جاظ قالها
وينك؟
ليش ماجيتني ؟
ليش ماتكلمني؟
وش مشغلك عني ؟
وش تسوين 
وينك 
متخيلين !!!!!!
يعني تقول يقلب الطاوله علي احيانا