الله يكون بالعون
انت طنشي وماعليك منهم وانبسط بحياتك ، غيرنا عندهم اظفال لكن ماتوظفت ، او مي مبسوطة مع زوجهاا او ماعندها سكن مستقل اووووو
لتضايقتي صلي لله ركعتين وادعي وابكي بخشوع وووووبي بيرزقك ويرزقنا يارب
رب لاتذرني فردا وانت خير الوارثين

عايشين على الامل بالله
وهذا اللي مصبرني واعيش الحلم بكل تفاصيله كل شهر ومافقدت الامل رغم طول الطريق
لكن الحمدلله اولا واخرا تدابير الله كلهاخيره لنا
مادري ليش عندي شعور عادي تجاه الاخرين اللي تحمل واللي تولد ماشاء الله ..الله يبارك لها ويزيدها من فضله
بالنسبه للي تخبي مجتمعنا كله كذا لازم يخبون وما انظر لهم على انه خوف مني لا ، بقدر ماهو حريه شخصيه ..بكيفها تبغى تعلم والا لا ، في النهايه مارح استفيد شيء لو دريت او تفوتني مصلحه ان ماعرفت


واما كلام الناس واسألتهم
تكلموا وسألوا اول سنتين لين تعبوا 😂 وبعدين سكتوا ..
ما اذكر احد سألني قريب بإستثناء بعض المقربات اللي تسأل من دافع محبه واطمئنان
انتي صبري نفسك فتره بعدين الوضع بيصير عادي بالنسبه لهم . واذا ارتحتي منهم بترتاحين نفسيا
بس ترى عادي اذا طلعتي بيت بلحالك مو لازم تحملين وبعدين تطلعين
اريح لك صدقيني اذا عندكم استطاعه افضل لك ولنفسيتك ..واذا علاقتك بزوجك كويسه رح تقدري بسهوله
صح في النهايه تظل الوحده حاسه بالنقص مهما سوت وراحت وجات وسافرت بس ع الاقل شيء تعيش حياتها ولاتربط كل شيء بالخلفه
وياااارب عن قريب تشوفين الخطين وتفرحين بأحلى واجمل توأم

لا توقفين حياتك وانتي تنتظرين الحمل
الحمل راح يجي فالوقت المناسب بإذن الله
ايش تستنين تحملين وتولدين علشان يسفرك زوجك ؟
سافري ذلحين وغيري جو وانبسطي
عيشي حياتك بالطول والعرض
بكره يجي البيبي اللي يحبسك ان شالله ههههههه




انا مع انه عندي بنت من قبل لكن واجهت نفس اللي تواجهينه
علشان تعرفين ان الناس مايملى عينهم الا التراب
لو جبتي واحد قالوا وين اخوه
لو اثنين قالوا بس اثنين
لو ثلاثه قالوا فلانه جابت خمسه
لو جبتي الخمسه قالوا الله يعينها عيالها ورا بعض ههههههه
صاحبتي تزوجت كبيره وجابت اولادها ورا بعض
والله ماسلمت منهم يقولون كل سنه حامل !
ارجمي نفسك ! تراكضين ورا هالبزران !
كرهوها فعيشتها حتى استقبال ماعاد تسوي
اخر مره وحده تقولها خلاص لا عاد تحملين وقفي
اش دخلهم مدري !
لا اللي تحمل سلمت ولا اللي ماتحمل
انا شهريا يدقون ع امي يسألون حملت ولا
غير اذا رحت لاهلي قالوا حامل اذا اختفيت قالوا حامل
كل ماقابلتهم بنتة وحيده جيبيلها اخوان !
بنتة كبرت وانتي كبرتي متى تخلفين العمر راح
والرجال مايصبر المشكله انه المشكله ف زوجي بس كيف اقولها صعبه !


صرت اقولهم ان شالله الله يرزقنا ادعولنا
بس بنفس الوقت موريتهم ان الحمل مو موقف حياتي
اسافر انا وزوجي ومبسوطين ونطلع ونروح وكل فتره ناخذلنا منتجع ولا فندق نغير جو
والبس واكشخ واغير لوكي كل فتره وفتره


وحده كانت دايم تجيني دايم حملت واختفت
انا كنت افكرها انشغلت ولا شي طنشت
بعد فتره وانا جالسه فعزيمه الا يقولون فلانه الله يهون عليها بالتاسع !
لتاسع ولا علمتني ههههههههه
ماانكر اني وقتها اللقمه نشبت بحلقي انقهرت
المشكله كلن يعرف انها صديقتي وواضح علي اني ماادري
كلهم كانوا يطالعون فيني
بس اول مارحت بيتي وهديت دقيت عليها قلت انا باجيك
بكره ولا تسوين شي اعرف انك تعبانه 😏
وسويت حلا وقهوه وعشا ورحتلها وهي كرشتها شبرين قدامها ولا تكلمت
وسولفت وضحكت وعلمتها وين سافرنا ووريتها صورنا
وعلمته وين رحت ووين جيت
بينت لها ان حياتي مو وقفه ترا ولا اهتميت فيك
وطلعت من عندها


اما الاستقبالات صراحه اللي تعز علي
اروح واهديها وعادي مااهتم اذا احد قال عقبالك
عادي اقول امين ماتدرين يمكن احد منهم دعوته مستجابه
اما اللي مايعزون عليه اريح بالي واجلس فبيتي احسن لي






الله يفرحك ويرزقك ويفرجها عليك عاجلا غير اجلا

والله يا اختي انا اغلب وقتي ابكي ونفسيتي مدمرة بس احاول تقريبا كل شهرين او 3 اني اسافر عند اهلي لانهم بمدينة وانا بمدينة وبالنسبة لكلام الناس احسسعم اني مو قد مسؤولية الاطفال ومو وقته بس بداخلي اتمنى احملواشوف ضناي ...وبالنسبة لاطفال الناس احاول على قد ما اقدر اني ما اقرب عليهم ولا احملهم وأحسس الي قدامي اني مالي طولة بال على صوت الاطفال او رعايتهم شعور جدا مؤلم وبس ارجع للبيت اتم اصيح وابكي وزوجي يهديني ...الله يرزقني ويرزقكم جميعا ويرزق كل مشتهي ولا يحرم حد الضنا والذرية الصالحة

ياقلبي اكثر شئ يريحييك وتحسين اﻷمل قريب اذا قربتي من الله كنت وﻵزلت ولله الحمد ماترك صلاه الليل حتى لوجيت تعبانه من اي مكان كنت اقول ياحظ اللي يقوم الليل لحد مبتلينا بالعقم وصرت ماترك الوتر وصلاه الليل راااحه نفسيه لماتناجين الله وتقفلين على نفسك وتسالين ربك والله ان الله مايخيبك ابد ولو بعد حين يسر الله أمرك وتاكدي انكل انسان مبتلى





اما كلام الناس والله يوجع القلب لكن عليك بالصبر سمعنا كلمه عقيم وسمعنا كلمت عاقر وكنت اتاثر واجي ابكي من الوحده والطفش لييين يوم وحده ذكرتني انه لاسلامه من كلام الناس حتى الله رب العزه والجلاله قالو بانه له ولد وانه ثالث ثلاثه هااان علي كلام الناس لااله الا الله


طنشيهم المجالس اللي توجع قلبك الله يغنيك عنها


اسعي في علاجكم وربي اكرم الاكرمين ولاتستسلمي لاحد

حاولي تشغلي نفسك خلي وقت لك استغفار وذكر وقران وصلاه اشغلي يومك واخرجي من بيتك طلعات خرجات وغيري من نفسك شكلك بيتك لاتوقفين حياتك


ادري انه موضوع الانجاب شاغلك وتفكري كثير مالومك تفائلي جدا والله معك كنت دايم افكر متى اخرج من هذا القسم تاخر الحمل احسه جالسه فيه مراح يتغير الحمدلله افرج الله همي ورزقني لكن ماقدر افارق القسم احلى قسم مادري ايش الجاذبيه ههههههه لاني والله احس بنفس مشاعركم وتالمت واللي ذاق المر يعرف ان الحلو صعب ومايجي بسهوله وحده من البنات زوجها صفر وحملت بتؤام ثلاثي بعد اربع سنوات بيرزقك الله استفيدي من البنات مايقصرون فيهم الخير ولاتسالي اقاربك ولاتحسسيين احد بضعفك وعسى الله يرزقك بتؤام يارب العالمين




دعواتكم لولدي بالشفاء العاجل وانه ميحتاج عمليات

رايحه له لاتنسوه من دعواتكم