انا نقلت فله قبل سنه .. جاراتي معظمهم حريم كبار ، اكبر من امي .. ما قصروا زاروني و جابولي هدايا يزاهم الله الف خير .. و كل ما تصير عزومه عند اي وحده منهم يخبروني -مرات اروح و مرات لا- .. جارتي الي لازقه فيني و شفتها من سني و عدنا عيال نفس العمر .. بصراحه ما سوتلي سالفه بس لما مر علينا رمضان ما قصرت انا فيهم كل كمن يوم ابعثلهم صحن و هي تردلي صحني .. بس انا و الله ما بغيت ها الشي بس بغيت معرفتها -اختكم اجتماعيه- بس تمينا على ها الحال لغاية ما نقلت .. و حزت في خاطري و الله
و جارتي الي مقابلتني بعد في سني و عدنا عيال نفس العمر .. ما زارتني بس ام زوجها الله يحفظها جتني تعيد علي -ما قصرت- .. هاذيج شكلها غير اجتماعيه و ما تحب تحتك بحد
صدق من قال الناس اجناس
كنت دايما اتمنى تكون عندي جاره نفس عمري و اهتماماتي .. نصير مثل الخوات ، و عيالنا اصدقاء .. لكن ما كل ما يتمناه المرء يدركه .. و جاراتي الكبار في السن كل ما يزورونهم احفادهم يبعثونهم عندي يلعبون مع عيالي .. الحمدلله رب العالمين :)

قدامك عدة حلول ... وقبلها احتسبي الاجر من الله ..لأن مكانة الجار عظيمة في الإسلام ( والجار ذي القربى والجار الجنب ....) :-

- مافيها شي زوجك ياخذ رقم جيرانك ويقول نبي نتعرف عليكم أو

- اختاروا يوم وخلي زوجك يعزم الجيران على قهوة مغرب مثلا أو

- ارسلي صحن حلا وحطي معه بطاقة واكتبي فيها شقتكم ورقم الهاتف أو

- اختاري يوم وارسلي بطاقات لكل الجارات قولي بنسوي اجتماع للجيران وحطي رقمك ..




والله يوفقك ويكتب لك الاجر والمثوبة ..:)..

وبشرينا وش يصير عليك

انا نفس حالتك لي سنتين ساكنه العماره وفيها 8 شقق تخيلي وكلهم ساكنين بنفس وقتنا وكلهم كانو معاريس وثنتين بس اكلمهم بالتلفون بين فتره والثانيه بس ماعمري شفتهم

هلا يا بنات

مو شرط انتي جديده اهم اللي يجون لك لان ممكن هم خايفين يزعجوكي خاصة انك ما عندك اطفال
ممكن يظنوكي عروسه فكيف تكون المبادره تسوي حلا اكله حلوه ومع ابو الشباب لجار طبعا تحطي
ورقه بانك حابه تتعرفين بس ادعي لي ولو ما نفع انا موجوده ولا يهمك
ولعلمك انا اتعرفت على جارتي عند ناس مو من الحاره وكانت تقول اول ما شفتك قلت وش ذا اللي
شايفه حالها وقالت لناس كذا وانا اول ما قالوا اش رايك فيها قلت حرام حامل وتعبانه مالها خلق وجاه
الكلام شفنا بعض بعد3 شهور وكانت ولادتي وقعدني نتكلم عن الاطفال والازواج وسواليف واخذنا الارقام وحمانا سوا وولادنا سوا ورضعت بنتي والنعم فيها واحنا اصحاب وانا قبل ما اعرفها قعدت 3
سنين ماحد تعرف علي واتمني لكي السعاده باالرياض وان تكوني صحبه ممتازه يارب جيران وغير
الجيران واذا حابه اي شي امرى ياالغاليه

اذا كنتي تحبين تختلطين بالجيران بادري انتي لا تنتظرين صلحي قهوتك وسيري عليهم
صدقيني بتنبسطين واذا ما صلحت لك وحده حاولي مع الثانيه