الريحه الحلوة صح نظافه بس بعض الناس عندها امراض ماتسمح للبخوارت والمعطرات بس ان كانت نظيفه تباان والريحه عاديه

فيه ناس تنظف بس تنظيف سطحي
وفيه ناس مشاءالله تنظيف دقيق مؤ لازم تحط بخور بعضهن لكن مشاءالله ريحة النظافة تشمينها وانتي داخله
النظيفه واضحه بالمررره من سنعها بنفسها وبااطفالها حتى شنطتها الشخصيه تصير نظيفه ومرتبه تعرفي ان هذي مشاءالله على طول مرتبه ونظيفه نظافه ولااروع

ههههههههههههههههه

ذكرتوني بوحدة الله يذكرها بالخير
إذا جات عندي ماتترك مكان ماتطل علية
المطبخ الثلاجة ، دولاب المونة ، الفرن تفتحة وتشوووف داخلة ، دولاب مواد التنظيف اللي تحت المجلى
، دورات المياة وأنتم بكرامة ، الغسالة تفتحها وتشوف داخلها ، غرف بناتي ، دواليبهم ،
بس مرة جات بتدخل غرفتي وقفت بوجهها وقفلت باب الغرفة وقلت لها " خير مضيعة شيء " !!!
وربي مو هذا اسلوبي بس قهرتني مع العلم أنها قريبة بس مهما كان
والله أختي تجي عندي ماتسوي اللي تسوية هالأدمية ربي يهديها !


اما بالنسبة لي أنا مايهمني أن كان بيت الأدمية نظيف او لا هذا شيء راجع لها هي !!!
أهم شيء الشيء اللي تقدمة لي يكون نظيف
والحرمة اللي اعرف أنها غير حريصة على النظافة ما اروح لها كثير او لما اروح تكون زيارتي لها سريعة وما اكل عندها شيء
وأن كانت مرة قريبة ولازم اتقهوى عندها والله اخذ قهوتي وحلاي معي !
واقول حتى ما اجرح مشاعرها قهوتي كانت جاهزة وقلت اجيبها بدل ماتتعبي نفسك !

أمي كانت تقول لنا .. تعرفي الحرمة النظيفة من الغير نظيفة من حمامها
ومن اولادها !!!

من فرنها ودورات المياه اعزكم الله ان كانت نظيفه فهي نظيفه والعكس لان الترتيب مو دليل ابدا لان امي مافيه انظف منها الله يقومها بالعافيه ويشافيها وشوفي اخواني بلا مبالغه ربع ساعه والبيت راسا علي عقب الله يهديهم ويصلحهم 

نسيت اذكر انه ليش هالشيئين بذات لانوه الفرن تطبخ فيه بشكل متكرر في اليوم والحمام تدخله كذالك كم مره ويدل احيانا علي انها عجازه للأسف 
وش يضرها لانظفته ماهي تتردد عليه تطبخ ؟! 
لاكن احيانا ظروف الواحد مريض ،.. الخ