(عاشقة الفردوس) @aaashk_alfrdos_14
عضوة مميزة
كيف تعتني يوميا بجسمك ( لمن تبحث عن التميز )
كيف تعتني يوميا بجسمك ( لمن تبحث عن التميز)
كي يصبح جسمك نظيفاً وناعماً ولتصبحي مميزه فإن العناية اليومية هي الحل
ولا تقتصر العناية في يوم أو شهر.......
فلا تجعلك الأشغال المنزلية والظروف تمنعك وتتكاسلي بالعناية بجسمك
بل اجعلي العناية بجسمك من أولويات برنامجك اليومي
وأنا لا اقصد هنا المبالغة وانما عمل المفروض عمله لكل أنثى>>>>>
عزيزتي الفارسة...........
راح أعطيك برنامجي الكامل للعناية بجسمي من رأسي إلى رجولي ....
والحقيقة أنا ما جبت شي جديد لكن اغلب البنات تتكاسل أو تأجل ونادر اللي ما تفوت ولا يوم من عنايتها بجسمها ..
ونادر أيضا أجد من تجعل العناية بجسمها من أولويات يومها . بل تجعل عنايتها بجسمها إذا
تبقى وقت معها !!
أنا ما أنكر إني كنت كذا قبل يعني اكتفي بغسيل وجهي مرتين باليوم بالصابون وتفرش أسناني وشهر اعمل ساونا وثلاثة لا .
لكن من العام وأنا متبعة نظامي البسيط ..والحمد لله راضيه بجسمي تمام الرضى عكس أول .
ما أطول عليكم
خلونا نبدا بالعناية بالشعر
طبعاً الشعر الجميل حلم كل أنثى
وبما إن حن بالصيف أكيد راح نستحمم يومياً ادهن شعري قبل الحمام بساعتين بالنارجين
وأنتي إذا ما تحبي ريحته استخدمي هذي الخلطه وعن تجربه تغذي الشعر وتطوله
علبه خروع - علبة من زيت الحشيش - علبه من زيت الشمطري - وعلبه من زيت الصبار
والعلب هذي اللي على 10 ريال
وبعد كذا أغطي شعري كامل بكيس نايلون ولا افكه إلا إذا بغيت اغسله .
واغسلي شعرك بالشامبو اللي يناسب شعرك وأنا افضل شامبو زيت الزيتون
اللي من صانسيلك صراحة يخلي الشعر حرير خاصة الخاص بالشعر المقصف والضعيف
وما اغسل شعري أبدا وهو ناشف ومافيه زيت ..
وبعد ما اغسل شعري وانظفه أجيب مقدار بيالة من خل التفاح وبياله ماء واخلطهم
وأوزعه على شعري ..
بعد كل أسبوع أقص أطراف شعري أحاول اخفف من الاستشوار ..
هذي طريقتي للعناية بشعري وهي سهله ولا تحتاج تكلف ....
والحين خلونا ننتقل للوجه
إذا تبغين بشرتك تكون حلوه ومشرقة اهتمي بتنظيفها لان التنظيف أهم شي
طبعا أول مااصحى لازم اغسل وجهي بالصابون واستخدم صابونه ( بايودريم) صابون مبيض بالمادة الواقية من الشمس مع فيتامين ( E )
بعدين ادهن وجهي بكريم توتال افيكتس
وإذا جيت انا م اغسل وجهي بنفس الصابونه واحط حليب منظف لمده عشر دقائق
وبعدين انظفه بالقطن وبعد كذا أحط كريم مغذي ومبيض ( سائل ) واوزعه بالقطن على وجهي والصنفرة استخدمها بعد كل يومين وافضل صنفرة اللي بالمشمش بس صناعتها Xامريكيهx .
وبالنسبه للاقنعه نادر اعملها شهر أحط وشهر لا . لن بشرتي الحمدلله مو محتاجه
واذا حسيت ان بشرتي مش ولا بد او طلع فيني حبوب استعمل المقشر ريتن A .
نجي للأسنان
طبعا مافيه احد ماينظف اسنانه يوميا لكن البعض ينظف اسنانه اول مايصحى وبس !!
وايضا انظف اسناني بالملح والليمون او الفحم الطبيعي ..
وانا احط بعلبه صغيره ملح واحطها عند المغسله حتى مااتكاسل اروح المطبخ
والحين جينا لليدين والرجلين
ومن فيكم ماتحب يدينها تكون حرير
وصراحه انا اهتم بعنايتي بيديني ورجولي بدرجه مفرطه وراح اقولكم طريقتي
اولا انا عامله خلطه مخصوص وادهن منها يديني ورجولي اذا بغيت انام والبس قفاز ولرجولي
شراب . ولما اصحى امسحهم بماء الورد ( يوميا ً ) وماامشى بدون جزم ابداً وانتم بكرامه .
وراح اكتب مقادير الخلطه عشان تستفيدون
علبه زيت الاطفال من جونسون - علبه جلسرين + ملعقتين جليسوليد - علبه من زيت اللوز
اخلطيهم مع بعض كويس واحفظيهم بعلبه عندك وحطيها بغرفتك .
واذا جيت انام انظفهم بالقطن بالمنظف من كلين اند كلير الاحمر واسوي نفس الطريقه اللي ذكرت
الحين جينا للجسم كامل
جسم ناعم وناصع حلم كل وحده فينا
ومن ناحيه الجسم فأفضل اني اخذ حمام ساونا بعد كل شهر لاني سمعت انه كثر استخدامه يضر
وطبعا كلكم تقريبا يعرف طريقة عمل الحمام المغربي
وراح اذكر طريقتي لعمل الحمام المغربي ....
ادهن جسمي كاااامل بالصابون المغربي وادخل الساونا لمده 30 دقيقه
وقبل لااطلع بعشر دقايق اقول لأختي تفتح الدوش على الماء الحار بالحمام وتسكر الباب
وعلى طول للحمام بعدين افرك جسمي بالقفاز اللي مع نفس الصابون لانه احسن نوع
وافرك على شكل دائري من فوق لتحت وبسرعه واركز على الركب والاكواع
بعدين ادخل تحت الماء الداااااافي واغسل الصابون بسرعه واطلع مره ثانيه وافرك مره ثانيه تفريك كامل وعميق
وبعدين اغسل من الصابون واشطف جسمي بالماء
واكون مجهزه بصحن ملح خشن + عصير نصف ليمونه وافرك فيه جسمي وبشويش لان الجلد بعد الحمام بيكون رقيق وبيتأثر على طول .
وبعد مااطلع ادهن جسمي بالخلطه حقت اليدين اللي ذكرت سابقاً 0
واخر شي أعطر جسمي بعطر كلينك
.. والريحه تطلع جنان
هذي الطريقه اسويها كل شهر .
شعر الجسم
اكيد وجود الشعر على الانثى يعطيها منظر غير مستحب
بالنسبه لشيل الشعر انا استخدم حلاوه أميرة ومرتاحه مره معها واشيل شعري بعد 20 الى 30 يوم شيل كاااااااااااامل
واحيانا استعمل بروان اذا كان مالي خلق
بس اهم شي بعد الشيل امسح جسمي بشريحة من الليمون هو راح يتحسس الجسم شوي وبيكون احمر لكن بيروح مايطول .
هذي طريقتي بالعنايه اليوميه والسر مو بالطريقه وانما بالاستمرار عليه يومياً
أتنمى تكونوا استفدتوا
وبانتظار ردودكم .......
32
53K
يلزم عليك تسجيل الدخول أولًا لكتابة تعليق.
(عاشقة الفردوس)
•
الصفحة الأخيرة