كيف تصرفون مع سواقينكم

السلام عليكم
انا مشكلتي اللي عجزت الاقيلها حل سواق اهلي حاط قناعه في راسه انه هو يشتغل فقط عند امي وابوي واخواني اللي معهم سيارات عادي يخدمهم يجيبلهم شغله من البقاله او عشاء من مطعم اما انا يستلعن علي وعنده قناعة انتي تزوجتي انا مالي شغل فيك رغم ان بيتي ورى بيت اهلي ومشاويري بسيطه جدا بالغالب زوجي يوديني بس اذا زوجي انشغل اضطر اروح معه
طبعا بتقولون وش فايدت سواقكم واهلك من كلامك مايستخدمونه بقولكم عشان امي مدرسه وجايبينه عشان دوامها وبالاجازه الطويلة عادي3 اسابيع تلاقونه متبطح في غرفته مايشتغل لان امي ماهي راعية طلعات الا قليييل وانا روحاتي بسيطه معه
الحين اذا رحت معه مشوار وماله خلقي يدووووس بانزين ثم يوقف فجئه ولا ياكل المطبات ونطييير في السماااء ثم دوووب على الارض هههههه طبعا هاوشته هزئته كلمه ابوي لعن خيره مافااااد معه شي بخششته وخرررررب زياااده يابنات ابي افهم وش يعدله هذاااااا رافع ضغطي مايشتغل عند اهلي ابد والله امي تقولي اليوم تصدقين يابنيتي له3 اسابيع ماشغل سيارته مافيه شغل تقول لو هو مكروف والله ماللومه تخيلو العليا بما اننا شرق الرياض مانتجرئ نروح هناك لانه بيعصب حضرة جنابه بعيد عليه ولا اذا بغيت اروح المملكة ولا الفيصليه اسحب الضعيفه امي معي عشان يسكت لانه يخاف من امي اذا صار المشوار لها لو هو اخر الرياض وداها عادي
ومره كنت بروح معه مشوار بعيد وعصب وقام يتأفف ويسرع وادق على ابوي يهاوشه ولعن خيره ابوي وتحسبون السواق خاف لا بالعكس زاد عناده وكأنه ينتقم مني ليش اشكيه على ابوي
اللي حصل اليوم خلاني انفجر واعصب كنت بروح للسوق ووداني زوجي وقال بجيك ع11 قلت زين بعدها خلصت بدري وادق على زوجي 10 قالي بتأخر ساعه انتظري قلت لا اخلي السواق يرجعني وادق عليه ويجيني السواق قلتله تعال البوابة 2ويوقف عناد بوابه واحد ويقولي انتي تعالي قلت حرك سيارتك وتعال وينصب علي لا زحمه تعالي انتي واروح انا وكرشتي بالشهر9 والاقي السيارات ماشيه والطريق سالك بس يبيني امشي وكنت متلاقيه مع صديقتي بالسوق وقالت انه اخوها بيتأخر بترجع معي بما انه بروح مع السواق وبيتها ورى بيتي بالشارع الثاني المهم ويعصب سي السيد ليش اركب صديقتي رغم انه يعرف بيتها وموديني لها كم مره الا انه سوى نفسه ناسيه ويقولي انا مااشتغل عند صديق انتي قلت بيتها ورى روح قال خليها تركب مع تكسي او تروح رجول يقصد تمشي رجليه شفتو بجاحة العماله واجيك اقوله بكلم كفيلك يأدبك اقصد ابوي ويوقف السياره ويقولي يلا دقي مافيه مشكل يلا دقي دقي شفتو الوقاحه والاستقوى وصديقتي خافت قالت تووبه اجي معك لو عارفه رحت مع تكسي ويوم نزلناها قلت استنى تدخل بنت ويشخط بالسياره بأسرع ماعنده واجيكم وادق على ابوي ويهاوشه ويرد على ابوي انا اشدخل ليش زوج هوا مايجيب سواق انا شغل عند مدام ودي مدرسه تخيلو ابوي عاد هاوشه ونزلني بيتي السواق ويشخط بأسرع ماعنده رغم ان زوجي معطي السواق عيديه500 ريال كل سنه يعطيه وانا نفس الشي اعطيه لكن العماله ماينفع معها شي ابي اعرف بالضبط هل تعاملنا معه غلط ولا هو علط وايش التعامل المناسب معه رفع ضغطي كيف اخليه يمشي سيده
المشكله انه مااايشتغل ابد ابد ابد خصوصا بالاجازات اما بالدراسه يودي امي الدوامها ويجيبها