ماعندى الاطفال

يارب ترزقنى

دعواتكم لى

الله يجزاكم خير
ويرزقك يا اهات بالذريه الصالحه يارب

يابنــــــــــــــــــــــــــــات جابوا على الاسئله الله يجزاكم خير

1- عندما يصرخ عاليا من غير سبب ؟



الجيران يسمعونا بعدين يضحكوا عليك يقولوا مشاغب يسكت ويرجع اليوم الثاني نتيجة مؤقته بس


2- عندما لايصغي الى كلام والديه

اذا ما سمعت كلامي مافي تلفزيون نتيجة مؤقته


3- عندما يتلفظ بألفاظ بذيئه

الحمدلله لسه ما قد يعرفوها بس احيانا يقول انت مزعجة او مش مؤدبة يعني زي ما اقوله اطالع وعيوني مفتوحة على الاخر بعدين يسكت


4- عندما يلعب او يكون على قرب من مكان خطر؟

اقوا انتبه بتطيح وبعدين بيجيك دم وانزله على طول بس اذا مش خطير اخليه ياخذ طحسه على الارض بعده يتعلم


5- عندما يأذي اخيه او قريب له


اقول له حرام المفروض اخوك تحبه شوف فلان يحب اخوه وبابا يجيب له لعبه والحمدلله ما يتضاربوا توهم صغار 4 و2 سنوات





6-اذ سوا فيك كذا وش تسوين((
عادي يسويها ولا اعبره او اقول له بعدين ما تطلع حلو ويضحكوا عليك اصحابك

اذا ذكرتي العقاب اللي استخدمتيه مع طفلك فهل جاب نتيجه

ايجابية معه ولا العكس؟؟؟

الحرمان من شي يحبه زي التلفاز يجيب نتيجة ايجابية بس اليوم الثاني ينسي لازم اذكره

1- عندما يصرخ عاليا من غير سبب ؟((ياراسي ))
اقلو تعال ايش تبى....ازا مارضي انزل لمستوي نظره وامسكه اقلو اتكلم انت كبير وتعرف تهرج قول ايش تبى...او احضنو واشوف ..ازا مانفع اعاقبه بتركه...




2- عندما لايصغي الى كلام والديه
احرمه من الاشياء المفضلة عنده..او من الخروج..او من اللعب مع اشخاص يحبهم.الين مايتعلم الطاعة...ومايتعلم الطاعة الا منك..ازا انت اخدتي برايه..وكنتي قدوة له بانك تسمعي كلام ابوه...فهنا راح يتعلم منك





3- عندما يتلفظ بألفاظ بذيئه
"طوطوطوطوطو"

مااضربه قدام الخلايق ولااخاصمه قدامهم...بس اروح عند اجنو واقلو انتا سبيت كلام مو حلو...وانا لما اروح البيت حاعاقبك قوليلي حرمك من الشي اللي هوا يحبو اذكريلو هوا في ادنو من غير ماتفرصعي غيونك ولاشي...ولما تروحي البيت نفذي العقاب...لان اذا مانفذتي العقاب راح ياخدك مهزلة..



4- عندما يلعب او يكون على قرب من مكان خطر؟
روحيلو خودي بحضنك بشويش..قوليلو حبيبي هنا تتعور واذكريلو قصص انو المكان كان يخوف..وان شاءالله يسمع كلامك..كل شي بالهداوة حلو



5- عندما يأذي اخيه او قريب له
اول خطوة لاتخاصميه قدام الناس وتقوليلو:انا اوريك وتضربيه لا..خليه واعتذري من ام الطفل اللي اذاه..وبرضو اهمسيلو في ادنو انك حاتعاقبيه...وازا كان ولدك مايسمع الكلام انت السبب لانك اكيد مراات قولتيلو انا اعاقبك وماعاقبتيه فهوا عارف انك ماراح تنفذي كلامك...
او انك تشتريلو بي اس بي يتلهي بي ازا احد عند الناس...وبرضو لاتنسي تعاقبيه...بس من غير ضرب عاقبيه معنويا





6


و اذا ذكرتي العقاب اللي استخدمتيه مع طفلك فهل جاب نتيجه
ايجابية معه ولا العكس؟؟؟
ايجابية بعض الاحيان وسلبية احيانا اخرى..بس المحاولة دائما مانوقف عشانا فشلنا من اول مرة..مع الايام راح يتعلم












طيب بعطيكي شوية نصايح وان شاءالله تستفيدي منها...
اول شي:ماتعاقبيه قدام الناس ولاتصرخي في وجهو قدام احد بالزات اصحابو انت كدة تقللي من اهميتو قدام الاخرين وتحسسي بنقص...

ثانيا:لاتعاقبيه بالضرب عاقبيه معنويا..لانو افيد من الضرب وكترت الضرب ماتولد غير الجبن وعدم الاحساس..لانو بيقول بتضربني وخلاص حيكون عندو شي عادي..لكن لما يكون معنوي يمس احساسو ديك الساعة حيبطل يعملو ان شاءالله.
ثالثا:اذا وعدتي بعقاب معين او هدية معينة فحاولي تسويها...لانك اذا ماسويتها ماراح ياخد كلامك ع محمل من الجد وراح يعمل الي براسو باي وقت...
رابعا:اذا اذى اخوه مو تاخدي اخوه وتحضني وتخاصمي ده...كدة حايعاندك زياادة والغيرة تتاجج بينهم وراح يكره اخوه بالمستقبل..لا ...انت امسكي قوليلو انتو اخوان كلو بالهداوة زي ماقلتلك..

وازا اتزكرت شي اكتبلك هوا بوقت اخر...لكن ازا ولدك عندو طاقة زايدة استغلي دي الطاقة بالعاب التركيب والتركيز..او انك تخليه يساعدك بشغل البيت...او اعملو مسابقات وزي كدة..
والله يهديلك هوا يارب وادعيلي بصلاح وهداية ولدي يارب

ولدي حتى هو الله يهديه ويصلحه مره متعبني
مايسمع الكلام ولا يخاف مني عمره 4 سنين
والاطفال عنيدين يعني اذا شفتيه بيسوي شي غلط
وقلتي لا لاتسوي كذا يعاند ويسوي غصب كأنك تقولي سوي
ولدي كذا وجربت معاه اني امدحه يعني اقول لا انت شاطر الله يسعدك ومؤدب ماتسوي كذا
وسبحان الله يبطل..