بدون مغازل و ترقيم والأساليب الغلط
أول شيء حطي عينك على العجوز اللي أنتي بالأساس عينك على ولدها
ثم نفذي ما يلي :
1/ خليك مع أمك ولا تروحين مع البنات وتستهبلين كالعادة أثقلي كم شهر حتى تتم العملية .
2/ امشي وأنتي حاطه راسك بين كتوفك >>>>>>>>(يعني إني استحي)
ولا ترفعينه حتى لو عورك في الليل ادهنيه بـ ( فكس )
3/ كلمة خاله خليها دائما على لسانك خاصة لأم المعرس عشان تحس انك مؤدبه.
ملاحظه /....
ما فيه مانع تنادين عجوز ثانيه يا خاله عشان إذا ما ضبطت مع العجوز الأولى تضبط مع الثانية.
4/ إذا بدأت أمك تتكلم دقيها عشان تجيب طاريك في السالفة حتى لو مالك دخل .
5/ كل ما أكلت أمك من أكله زينة خليها تقول اللــــــــــه نفس الأكلة اللي تسويها بنتي وكل أهلنا يحبونها
6/ إذا جيتي تمدين أيدك توجعي شوي وخلي أمك تقول أنا قايلتلك وأنا أمك ماله داعي تنظفين جدران البيت الخارجية
7/ إذا تكلموا الحريم عن الزواجات اكتمي نفسك الين يحمر وجهك عشان تحس انك مستحيه بس لا تكتمينه مرة
(أنا ماني مسئوله لو صار لك شيء)8/ مهما كان موضوع النقاش حماسي لا تبدين رأيك لأن أحيان اللقافه تجيب أجل الخطة.
9/ شعرك افرديه وخليه طايح لا تجعدينه ولا تنكشينه.
10/ إذا أدلت العجوز ( أم المعرس ) بأي رأي سياسي أو اقتصادي أو أي شيء وافقيها الرأي حتى لو كان خطأ .
مثلا ....
لو قالت العجوز بوش متقهوي عندنا البارح
قولي :ليش ما ناديتيني يا خاله أساعدك؟؟؟
الحين العجوز حطتك في بالها والحين كملي الخطة !!!
اهجدي في بيتكم وخلي التمشيه والأسواق
وقبل يجيكم عشان يشوفك بأسبوع افركي نفسك من شوشتك إلى رجولك
كريمات وبخارواهتمام بالبشرة والشعر
( تحذير مهم للغاية )
ابعدي عن أمهات العيال راعيات الشنطة نفس لون الجزمة ( وأنتي بكرامه ) لأن هذولي يبي لهم خطط على المدى البعيد
وأخيرا :
لا تصدقون وتروحون تسوونها هذي فقط للدعابه