كيف تعرف اذا الشخص صادق معها !!

ياسلام تلقي عنده عشر غيرها
إذا المتزوج يخون وش يخلي للاعزب
يعني بصراحة أنتي تعرضي نفسك للخطر مكالمات و واتساب وبعدين يعني متى هالزواج؟! وكيف اصلا لاشافها ولايعرفها
يعني لو شافها فوظيفة ممكن أقول أي ممكن يخطبها شيء
أما شات بصراحة ماشفت ولاسمعت احد تزوج عن طريق كذا ولكن سبحان الله ماندري
معليش احس غباء انتظر زواج من شخص يكلمني في الجوال ولااعرفه ولايعرفني وممكن تلقي متزوج ويتسلى والله مليون أحتمال لو متزوج وبعد يبغى يتزوج وتصيري ضرة ..اما كيف تعرف وتااكد الا اذا صار في يدها خاتم وصار عقد.
لازم ماتصدقه وتسحب عليه شوي شوي وتسوي له حظر ثلاثي الابعاد وهي تعرف من نوعية المكالمات وش هي محتواها ووقتها وهل فيها محاولة استغلال لها لان احس شيء مو طبيعي ماشافها ولايعرفها يعني تساله متى نتزوج إذا هرب وغير الموضوع يعني خراط وممكن صادق لان يمكن خطب ومحد يبغاه يتزوجه او شيء مطلق او شيء لحتى لو هو صادق تتاكد هو وش وضعه وش يشتغل وكم عمره وشكله كيف ماتدري وش اللي يمنعه يتزوج من بيئته او أمه تخطبله.

هذا اسمه تسليه وبيع وهم لا اكثر
قاعدين تهدرون اوقاتكم على المجهول والسراب لان ماشافك ولا شفتيه ولا يعرف عنك ولا عن حياتك أي شي غير الكلام وانتي كذلك ماتعرفين غير الكلام الفاضي الوهمي اللي يقوله لك
اما كيف تعرفين اذا صادق اظن الاجابه ماتحتاج اثنين يناقشونك فيها
لو يبيك يدل باب بيتكم يجي يخطبك ويتزوجك
وغير كذا هو يتسلى بك لا اكثر

اي علاقة بدايتها ماترضي الله نهايتها ماترضيك وعواقبها وخيمة

الله يهدي كل من يسوي هذي التصرفات اهم شي مراقبه الله أن هذا الشي لايرضي الله
هولاء ذياب بشريه
حاكينها تسليه بنات الناس
وحتي لو أخذته راح يشك فيها
يشك انها كلمت غيره

يتقدم يخطبها اذا صادق.
واذا تسليه (وهذا الأرجح)
كم يوم ويطلب صور وكوفي وخرابيط