موضوعك مره رائع
اولا انا مااحكم ابدا الا على وحده عازمتني هي والعزومه من وقت يعني من اسبوع الى ثلاث ايام
ثانيا اكثر شي يشدني الريحه الحلوه والسجاد
ثالثا مشكوره على موضوعك اكتشفنا ملاحظات غريبه

اخواتي ..اللي عندهم اطفال بحفاضات المفروض معاها دايم من اكياس الزبالة الصغيرة وتربطها فيها، حتى صاحبة البيت المفروض تحط زبالة للبامبرز لوحدها وبغطاء..وتنبه ضيفتها اذا خلصتي فيه مكان مخصص لها،وهي صاحبة البيت اذا عندها اطفال لاتنسى تحط البامبرز برضه في كيس من اكياس الزبالة الصغيرة في كل مرة تغير لطفلهاعلشان ماتطلع ريحة شينه بالبيت.اذا ماتقدر توفر اكياس الزبالة الصغيرة ..فيه اكياس المقاضي يوميا يدخل البيت عدد منها لا ترميها احتفظي فيها لها الغرض..

موضوع رائع الحرمة النظيفة اذا عرفت ان بيجيها ناس تكون مستعدة لاستقبالهم وتنظف بزيادة واهم شي مغسلة المطبخ وثلاجات القهوة والشاي والدولاب والحمامات والمغاسل والدرج والحوش وحاجات كثيرة لو اجلس اعد ماخلصت لان بعض الحريم تجلس تطالع وتفتش وتدور الزلة وبعدين مو شرط تكون صاحبة البيت متزينة ومتكشخة ياما فيه حريم تقولين انها رايحة عرس وهي وصخة

لمن ادخل بيت احد وهو حوسه او فيه وصاخه عادي واعرف راعيه البيت نظيفه بس هذا شي طارئ اذا كانت الوصاخه سطحيه
وفيه وصاخه عميقه لها شهور ما تنظفت هذي اعرف انها وصخه زي فرن الزيت عليه طبقات مو حق اليوم ولا امس هذا وشو مو غصب عليها
واذا حوسه عادي الواحد يقدر الظروف ويعرف انو الاطفال ما يخلون شي ويكببون غصب على الام
انا ما يهمني الناس ولا ادقق فيهم بس بعض الناس حريصه انها تنتقد غيرها وتراقب البيوت فانا اصير حريصه اني اشوف هالناس كيف نظافتهم وللاسف انهم اوصخ بيت ادخله

موضوعك رائع اختي ولازم الوحدة تهتم في بيتها وعيالها هذي مسئوليه تؤجر عليها من خالقها
بس برضه ماادقق ولا افرفر بالبيت والمطبخ حدي غرفة الضيوف واذا باساعدها باغض النظر لان كل انسان له عيوب..
والمطبخ مستحيل يجلس خالي حتى لو من الملعقة المتسخه خاصة اذا عندك ضيوف بس يبان من الدواليب والاغراض مااحكم عليها انها وسخه من بعض الاواني في المجلى او على الرف مو معقولة بتجلس تنظف اول باول وعندها ضيوف...صح قبل وصول الضيوف لكن اثناء وجود الضيوف اشوف انه فيه تكليف النفس بغير طاقتها ..طبعا والحمام لازم يكون نظيف ومافيه زباله والمرايات ممسحه ...اكره اشوف البقع عليها...والبخور الراقي طبعا..