فلوووووونه

فلوووووونه @floooooonh

عضوة شرف في عالم حواء

كيف تصبحين حوريه لزوجك 000؟؟؟

الأسرة والمجتمع

كيف تصبحين حوريه لزوجك 000؟؟؟

في البدايه اقول كل عام وانتم بخير بمناسبة عيد الاضحى المبارك
بصراحة ودي أكتب في موضوع يخص كل البنات سواء المقبلات على الزواج والا المتزوجات اللي ما تعرف وين مصلحة حياتها الزوجية......
لكن ابغى أوضح نقطة مهمه وهي أن الواحد مو لازم يجرب عشان يعرف ... ممكن إنه يتعلم من خلال تجارب الآخرين ... وهذا اللي صار معي انا توني ما بعد اتزوجت بس ألاحظ من خلال تجارب صديقات مقربات لي ومن خلال مقارنتي بشخصية كل بنت مع زوجها ومردودها على سعادة حياتهم الزوجية من خلال هذا المنطلق أبي أقول لكل فتاة أن مفاتيح السعادة كــــــــلها بيدك طبعا بعد توفيق من الله عز وجل ما ودي أطول عليكم بدخل في لب الموضوع وراح اتطرق إلى بعض النقاط والأمور المهمة وببدا بالأهمية...:

- أولا: حث الإسلام على طاعة الزوج وقد قرنها بطاعة الله عز وجل ويكفي قول المصطفي صلى الله عليه وسلم من مات زوجها وهو عنها راض دخلت الجنة ). وش غير الجنة مبتغى يكفي الجنة يعني اسعي على رضى زوجك ترى وراها جنة ...الله أكبر.

- ثانيا: الاسلام دعى الى الحياء وجعلها شعبة من الإيمان يعني المعنى هنا هو الحياء الفطري اللي ربي وضعه في كل بنت بس العلاقات الزوجية تتطلب نوع من الجراءة معاها أنا ما أقولك انزعي الحياء عنك وخربيها أنا أقولك وش أحلى من الحياء الفطري مع الجراءة المباحة يعني بكذا تسعدين زوجك وترضين ربك..

- ثالثا: بصراحة كثير من الزوجات تربط الكرامة بعلاقتها الزوجية مع زوجها يعني في كل شي نلاقيها تقول لا كرامتي ألزم .
أبي أعرف وش كرامتك مع انسان كرامته من كرامتك يعني حطي في بالك أن زوجك وأنتي روحين بجسد يعني اذا مس بكرامته أحد يعني مس كرامتك .. مثلا كثير من الزوجات تعتبر بوسة رجل زوجها تنزل من كرامتها يا شيخ ببوس وببوس مدام باحلال ووراها جنة .....

- رابعا: الجري وراء راحة الزوج بعد التعب وخاصة بعد ما يرجع من الدوام يعني وش احلى من إنك تجهزين طشت مويه دافئ وأول ما يرجع من الدوام حران ورجله معرقه طبعا تستقبلينه ببوسه تعبر عن كلمة الحمدلله على السلامة وتفصخين شرابه لا تقولين ريحة رجله مروحة.. يا شيخه ريحة الورد عندك وغطسي رجوله بتحسين في وجهه الراحة والانتعاش بعد كذا بتشوفين إنك بتحسين انك مبسوطه عشان شفتيه مبسوط... وش أحلى من إنك تشوفينه مبسوط.

- خامسا: وهذي نقطة مهمة وهي تقدير حالة الزوج المادية.. يعني نلاقي كثير من الزوجات يحملون أزواجهم فوق طاقتهم.. وهذا طبعا شي غلط .. حطي في بالك شي إن زوجك لو كان يقدر يجيب لك كنوز الذهب ما قصر عنك بشي ومو دليل إنه ما جابلك أحسن سيارة وأحسن مجوهرات يعني ما يحبك لا بالعكس يمكن يحبك أكثر من الأزواج اللي يعطون زوجاتهم وهو ماراح يقصر عنك اذا كان مقتدر وحطي في بالك شي اذا كنت عايشه الحمدلله في بيت أبوك وطلباتك مجابة يعني أبوك كاش ترى في يوم من الأيام كان أبوك مثل زوجك في أول بدايات حياته ولا تنسين شي ( مدي رجولك على قد لحاف زوجك مو لحاف أبوك ) ........

- سادسا: أنا مدري ليه العشاق ما يهدون الورده الحمراء الا في عيد( الفالنتاين) يعني هم ما يعبرون عن حبهم الا في يوم واحد.. وغير كذا هم يتشبهون في الكفار اللي ما يعرفون وش معنات الحب الحقيقي الطاهر يعني يالخبلان تراكم تقلدون ناس ما عندهم سالفه في الحب .. أبي منك يا عيوني تخلين الهدايا كل يوم تخلين حياتك مع زوجك حبيبك كلها أعياد مو يوم في السنه واذا كانت الورده الحمرا تعبر عن الحب انا بعطي زوجي كل يوم ورده حمرا هذا اذا ماكان كل ثانيه...... خلي أيامك كلها أعياد وبلا تقليد أعمي يالخبله...

- سابعا: أنا مدري ليه ينعدم عندنا أن الزوجين يسهرون سهره على نور الشموع بس بشرط كل واحد ضارب أحسن كشخه يعني صحيح ما في أحد غريب بس كل واحد يكشخ للثاني يعني البسي احسن لبس عندك مثل ما تكشخين في العروس اكشخي عند زوجك ذيك الليله وسوي عشاء خفيف وارقصي (سلو) مع زوجك وفي أخر السهره اذا كنت من هواة الرقص المصري مثلي حزميها واردحي ما في أحد غريب وعشان مافي أحد أحد غريب الا زوجك سوي من الأغراء ما يجيك هذي الجراءة المطلوبه اللي أقصدها واردحي لين تقولين ؟ آمين وتشوفين وش آخرة السهره شي بيعجبك مرره....

-ثامنا: بالنسبه الزوجات المقصرات في حقوق أزواجهن من ناحية المنظر والملبس الحسن أنا أبي أعرف وش أهم ما عندك في الدنيا مو زوجك؟ طيب ليش تكشخين الكشخه للناس وزوجك ما يشوف منك الا الجلابيات والقمصان الخلق والشعر المنتكش يا شيخه بدلي هالخلاقين( بشورت) والا( بمني جوب) ولو تبين( ***** ) ترى يكون أفضل ومفعوله أحسن....تلبسي لزوجك وصدقيني بينبسط.....

- تاسعا: بعد الزواج تنتج ثمرة الزواج وهي الأولاد بس للأسف الشديد بعد الأطفال تهمل الزوجه حقوق زوجها مع العلم إنها محتاج لها أكثر من قبل يعني تلاقيها منسبهه ورى هالبزر وناسية الرجال وهذا كثير من حريمنا كذا حطي في بالك ان الرجال مثل الطفل يغار مثله ويحتاج لك مثله عشان كذا اعدلي بين زوجك وطفلك وعطي زوجك من الحنان وحطيه فوق راسك مثل ماكنتي قبل الحمل والولادة........

- عاشرا: في مثل يقول الوصول إلى قلب الرجل معدته وهذي مقوله صحيحه وتأثيرها مضمون وخاصة على الأزواج السمان يعني متى ما كان طبخك حلو بيحبك عشان هو لما ياكل طبخك ينبسط ومتى ما كنتي رفله مثل وجهك بيضطر أنه يمر مطعم كل يوم يشتري غداء وبيحس أنك مقصره في حق ... بطنه.يا شيخه حرام عليك خافي ربك في بطن زوجك هالتفخه...

- الحادي عشر: اذا كان زوجك بيسافر إلى عمل يعني رحلة عمل طبعا أتني بترتبين شنطة سفره مافي شك وقبل ما تقفلين الشنطة في شي لازم تسوينه وهو إنك تكتبين رساله تقولين فيها الحمدلله على السلامة وحشتني موووت وتعطرينها بعطرك المعتاد أنه يشمه فيك بكذا أول ما يفتح شنطته بعد مايوصل للفندق بيشم ريحتك وبيشتاق لك وهذا قبل ما يقرا الرساله وبعد ما يقراها بيقول بخلص شغلي وبررجع بسرعه مالي دخل اذا جلسوا هم أنا برجع وبكذا
بيرجع لك بنفسه بدون ما تزعجينه كل يوم متى بترجع متى بترجع.......

- الثاني عشر: وهو شي جرئ شوي خاص بالعلاقات الزوجية الحميمه المفروض من كل البنات يشاركون أزواجهم يعني مو كل وحده تسوي نفسها بريئة وإنها ما تعرف شي ومن جوى تلاقيها تحرك بلد هذا شي مو من صالحها ابدن عشان كذا شاركي زوجك وتفاعلي معه واللي بخاطرك سويه ولا تستحين ولا تقولين يمكن ما يبي.. ترى مافي رجال ما يبي بس بحدود الشرع
يعني كل الشي إلا الحرام......

- ثالث عشر: كثير من الزوجات ما تحاول تدلع زوجها قدام الناس يعني ما تحاول تناديه بأسماء دلع اذا تبينه يدلعك ويحبك اكثر ناديه بالاسماء كلها قدام الناس كلهم ولا يهمونك تراهم مو نافيعنك مب نافعك الا أسماء الدلع...

طبعا هذا بعض الأمور مو كلها وموضوع السعادة الزوجية واسباب اكتساب الزوج موضوع ماله نهايه و عشان كذا اتمنى كل بنت تفهم تشغل مخها وتعرف كيف تكسب زوجها بمخها مو بمخ الكتب يعني اسعدي زوجك بنفسك بأفكارك ...

اشرايكم يااخواتى الحلوين عن الموضوع ادرى انه اشوى جرىء بس هاذى صج :55:


منقووووول
16
3K

يلزم عليك تسجيل الدخول أولًا لكتابة تعليق.

تسجيل دخول

شروق الحب
شروق الحب
هلا والله وغلا بفلوووووونه

والله بصراحة موضوع رهيب ^_^ <<< والله مانتي بهينه :30:

ان شاء الله يرزقك بالزوج الصالح واللي يسعدك وتطلعين هالافكااااار الرهيبة

بس اختي باااااكر اذا الله راد وتزوجت :27: ادلع قداااام الناس مو كنها صعبة
:29: :29:
على العموم الله يسلم هالاصابيع الحلووه اللي طبعت هالموضوع
فلوووووونه
فلوووووونه
هلا والله حبيبتى شروووووووق هههههههههه:42: عنجد ضحكتينى على كلمتج منتى هينه واذا كان علىزواج انا متزوجه وخالصه وعندى بنت ولد حبايبى الله يخليهم لى واذا على انج تدلعينه جدام نااس ليش صعبه بالعكس شىء حلو وجميل واهو رح يحبج اكثر وتكبرين بعينه اهم اكثر كافى تبيينين حبج له جدام ناااااس بيليله انج سويتى شىء محد يقدر يسوى وشوفى شلون رح يستانس عليج ويشيلج فوق راااااسه والله يوفقج بزوج صالح الى يسعدج ويهنيج يارب ......... ومرسى اوى على ردج على حبيبتى شوق .;)
ارجوان محمد
ارجوان محمد
هلا فلونه
كلام جميل
واسلوبك ما شاء الله روووووعه
بس انا مثل شروق صعبه بصراحه ادلعه قدام الناس لان مالها داعي
اتحفينا غاليتي با المزيد
الله يعطيك العافيه ويخلي لك عيالك يارب
ساكنة القلوب
ساكنة القلوب
الله يجزيك كل خي رعلى النقل الطيب ..

وجعله في موازين حسناتك

الساكنة
المثقفه
المثقفه
السلام عليكم ورحمة الله وبركاته ...

ألف شكر .. أختي على الموضوع الرائع ...

والله الناس عندهم قدرات .... والأمر جدا بسيط ....

لكن محتاجين حق التذكير ..... فلك ألف شكر ....

وجزاك الله ألف خير ....