nurse.eme

nurse.eme @nurseeme

محررة ذهبية

كيف تصطادين عريسا؟؟

الأسرة والمجتمع

كيف تصطادين المعرس دون اللجوء الى الاساليب السقيمنة من المغازلات والترقيم والتلميح الي ماله سنع والترزز بالاسواااق ......الخ

اليك ...فتاتي العزيزة...الخلطة السرية والسحرية :

اول شي خذي لك كوب شاي ثقيل او قهوه تركيه خليك من القهوه العربي وركزي معي:

اولا: نشني على العجوز الي حاطه عينك على ولدها ثم نفذي مايلي:

1-خليكي مع امك ...ولا تروحين...ولا تجين مع البنات ...وتتهبلين ..اصبري عنهم كم شهر...لين تتم العملية بنجاح

2-امشى وانتي حاطه راسك بين كتوفك....ولا ترفعينه ابد...حتى لو عورك ...خلي الفكس دائما في متناول يدك

3-كلمة خااااله....خليها دائما على لسانك...خاصة لام المعرس..علشان تحس بنوع من التميزعن باقي العجايز وتخق معك

ملاحظة:لا مانع تنادين عجوز ثانية بخالة.. علشان..اذا ما انجحت الخطةمع العجوز :نمبر ون..تو الاحتياط واجب وانا إختك.

4- اذا بدت امك تتكلم ..انغزيها بكوعك علشان تدخلك بالسالفه ...تطبيقا للمثل:كثر الدق يفك الحام...ادري المثل ماله داعي بس ما لقيت غيره

5- اخوانك الصغار لاحقيهم ...وطامري معهم وين ما يروحون حتى لوماهي عادتك ....بس تصرفي معهم كانك امهم...علشان العجيز ...تاخذ فكره انك حريصة على ذريتك

6-كل ما اكلت امكاكله زينه...خليها تقول:..نفس الاكله الي تسويها بنتي ...حتى لو الاكل ..من مطعم صيني..او مكسيكي


7-اذا جيتي بتمدين ايدك...توجعي..وخلي امك تقول:...ماله داعي تنظفين البيت وملاحقه الخارجيه(اقول: نظفي غرفتك اول الي تقولين ثايره فيها قنبله نوويه)

8-اذا تكلموا الحريم عن العرس.....اكتمي نفسك....لين تحمر خدودك...علشان يقولون العجايز : البنت تستحي ومالنا حق نتكلم عندها...( بس لا تكتمي نفسك مره اخاف تروحين فيها واصير جنيت عليك واصير ذبحت نفس بريئه بغير حق همن يشنقوني>>فاهمه غلط)


9-مهما كام موضوع الحوار حماسي لا تبدين رايك خليك مثل :..البكما..لان القافه ..تجيب اجل الخطة

10-شعرك افرديه ...لا تخلينه طاير....ولا تجعدينه....مهما كانت الموضه...لان العجايز ما يدورون الا الي.... شعورهم ناعمه

11-اذا ادلت العجوز..ام المعرس المتوهق.. باي راي سواء سياسي والا اجتماعي او اقتصادي ....وافقي عليه...حتى لو كان ماسخ وماله داعي

مثال: تقول العجيز: بوش متقهوي عندنا اليارح.........قولي لها:يا خاله ليه ماقلتي لنا نجي نساعدكم >>يمديكم على الفكره الخنفشاريه

12-في العرس...اضغطي على نفسك..واقضبي ارضك...ولا ترقصين........واعتبري الرقص عيب وشق جيب

13-اذا جاء طاري السوق...وهو لازم يجي طاريه...لانه ملح الجلسه عند الحريم...خلي امك تقول:...بناتي ما يحبون يطلعون السوق ابوهم يجيب اغراضهم

الحين تكون العجوز وقعت في الفخ نيهاهاها>>ضحكة شر

ثانيا: نروح للمعرس الحين

1- اهجدي في بيت هلك ولا عاد تطلعين واذا جا المعرس...يبي يشوفك خلي ابوك يقول: ودي تشوف البنت بدون ما تدري علشان تاخذ راحتك وانا عمك ..وبعد تشوفها على الطبيعه

ما تقول: غشيتوني( ايه هين يا الشايب ودك تحط مكانها باسكال مشعلاني مدري شسمها)

2- قبل يجي اليوم الي يبي يشوفك..بحوالي اسبوع او اكثر ( حسب شين الوجه) طامري من صالون لصالون ..صبغ ..فرد..تنظيف بشرة..سلخ جلد>>مو كنك طلعتي برا الموضوع

3- اذا جاء المعرس خلي اخوكي يوقف جنبه علشان ما يطيل التبحلق ...ويبان المستخبي ...وذلك تطبيقا للمقوله المشهورة(...اللمحة...ذبحة...)

4- في نهاية المشهد..خلي ابوك يقول:..معليش وانا عمك....ترى البنت شويه محيوسه..( ماعليه يالشايب تنصب على المسكين

وبها الحظه الولد الافدغ..بينط على راس عمه ويبوسه ...لين يشفط مخه ..ويقول ..متى العرس يا عم

(تــَحـْذيرْ مــهم كـثير مَـرتنْ بالحـيـل)

ابتعدي عن امهات العيال المتعلمات ....راعيات الشنطه نفس لون الجزمة

هذولا يبي لهم خطط بعيدة المدى






ملطوووش لعيوونكم هههه
12
870

يلزم عليك تسجيل الدخول أولًا لكتابة تعليق.

تسجيل دخول

عساني مابكيك!
عساني مابكيك!


هههههههههههههههههههههههههههه عجبتني

ياربي ياحبيبي ترزق بنات المسلمين كل ابووهم الزوج الصالح بأقرب فرصه

موضوع رهيب

يسلموووو
ياحبيلكم
ياحبيلكم
هههههههههههه

طيب وشراتيس بالي قبل تنطط مع البزارين ومراكض وعشان كذا خطبتها ام المعرس والي كان كطبيب وعليه العين من بنات العايله؟؟
وطبعا كان السبب ان البنت بريئه وعلى نياتها

النصيب يصيييييييييييييييييييب

بس شكرا على منحنا ابتسامه :)
nurse.eme
nurse.eme
هههه اكيد النصيب يصيب وكله بالاخر قسمة من لله بس الموضوع للفرفشة بس يمكن ينفع هعهع
تسلموون على المرور نورتوا الموضوع
بائعة المسك
بائعة المسك
طيب المشكله لو مافيييييييه عريس معين وش اسوي ههههههههههه

لا تقولين اخترعي

ماادري يابنت الحلال الحين يخطبون البنات اللي راعيات طلعت وروحت ماتقعد بالبيت

ليش لدنيا تلخبطت

لو البنت مو راعية طلعت بيتوته قالول يوووووووووه ورررره يعني ماتبي احد مو اجتماعيه وبمعنى الاصح ( مهب راعية حش) من وين نجيب حكي خخخخخخخخخخخ

وربي اذا جلست مع مجمع لنا مع انه نادر جدا مبزرتهم اللي بالثانوي والمتوسطه علييييهن هرج اكبرمنهن وانا ماعمري قلته
يسولفن بذي بحرمت هذي وهذا تطلقت وهذي زعلت وهذي تهاوشت مع رجلها وحرمت الفلاني الفلان قالت لفلانه الفلانه

انا انسطل وبحلق بالخلق وقول وشلون يستطعمون هالسواليف مايحسون انفسهم مالهم داعي ههههههههههههههههههه

شكلي انا اللي مالي داعي

ياختي اذا جلست مع اقاربي اقولهم جيبي كمبيوترك احط لك برنامج روعه ولا اشرح لك الفوتوشوب <<< وربي مخي مصدي
عجزت اطوره على سواليف الحريم هههههههههههه
تلثقيني بجمعه لاحد انووود :D
nurse.eme
nurse.eme
بائعة المسك ههه الله يرزقك ولد الحلال اللي يراعيك ويحبك قوولي ان شالله وكل بنااات المسلمين