اقول خليك عاقله وانتبهي لنفسك وزوجك وش تستفيدين اذا اخذتي 4000وزوجك يقعد مامعه شي وش هالاشياءالضروريه الي لازم 4000الاف والله أحس اسراف على ماقال زوجك بعدين شوفي اذا اهتميتي بزوجك عشان الله اتمر بالمعروف مع الزوج راح تكبرين بعين الناس ولاتقولين للحريم ان مامعاكم شي او زوجك يرفض يعطيك خليك فاهمه وبيني لهم اذا أطروا لك شي أن ههذا من الكماليات الي انتي ماتهتمين فيها عشان كذا ماطلبتها من زوجي ولا زوجي مايقصر لاكن انا ماطلبتها منه. واذا احرجت زوجك وجلس بنص الشهر مامعه شي يحلو وجهك انتي تشترين خرابيط والرجال جيبه فاضي الرجال مايتحمل يفضي خخيبه والمره ماعليها شبعانه ورويانه وزوجك متشاءالله يبدو حنون وعادي لاتبغضينه بنفسك وكثرة طلباتك

طيب اذا مايقدر ع كل المبلغ ..اذا احد من خواتك او بنات خالاتك او صديقاتك تقدرين تاخذين منهم وتكشخين فيها قدام اهل زوجك زين يطيح منك ويبقا حق الضيافه الحلويات والكيكه ووو.... اكيد ماراح يرفض ... المفروض انك جمعتي لك مبلغ من بداية حملك .

والله صادق زوجك انها اسراف ايش هي الأشياء الضروريه على قولتك اللي ب4000 الاف يعني قصدك الهدايا ومفرش السرير وتزيين الغرفه والأشياء هذي اذا كان هذا قصدك فوالله انه صادق وحرام عليك تصرفين فلوسك بأشياء مالها داعي كثر خيره اذا بيعطيك ألفين أما لو قصدك المقاضي حقت النفاس وأكلك ومشربك فمعك حق بس ماتوصل 4000 وهو اللي راح يجيبها مو يعطيك الفلوس بيدك هذا رأئي وانتي براحتك لاتضغطين على زوجك عشان خاطر حمولتك على قولك

اطلبي في حدود المعقول واللي يقدر عليه زوجه
ممكن راتبه مايساعده يعطيك المبلغ المطلوب
والناس ماعليك منهم اهم شي ان اغراضك وتقديمك لهم يكون حلو ومرتب وسعر معقول غير مبالغ فيه

لا راتبه يكفي وزياده بعد

وهو اصلا مادفع شي حق الاغراض الي شريتها

وبعدين انا بقعد عند اهلي يعني يبي لي مصرووف خصوصا اني انا بمدينه وهو راح يكون بمدينه ثانيه

وبعدين اصلا الي شريته ملابس البيبي وملابسي وباقي اغراض البيبي ماشريتها

وانا كنت مجمعه فلوس من اول ماحملت لكن راحت في ظروف غصبا عننا

والحين الظروف راحت يعني يقدر يدفع لي

وترى اربعه الالاف ولاشي راح يكون الفين خااصه للشغاله لان ببيت اهلي مافي لاشغاله ولابنات وامي كبيره بالعمر وماابغى اتعبها معي