كيف تعاقبين طفلك؟؟

على حسب الموقف و على حسب العمر

الحناااااااااااااان

انا كنت اضرب بنتي وامي دايما تهاوشني تقول منين جايبه هالضرب ارحميها وهديها وحني عليها وشوفي وش تصير

والله نفع معها صارت تسمع الكلام وش حليلها ماشاء الله واذا بغيت شي اقول ياحبيبتي ياشاطره يابنيتي
انتي تسمعين كلام ماما وبابا
الحين لازم اذا بغيتها تسوي شي تقول اول قولي بنيتي تحب هالكلمه
عمرها اربع سنين

الله يصلحهم ويهديهم

جربي يومين وردي علي
بااااااااااااااااااااي

اول شي خففت من عصبيتي الزاااااااااااااااايده معه و صرت اتعامل بهدوء و وقفت الضرب لانه ما نفع معه

اتبعت معه اسلوب Time out او nutty room يعني كنت ادخله غرفة المكتب (او اي مكان ما فيه العاب او اي شي يلفت انتباه الطفل ) و كنت اخليه فيها 3 دقايق على حسب عمره 3 سنين ,,, طبعا كان يقيم الدنيا و يقعدها جوا الغرفة و يبكي بس ما كنت ارد و استجاب مع هالطريقة شوي

و اذا كنا بره البيت ,, و عمل شي غلط او ما رد ,, بقله خلص ماما ما في روحه عالمكان الفلاني ( اي مكان بيحب يروحه ابنك ) لحتى تسمع ترد علي و تسمع الكلام ,, و هالطريقة اكتر شي ماشية مع ابني

انا بالعكس ولدي اذا غلط احاول اني اعامله باللين حبيبي و ما حبيبي ..بس والله اشوف الولد صار قليل الادب و ما تنفع معاه هالاساليب اللينه و الحين استخدم اسلوب التطنيش بس بعد ما جاب اي نتيجه و المشكله ابوه ما يرضى استخدم مهاه اسلوب الضرب او التوبيخ الشديد و ...دايمن احس باحرج لما يكون فيه ناس لانه بدء يسب كل من هب و دب ...حتى من كم يوم قاعد يضرب امي على راسها ((والله فضيحه))

هو عمره سنتين و نص و الله يستر احس كلما كبر يصير شيطان زياده

السيده ماما
شاكره ردك انا عندي 7 و 4 و2 سنوات طبعا


sweet lemon
بجرب طريقتك ومشكوره على ردك



EM RAMY
شاكره ردك
يعني الحبس هو الحل لل3 سنوات



عيونuae
يقولون ان الأولاد اصعب
وشاكره ردك